Европа
ГЛОБСЕК: Излегувањето на Велика Британија од ЕУ – полесниот или потешкиот начин надвор
Четири месеци по референдумот за членството на Велика Британија во Европската унија (ЕУ) и одлуката на британскиот народ да го напушти европското семејство – се уште не е познато на кој начин Лондон ќе го изведе „разводот“ од Брисел и какви ќе бидат последиците и за двете страни. Прашањето за тоа што ќе се случи по Брегзит беше една од главните теми на кои коментираа многубројни политички експерти, политичари, новинари и граѓански активисти викендов на меѓународниот ГЛОБСЕК безбедносен форум го Братислава.
Од Братислава, Бојан Стојковски
Експертите во дискусиите кои ги следеше Макфакс излегоа со доста поделени мислење околу тоа како ќе се реализира процесот, но со заеднички став дека никој се уште не знае што точно ќе се случува, дали Британија ќе сака од ЕУ да излезе на „полесниот“ пат, односно во временски период до две години, или пак тоа ќе го направи по „потешкиот“ пат, што значи процес во времетраење до 10 години.
„Останува прашањето како ќе биде решено излегувањето на Велика Британија од ЕУ – дали тоа ќе го направиме на тешкиот начин што значи дека целиот процес ќе трае 10 години, со што акцентот ќе биде ставен на британската економија, да им се овозможи на британските компании да се преселат во ЕУ, да се отворат нови можности и да се воведе строга регулатива кон Унијата. Сметам дека токму тие што го заговараа Брегизт и самите ќе пропаднат, односно преку забрзувањето на процесот, тој нема да успее. Не ми е јасно како британската премиерка сака да активира членот 50 во март 2017-та година, без тоа да пропадне. Веднаш штом се активира тој член, компаниите ќе започнат да се селат во Унијата“, беше еден од коментарите на експертите кои говореа на оваа тема.
Експертите додаваат дека процедурата е загрижувачка бидејќи тоа претставува нешто што досега не е видено односно нема поставени правила, нема искуство или начин на однесување. „Веќе постои некаков замор од Брегзит. За различните договори ќе има различни процедури, која институција ќе прави што, и сето тоа на некој начин заморува“, сметаат дел од експертите.
Од големо значење ќе биде и улогата на Германија во целиот овој процес, бидејќи како лидер на Унијата, сега останува на неа да го зачува единството на Унијата. „Можеби Меркел сакаше полесен Брегзит, но тоа беше случај на почетокот, додека сега таа на прво место го става заедништвото на останатите 27 земји членки. ЕУ ќе биде обединета по прашањето и затоа во моментов „потешкиот“ Брегзит е доста реална опција за германската страна“, коментира еден од учесниците во дискусијата.
Експертите исто така се осврнаа и на поврзаноста помеѓу членството на Британија во ЕУ со она во НАТО, говорејќи дека се работи за различни процеси кои никако не можат да се поврзат еден со друг, бидејќи Обединетото Кралство ќе остане доследно на договорот што го има со Алијансата.
„Членството на Велика Британија во НАТО е нешто друго, овие процеси се различни и не можат да се поврзат. Можеби не толку целосно различно, но Британија останува посветена на НАТО и тоа нема врска со она што се случува со ЕУ. Британија долго време на меѓународната сцена се однесува поинаку во однос на официјалната надворешна политика на ЕУ, на пример таа е доста поблиска со Канада и Австралија отколку со Унијата. Соработката во разузнавачката сфера исто така, тие споделуваат информации со нив отколку со земјите од Унијата. Она што ќе се направи сега со Брегзит е редефинирање на улогата на учеството на Велика Британија во европската политика“, заклучува еден од надворешнополитичките експерти кои учествуваа во оваа дебата.
Безбедносниот форум ГЛОБСЕК, кој заврши во неделата, викендов се занимаваше со најжешките безбедносни прашања на денешницата, како мигрантската криза, справувањето со тероризмот од ултрарадикалите групации како Исламската држава и моменталната безбедноста ситуација во Европа. На дискусиите во главниот град на Словачка присуствуваа повеќе министри од земјите членки од Унијата, како и високи претставници од банкарскиот, ИТ секторот и енергетскиот сектор./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Американски генерал: Руската армија е поголема денес отколку кога ја започнаа војната во Украина
На НАТО ќе му требаат повеќе ракети со долг дострел во својот арсенал за да ја одврати Русија од напад врз Европа, бидејќи се очекува Москва да го зголеми производството на оружје со долг дострел, изјави американскиот генерал Џон Раферти за Ројтерс.
Ефикасната употреба на ракети со долг дострел од страна на Русија во војната во Украина ги убеди западните воени претставници за нивната важност за уништување на командни пунктови, транспортни центри и лансери за ракети длабоко зад непријателските линии.
„Руската војска е поголема денес отколку кога ја започнаа војната во Украина“, рече генерал-мајор Раферти во интервју во американската воена база во Висбаден, Германија. „Знаеме дека тие ќе продолжат да инвестираат во ракети со долг дострел и софистицирана воздушна одбрана. Затоа поголемите капацитети на алијансата се навистина, навистина важни.“
Војната во Украина ја истакна големата зависност на Европа од Соединетите Држави за снабдување со ракети со долг дострел, бидејќи Киев се обидува да ја зајакне својата воздушна одбрана.
Раферти неодамна го заврши својот мандат како командант на 56-та артилериска команда на американската армија во германскиот град Мајнц-Кастел, која се подготвува за привремено распоредување на американски ракети со долг дострел на европско тло од 2026 година.
На состанокот со американскиот секретар за одбрана Пит Хегсет во понеделник, се очекува германскиот министер за одбрана Борис Писториус да се обиде да разјасни дали ваквите распоредувања, договорени меѓу Берлин и Вашингтон кога Џо Бајден беше претседател, ќе бидат имплементирани сега кога Доналд Трамп се врати во Белата куќа.
Европа
(Видео) Пожар зафати луксузна суперјахта во пристаниште во Франција
Пожар избувна на суперјахта од 41 метар вчера во Сен Тропе, предизвикувајќи загриженост дека може да потоне во пристаништето кое го посетуваат богатите и славните во текот на летото, објавија француските медиуми.
Пожарникарите поставија заштитна бариера за да спречат загадување околу „Си Лејди II“, луксузна јахта чија изнајмување чини повеќе од 80.000 евра неделно.
Два часа по избувнувањето на пожарот, пожарникарите пријавија тешкотии при качувањето на бродот, а снимките на социјалните мрежи покажуваат густ црн чад како се извишува околу пристаништето.
„Брзо ги преместивме околните јахти и поставивме заштитни бариери против загадување“, изјави портпаролот на противпожарната служба за АФП. Тој додаде дека е „веројатно“ да потоне во пристаништето и дека причината за пожарот е под истрага.
Јахтата е изградена во 1986 година и последен пат е обновена во 2024 година. Има екипаж од осум лица и може да прими десет гости. Секоја од петте кабини има бања, според веб-страницата на Чартерлинк, една од агенциите што ја даваат под наем.
Европа
Британија: Бројот на руските жртви во Украина надмина еден милион
Русија веројатно претрпе околу 236.000 жртви (убиени и ранети) во конфликтот со Украина во 2025 година, додека вкупно 1.022.460 жртви се регистрирани од почетокот на инвазијата во 2022 година.
Британското Министерство за одбрана ги објави овие информации во разузнавачки извештај за Украина на социјалната мрежа Икс.
Latest Defence Intelligence update on the situation in Ukraine – 11 July 2025.
Find out more about Defence Intelligence's use of language: https://t.co/bRZd9p4geh#StandWithUkraine 🇺🇦 pic.twitter.com/9uDDNXOJCC
— Ministry of Defence 🇬🇧 (@DefenceHQ) July 11, 2025
Повикувајќи се на податоци од Генералштабот на вооружените сили на Украина, аналитичарите велат дека просечниот дневен број на руски жртви во текот на јуни 2025 година бил околу 1.080, со вкупно 32.000 во текот на месецот.
„Стапките на руски жртви се намалуваат умерено од месец во месец од март 2025 година, при што просечната дневна стапка во јуни е најниска од април 2024 година“, се вели во извештајот на британското разузнавање.
A cemetery full of graves of #Russian occupiers in #Tomsk. pic.twitter.com/QHEgmmohmi
— NEXTA (@nexta_tv) June 4, 2023
Според Министерството за одбрана, претходните години од војната, исто така, забележаа умерено намалување на руските жртви со доаѓањето на летото, при што подобрувањето на временските услови веројатно придонесе за повисоки стапки на преживување на ранетите.
„Умерено намалување на руските жртви се случи во исто време додека руските напади по должината на фронтот останаа интензивни, а Русија постигна постојан напредок во Донбас“, се вели во извештајот.
Во Кочани нема да има концерт за Петровден, Крстевски го откажа на барање на родителите на загинатите деца во „Пулс“
Откажан е музичко забавниот дел од програмата за одбележување на Петровден, празникот на градот Кочани. Ваква одлука вчера донесе в.д....
„Ќе глумиме дека не сме виделе?! Ќе чекаме некој да биде убиен за да се освестиме?!“, праша Јакимовски
Градоначалникот на општина Карпош, Стевчо Јакимовски се огласи на социјалните мрежи, по нападот врз градоначалничката Данела Арсовска. „Она што ѝ...
(Видео) Арсовска објави снимка од нападот: Јас го напаѓам него или тој мене?
Градоначалничката на Град Скопје, Данела Арсовска објави снимка од денешниот напад врз неа, на социјалните мрежи. Во објавата на социјалните...
(Видео) „Тошковски ако се плашиш бе момче дај си оставка“: Арсовска обвини дека МВР функционира во одбрана на криминалци
Градоначалничката Данела Арсовска се огласи преку социјалните мрежи, откако излезе од полициската станица, по денешниот напад врз неа. „Штотуку излеговме...
Шест часа од бруталниот напад врз градоначалничката на Скопје, а од ВМРО-ДПМНЕ и Мицкоски сè уште нема ни збор за осуда, вели Филипче
Претседателот на Социјалдемократкиот сојуз на Македонија, Венко Филипче, повика на итна одговорност и поведување постапка против насилниците кои денеска брутално...
„Истрага за полициските службеници што не го спречиле нападот врз градоначалничката Арсовска“, бара Хелсиншкиот комитет
Хелсиншкиот комитет за човекови права најостро го осудува физичкиот и вербалниот напад врз градоначалничката на Град Скопје, Данела Арсовска, што...
(Видео) СДСМ со осуда за нападот на Арсовска: Тоа е срам за државата и порака до сите граѓани дека ако зборуваат за криминал и неправда, ќе бидат замолчени со сила
Социјалдемократскиот сојуз на Македонија, најостро го осудува нападот врз официјални лица од Градот Скопје. Овој брутален напад е последица на...
Aрсовска нападната во Чаир додека извршувала работни задачи: побарала лекарска помош
Градоначалничката на град Скопје, Данела Арсовска, денеска е физички нападната при извршување работни задачи во Чаир. Кон неа биле упатени...
Сторителот од Батинци е идентификуван, но е во бегство, соопшти ОЈО
Дежурен јавен обвинител извршил увид на местото на настанот во Батинци, каде што денеска се случил трагичен инцидент. Од Обвинителството...
Мицкоски треба да најде начин да се извини, вели бугарскиот премиер
Наративот и изразувањето на премиерот Христијан Мицкоски ќе им го оставам на оние што го познаваат Езоп. Република Македонија мора...
Припадник на Армијата загина во трагичен настан во Батинци: Mинистерството за одбрана го потврди случајот
Од Министерството за одбрана информираат дека лицето со иницијали А. М. од скопското село Батинци, кое било нивен припадник, е...
Фон дер Лајен: ЕУ знае дека е одговорна за неуспехот да се спречи геноцидот во Сребреница
Европската унија никогаш нема да заборави што се случи во Сребреница пред 30 години, ја признава својата одговорност за неуспехот...
Поставен камен-темелник на новата фабрика на „Чагатај кабло“, инвестиција вредна 6 милиони евра
Поставен е камен-темелник на новата фабрика на „Чагатај кабло“, инвестиција вредна 6 милиони евра и 200 нови работни места, изјави...
Детали за драмата на пазарот во Битола: го избол со нож по расправија за тезга
Полицијата објави детали за настанот на пазар во Битола во кој едно лице со кујнски нож избоде продавач на тезга...
Пожари во Чучер Сандево, Прилеп, Македонски Брод, Дојран, Тетово – тестиран системот за масовно известување
До утрово, во земјава се евидентирани вкупно 38 пожари на отворен простор. Од нив, седум се активни, четири се ставени...
ВМРО-ДПМНЕ: Бугарија има јасна агенда за бришење на јазикот и идентитетот
Бугарија е разобличена пред Европа и светот, се потврди уште една неправда кон Македонија дека не станува збор за Бугарите...
Бугарското МНР реагира откога беше повикан нивниот амбасадор: „Се демонстрира непочит кон нашата земја“
Министерството за надворешни работи на Бугарија реагираше на, како што ги оцени, „навредливите, неприфатливи и непријателски“ изјави од страна на...
Делови од Скопје утрово ќе останат без струја
Поради технички зафати во електродистрибутивната мрежа, денес, без електрична енергија ќе останат: · од 07:00 до 12:00 часот, дел од...
Трамп: Мислам дека ќе дадам важна изјава за Русија в понеделник
Претседателот на САД, Доналд Трамп, вчера објави дека ќе даде важна изјава за Русија во понеделник, но не изнесе никакви...
„Прогласена е кризна состојба“ – СМС порака која стигна до граѓаните е тест за масовно известување во кризни состојби
Во текот на попладневните часови, дел од граѓаните добија СМС порака со следната содржина: „Ве известуваме дека има прогласена кризна...
