Европа
Германското разузнавање во своите редови откри и уапси исламист
Германската Федерална разузнавачка агенција за заштита на уставот Bundesverfassungsschutz (BfV) открила и уапсила во своите редови германски државјанин кој имал достап до„чувствителни материјали“, под обвинение дека објавувал исламистички изјави на интернет и откривал интерни материјали на агенцијата.
Портпаролот на BfV одбил за Reuters да објави детали за позицијата на уапсениот во агенцијата и за времето кога ѝ се приклучил на агенцијата. Одбил да го коментира, исто така, и пишувањето во дневниот весник Die Welt дека 51-годишникот планирал да активира бомба во централното биро на BfV во Келн. Наредбата за негово апсење била издадена под сомнение за заговор за убиство.
„Нема докази до овој момент дека постои конкретна опасност за безбедноста на BFV и за неговите вработени. Човекот е обвинет за објавување исламистички пораки преку интернет користејќи лажно име и за откривање интерни материјали на агенцијата на интернет“, рекол портпаролот додавајќи дека мажот „се однесувал неупадливо во текот на обуката и во својата област на одговорност“.
Неименуван извор од BfV за интернет изданието на весникот Der Spiegel – Spiegel Online, ги потврдил обвинувањата и дека мажот е државјанин на Германија, но и оти „се обидел да предаде потврдил чувствителна информација којашто се однесувала на агенцијата којашто можела да ги загрози активностите на агенцијата“.
Spiegel пишува дека органите на прогонот влегле во трагата на осомничениот екстремист пред околу четири седмици, и оти тој во моментов е притворен, а истрагата ја води обвинителството во Диселдорф. Мажот влегол во контраразузнавачката служба неодамна и требало да ги следи исламистите во Германија. Како што истакнува Spiegel Onlain, иследниците кај осомничениот откриле преносен уред на податоци со важни службени информации.
Германските власти ги засилија надзорот над потенцијалните милитантни исламистички групации по двата напада во јули годинава за коишто одговорноста ја презема екстремната сунитска организација Исламска држава.
Агенцијата BfV проценува дека во Германија има околу 40.00 исламисти, вклучително и 9.200 ултраконзервативни исламисти познати како салафисти, изјави Ханс-Георг Маасен, челникот на оваа агенција во интервју за Reuters претходно во ноември.
„И натаму сме цел на исламистичкиот тероризам и мораме да претпоставиме дека Исламската држава или другите терористички организации ќе изведуваат напади во Германија, доколку можат“, рече Маасен тогаш./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.
Европа
Захарова: Киев продолжува отворено да најавува терористички напади врз Русија
Марија Захарова, портпаролка на руското Министерство за надворешни работи, на брифинг со новинарите рече дека режимот во Киев продолжува отворено да најавува планирани терористички напади врз Русија.
„Режимот во Киев продолжува отворено да најавува планирани терористички напади на руска територија, чии детали, нема да верувате, се детално дискутирани во западниот печат“, рече Захарова, според државната руска новинска агенција ТАСС.
Захарова наведе дека во украинските напади се повредени руски цивили и додаде дека украинските специјални служби не се откажуваат од „масакрите на нивните поранешни сонародници“.
„Просветените, како што се нарекуваат себеси, престолнините на колективниот Запад сè уште не го оквалификуваат ова како терористички напад. Како можат да го оквалификуваат како таков? Во спротивно, ќе мора да донесат резолуции и закони со кои се осудува нивното спонзорство на тероризмот“, изјави Захарова на новинарите, пишува ТАСС.