Европа
Google ја блокираше мапата со засолништа за бегалци на германските екстремисти
Под мотото „Нема засолниште за бегалци во моето соседство“ изминатите денови на интернет беше поставена мапа направена со помош на услугата My Maps на Google, што предизвика голема вознемиреност во германската јавност.
На споменатата мапа со особена внимателност беа означени точните адреси на стотици постоечки, во изградба или само планирани центри за основно сместување на бегалците и азилантите во Германија.
Како што пренесе телевизијата NTV, картата била изработена од страна на членови на ултрадесничарската група „Трет пат“. Таа ги вознемири сите коишто не сметаат дека имигрантите се изворот на проблемите на Германија, се вели во прилогот. Неонацистите ги повикаа корисниците на интернет и незадоволните од миграциските политики на германската влада на мапата да одбележат „што е можно повеќе домови за бегалци кои им се познати“.
Стотици лица одговориле на повикот, па картата речиси целосно беше исполнета со црвени ознаки со точните адреси на засолништата, локациите каде се наоѓаат, имињата на улиците и куќните броеви. На тој начин стана своевиден ориентир за оние кои не сакаат да им помогнат на луѓето кои бегаат од војните и насилствата во Германија.
Корисниците на социјалните мрежи и блогерите побараа од Google итно да ја отстрани картата, затоа што според нив, сличните акции на интернет придонесуваат за создавање атмосфера на ксенофобија. Оваа карта лесно можела да биде користена за, организирање протести или за напади врз бегалците. Според радиото Bayerischer Rundfunk, протестите на мрежите дале резултат и Google ја блокирал мапата. Истовремено, според експертите, не е исклучено на интернет да се појават и постојни „мапи клонови“.
Движењето „Трет пат“ беше формирано во Хајделберг во 2013 година. Неговите членови се наклонети кон класичните екстремни десничарски ставови, а особено бараат „возобновување на цела Германија во нејзините меѓународни правни граници“, и „престанување на странската доминација во земјата“.
Во последниот период во Германија е регистриран зголемен број напади врз центрите во коишто се згрижуваат бегалците, главно од северноафриканските земји и Блискиот исток. Според некои извештаи, мината 2014 година ултрадесните екстремисти 162 пати нападнале вакви центри, што е трипати повеќе отколку претходната 2013 година. Последниот таков напад се одигра минатиот четврток во местото Рајхертсховен во сојузната земја Баварија, кога непознати сторители подметнаа пожар во објект кој според намерите на власите наскоро требало да биде адаптиран за прифаќање на бегалците./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Стивен Сигал снимен на воената парада во Москва
Актерот Стивен Сигал присуствуваше на денешната воена парада во Москва по повод Денот на победата, со кој се одбележува 80-годишнината од победата над нацистичка Германија во Втората светска војна.
Во еден момен, камерите го покажаа Сигал како седи во публиката.
73-годишниот Сигал, експерт за аикидо, беше ѕвезда во американските акциони филмови во 80-тите и 90-тите. Додека неговата кариера беше во опаѓање, Сегал, роден во Лансинг, Мичиген, полека се зближуваше со авторитарни лидери, вклучувајќи го и Кремљ.
Steven Seagal among guests pic.twitter.com/Vz1XaynPmG
— Russian Market (@runews) May 9, 2025
Во 2016 година тој доби руско државјанство, а потоа во 2018 година руското Министерство за надворешни работи го назначи за специјален претставник за руско-американски културни врски и културно-историско наследство. Актерот постојано ја фали Русија од почетокот на целосната инвазија на Украина.
Во 2021 година тој ѝ се приклучи на националистичка партија, а во август 2022 година ја посети источна Украина, каде што се сретна и го поддржа лидерот на проруските сепаратисти во Донецк, Денис Пушилин. Тој присуствуваше на инаугурацијата на Путин на неговиот петти мандат во мај 2024 година.
Европа
Новиот германски канцелар оди во Брисел на разговори со претставници на ЕУ и НАТО
Германскиот канцелар Фридрих Мерц денес ќе пристигне во Брисел на разговори со високи претставници на ЕУ и НАТО, што е негово второ патување во странство откако ја презеде функцијата претходно оваа недела.
Мерц ќе се сретне со генералниот секретар на НАТО, Марк Руте, претседателката на Европската комисија, Урсула фон дер Лајен, претседателот на Европскиот совет, Антонио Коста, и претседателот на Европскиот парламент, Роберт Мецола.
Неговата посета на Брисел е проследена со големи очекувања дека промената на владата во Берлин ќе донесе нов импулс во Европа во време на вртоглави глобални предизвици, проценува АФП.
Во среда, тој ги посети Париз и Варшава на своето прво официјално патување во странство на новата функција.
По патувањата во Париз и Варшава, што сигнализираше за неговата намера да ги зајакне врските со двата соседа, посетата на Мерц на главниот град на ЕУ ја покажува неговата решеност да ја врати улогата на Германија во Европа по месеци политичка парализа, велат аналитичарите.
„Беше време“, сумираше еден дипломат на ЕУ за АФП.
„Чекаме и ни е потребна силна Германија, таква што е способна да се справи со тешката задача што е пред нас.“
Европа
Москва го слави Денот на победата, многубројни светски лидери пристигнаа кај Путин
Рускиот претседател Владимир Путин денес ќе одржи говор на „најголемата досега“ воена парада во Москва по повод Денот на победата, со кој се одбележува победата над нацистичка Германија во Втората светска војна.
Русија го слави Денот на победата повеќе од три години по почетокот на инвазијата на Украина, која ја напаѓа секојдневно и покрај напорите на американскиот претседател Доналд Трамп да ја прекине војната. Путин нареди тридневен прекин на огнот во Украина поради настанот. Но нападите продолжуваат.
Поканите за прослава на Денот на победата во Москва ги прифатиле лидерите на околу 20 земји, вклучувајќи го и кинескиот претседател Кси Џинпинг, според Кремљ. Москва не ја исклучи можноста севернокорејските војници кои ѝ помогнаа на руската армија да ги протера украинските сили од Курската област да учествуваат на парадата за прв пат.
Европската унија ги предупреди своите лидери да не одат во Москва за настанот, но словачкиот премиер Роберт Фицо одлучи да оди.
„Одам“, рече тој во видео порака објавена на социјалните мрежи вчера. „Разбирам дека се води војна“, рече тој. „Но, нема да ја мешам сегашноста со она што се случило помеѓу 1941 и 1945 година.“
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
Дурмиши ги предупреди трговците: Ако има енормно зголемување на цените, ќе има поригорозни мерки
Нови поригорозни мерки ќе бидат воведени доколку Државниот пазарен инспекторат утврди енормно зголемување на цените на производите по укинувањето на...
Димитриевски: Цел на лагите на СДСМ не сум јас, туку ЗНАМ како најбрзорастечка партија во Македонија
Претседателот на Движењето ЗНАМ – За наша Македонија, Максим Димитриевски, денеска одржа прес-конференција. „Од моментот на влез во политиката до...
Апасиев од Москва: „Нашите дедовци, партизаните, се бореа рамо до рамо со народите на Советскиот Сојуз“
На покана на претседателот на Комунистичката партија на Руската Федерација (КПРФ), Генадиј Зјуганов, претседателот на Левицата, Димитар Апасиев, заедно со...
