Европа
ГЛОБСЕК: Потребата за заедничко европско разузнавање поголема од кога и да е
Европската унија се наоѓа пред нов предизвик во своето постоење, а тоа е формирање на заедничко европско разузнавање, сметаат водечките светски експерти, кои викендов учествуваат на меѓународниот ГЛОБСЕК безбедносен форум кој се одржува во Братислава, а на кој присуствува и Макфакс.
Од Братислава, Бојан Стојковски
„Лекцијата е стара, мора да се искористат можностите што ги нудат различните информации, ние секогаш го знаевме тоа. Локалните полициски власти мора да соработуваат со разузнавањето, во Велика Британија на овој начин во последниот период беа спречени неколку терористички ќелии’, изјави професорот од британскиот Кинг Колеџ, Дејвид Оманд.
Еден од проблемите за реализацијата на оваа цел се и постоечките европски договори во кои ова прашање е регулирано на национално ниво.
„Најважно е да се има соработка меѓу европските земји, вакво нешто сега постои на билатерална основа, нам сега ни треба повеќе. Еден проблем е тоа што во Лисабонскиот договор во однос на безбедноста стои дека ова прашање е регулирано во рамките на националните ингеренции. Мора да размислиме за промена на ова, и најважниот проблем сега е што нема веќе доверба“, смета Анеми Туртелбум, поранешен белгски вицепремиер.
Мигрантската криза ја зголеми опасноста од потенцијални напади на евроско тло, што е причина повеќе за формирањето на заедничкото европско разузнавање, смета поранешниот директор на германската разузнавачка служба, Август Хенинг.
‘За време на мигрантската криза многу лица влегоа во Германија, ни треба многу подобар систем на податоци, како и подобар систем на комуникација. Што повеќе луѓе се свесни за ова тогаш ќе има поголема соработка, како и поголема свест во општеството’, вели Хенинг.
Американското искуство во справувањето со терористички напади, пак, говори дека подигнувањето на свеста кај народот за опасностите е подеднакво важна како и средствата кои се користат за да се спречат нападите.
„Доколку се анализираат нападите во САД се работеше за лица кои оперираат сами и најчесто преку онлајн комуникации, но немаше случаи на поголеми групи, односно организирани напади. Она што треба да го направиме сега е да покренене свест кај обичните луѓе, доколку се сомневаат околу некого, пред се да знаат каде и на кого да му се обратат’, вели Мајкл Чертоф, член на интернациоалниот одбор на ГЛОБСЕК.
Според Туртелбум, пак, за разлика од САД, средствата кои ЕУ ги одвојува за оваа цел во овие моменти не се доволни. ‘Во секоја земја постои проблемот со средствата, вие можете да ги имате сите информации но да немате кој да ги анализира, ова важи и за Европа. Важно е да се заштити приватноста, но за ова се потребни пари. Средствата кои се одвојуваат од европските фондови во моментов едноставно не се доволни’, вели таа.
Човечкиот фактор во оваа ситуација не смее да се занемари, локалните полиции се доста важни бидејќи тие се на терен и можат да забележат доколку постои некаква опасност, односно подеднакво е важно да се работи и на локално и на меѓународно ниво, додаваат безбедносните експерти.
Макфакс присуствуваше изминатиот викенд на Безбедносниот форум на ГЛОБСЕК кој секоја година се одржува во Братислава, на кој шефовите на држави, десетици министри за одбрана и за надворешни работи, како и стотици аналитичари, дипломати и новинари од повеќе од 70 земји пристигнаа доцна ноќта во петокот и во саботата утрото во словачката престолнина Братислава на единаесеттиот годишен Глобален форум за безбедност
ГЛОБСЕК 2016 се занимаваше со најжешките безбедносни прашања на денешницата, како мигрантската криза, справувањето со тероризмот од ултрарадикалните групации како Исламската држава и моменталната безбедносна ситуација во Европа во однос, како што се наведува тука во Братислава, на руската агресија и уште поголемата пропаганда.
ГЛОБСЕК Татра самитот во Братислава е еден од најважните настани во текот на шестмесечното ротирачко претседателствување на Словачка со Советот на ЕУ. Покрај споменатите актуелни теми, беше дискутирано и за теми поврзани со енергетска заедница, финансиите, инвестициите, за иднината на еврозоната, за дигиталната агенда.
На дискусиите во Братислава присуствуваа и министрите за финансии од Словачка, Германија, Франција, Италија, Белгија и Ирска. Исто така, ќе присуствуваат пет европски комесари, седум високи претставници од земјите од Западен Балкан, вклучително и Македонија, министрите за енергетика од Норвешка, Бугарија и Романија, како и дипломати од повеќе земји членки на ЕУ. Високи претставници на банкарскиот, ИТ секторот, инвестициите и од енергетскиот сектор, исто така, имаа свое учество во дискусиите./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Блиска сојузничка на Орбан ги плаши Унгарците со влезот на Украина во ЕУ: објави снимка од маж врзан во багажник
Унгарската опозиција го осуди видеото објавено од Александра Сенткираљи, блиска сојузничка на премиерот Виктор Орбан.
Сенткираљи објави видео на „Фејсбук“ на кое се гледа маж врзан во багажникот на автомобил, додека Сенткираљи зборува за наводното зголемување на заканите поврзани со трговија со луѓе, шверц со дрога и трговија со органи доколку Украина се приклучи на Европската Унија.
Подоцна се дозна дека човекот на видеото е вработен во канцеларијата на унгарскиот премиер.
Until yesterday, Fidesz Party had only one well-known female politician. But no longer.
Alexandra Szentkirályi was someone you could either like or dislike. You could agree with her or criticize her.
One thing is certain: as of today, Alexandra Szentkirályi has no place in… pic.twitter.com/MeA99i3QyD— Magyar Péter (Ne féljetek) (@magyarpeter102) June 14, 2025
Ференц Геленчер, пратеник од опозицијата од партијата Моментум, изрази негодување поради видеото и најави дека ќе поднесе полициска пријава против Сенткираљи. Тој тврди дека лагите што би можеле да го загрозат јавниот ред, да шират опасни шпекулации или да сугерираат закани за јавната безбедност се кривични дела.
„Како некој може да биде толку глупав за вака да напаѓа земја во која живеат и Унгарци?“, рече Геленчер повикувајќи ја Сенткираљи да го избрише видеото.
Сенткираљи му беше портпаролка на Орбан од 2020 до 2024 година. Минатата година таа објави дека ќе се кандидира за градоначалник на Будимпешта како претставник на владејачката партија, но подоцна ја повлече својата кандидатура во корист на друг технички кандидат поддржан од Орбан.
Орбан неодамна повтори дека Украина не треба да биде примена во Европската Унија тврдејќи дека земјата е домаќин на измамници што ги лажат Унгарците и заработуваат пари наводно дејствувајќи од украинска територија. „Украина е опасна земја“, нагласи Орбан.
Европа
Руските медиуми за војната меѓу Иран и Израел: Ова е нашата стратешка можност
Конфликтот меѓу Иран и Израел денес доминира во насловите на руските весници, а многу коментатори во Москва ја гледаат ескалацијата на Блискиот Исток низ призмата на сопствените геополитички интереси, пишува дописникот на Би-би-си за Русија, Стив Розенберг.
„Колку и да звучи цинично, овој конфликт носи одредени придобивки за Русија и на тактичко ниво“, објави таблоидот „Московски комсомолец“ наведувајќи ги растечките цени на нафтата и намаленото внимание на Западот кон војната во Украина. „Киев е заборавен“, се вели во него.
Бизнис-дневниот весник „Комерсант“ оди чекор понатаму: „Секоја ескалација на Блискиот Исток ги одвлекува противниците на Москва од Украина и ги менува приоритетите на западната воена помош“.
Во овој контекст, руските аналитичари сугерираат дека Москва би можела да се обиде да игра улога на непристрасен посредник – не мора да ја реши кризата, туку барем да помогне во нејзиното деескалирање. Ова, според „Комерсант“, би го зајакнало политичкото влијание на Русија во регионот.
Сепак, истиот весник предупредува дека Москва не успеала да спречи израелски напад врз Иран, земја со која потпиша сеопфатен стратешки договор пред само пет месеци. Ова фрла сенка врз нејзината вистинска моќ во регионот и го поставува прашањето колку влијание навистина може да има врз настаните надвор од постсоветскиот простор.
Европа
(Видео) Двегодишно девојче почина од струен удар во Шпанија, три деца хоспитализирани
Двегодишно девојче почина, а уште три деца беа повредени откако беа удрени од струја на трамболина на панаѓур во Алкеријас, во шпанскиот регион Мурсија, вчера рано наутро.
Според шпанските медиуми, трагедијата се случила кратко по полноќ, за време на прославите на денот на патронот на градот. Девојчето било на трамболината кога удрило струјниот удар. Таа останала во несвест, а службите за итни случаи се обидувале да ја реанимираат повеќе од еден час. Таа била прогласена за мртва во 1:16 часот наутро.
🔴 Fallece una niña de 2 años por una descarga eléctrica en una atracción de feria en Alquerías
➡️ @Nereeagm está allí en estos momentos y dará más información a las 15:00 en #La7Noticias, con @enrique_campi
🔗 https://t.co/xM2p97oBNO pic.twitter.com/j115SA8CeB
— La 7 (@la7tele) June 15, 2025
Три деца, осумгодишно девојче и две момчиња на возраст од 11 и 12 години, беа повредени во истиот инцидент. Тие беа однесени во болница од страна на членови на семејството. 29-годишна жена доживеала напад на паника и ѝ била укажана помош на местото на настанот, објави „Ел Еспањол“.
Истражителите на Цивилната гарда ја опколиле трамболината и истражуваат за да ја утврдат причината за несреќата. Полицајците земале изјави од персоналот и сведоците. Тие истражуваат дали трамболината била правилно поврзана со електричната мрежа и дали техничка грешка довела до трагедијата.
Смртта на девојчето предизвика загриженост за безбедноста на привремените саемски атракции низ цела Шпанија. Како што продолжува истрагата, се зголемуваат повиците за построги контроли и појасни прописи за електричните инсталации на вакви настани.
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и енергетската инфраструктура. Шефот на...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани, кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
Уште еден случај на семејно насилно – скопјанец со возило се обидел да ја прегази сопругата, па ја истепал
Уште еден случај на семејно насилство во Скопје, сопруг се обидел да ја прегази сопругата со автомобил, кога не успеал,...
Трамп: Нема да го убиеме иранскиот лидер, барем не засега
Претседателот на САД, Доналд Трамп, објави низа пораки на социјалните мрежи во врска со Иран, вклучувајќи една во која бара...
Кремљ: Руската понуда сè уште е на маса, но Израел засега не е заинтересиран за мирно решение
Кремљ изјави дека гледа дека Израел не сака посредништво во конфликтот со Иран, кој влегува во својот петти ден по...
40-годишен скопјанец ја истепал мајка си: со тупаници ја удирал по лицето и телото и ја гризел, предложен притвор
Основното јавно обвинителство Скопје поведе постапка против 40-годишен скопјанец за кого постои основано сомнение дека извршил кривично дело – Телесна...
Шефицата на американската разузнавачка служба: Иран не гради нуклеарно оружје; Трамп: Не ме интересира што кажала
На летот при враќањето од самитот на Г7 во Канада американскиот претседател Доналд Трамп повторно инсистира дека Иран е многу...
Опасна најава од Израел: „Ќе видите некои изненадувања што операцијата со пејџерите ќе ви се чини едноставна“
Израел сè уште има некои изненадувања во ракавот во борбата против Иран, изјави израелскиот амбасадор во САД, Јехиел Лајтер. Тој...
Истепал и влечел девојче по улица, кога дошла полицијата, се заканил дека ќе ги нападне со секира и тесла: предложен притвор за 23-годишен велешанец
Основното јавно обвинителство Велес поведе постапка и предложи определување мерка притвор за едно лице осомничено за кривично дело – Насилство...
(Видео) Ако Обвинителството не отвори постапка за Филипче за луксузниот џип, ќе докаже дека работи под негов диктат, вели Мицевски
„Ако ЈО не отвори постапка за Филипче за луксузниот џип, ќе докаже дека работи под негов диктат. Филипче добил луксузен...
Мицкоски очекува на 24 јуни Бугарите да го повлечат барањето пред македонскиот јазик и идентитет да стои „сегашен“: Ете им прилика на дело да го покажат она што го зборуваат
Премиерот Христијан Мицкоски нема голема верба во она што го зборуваат Бугарите за спорот околу идентитетот и јазикот оти од...
„Граѓаните да не креваат паника, лисиците не се опасни и не напаѓаат луѓе“, апелираат од „Анима мунди“
Во последните неколку дена се појавија видеа за присуство на лисици во подножјето на Водно, во населбата Козле (мајка со...
Данела Арсовска до Орце Ѓорѓиевски: Дај одговори им на скопјани зошто се криеш и лажеш за надлежностите за „Усје“
„Добро утро, Орце Ѓорѓиевски. Незгодно ми е што ти досаѓам, гарант ќе ти преседне утринското кафе со Хрисафов од ‘Усје’,...
Бислимоски ќе побара цената на водата да ја одредува РКЕ место советите на општините за да се намали загубата, која сега изнесува 64 отсто
За да се намали загубата на водата за пиење, која на национално ниво во просек изнесува речиси 64 отсто, неопходно...
Седум години од потпишувањето на договорот од Преспа
На денешен ден, 17 јуни, 2018 година, Скопје и Атина го потпишаа договорот од Преспа, со кој се затвори долгогодишниот...
Иран најави нов напад со дронови
Иран предупреди дека бран беспилотни летала ќе го погоди Израел во наредните часови. Висок воен командант најави дека нападите ќе...
Уште еден земјотрес синоќа почувствуван во Охрид и во Струга
Земјотрес со јачина од 2,5 степена според Рихтер синоќа по полноќ го погоди Охридскиот Регион. Потресот е регистриран во 00.48...
