Европа
Хан: Процесот на проширувањето на ЕУ не смее да застане
Европската унија (ЕУ) и натаму останува посветена на проширувањето, изјави во петокот еврокомесарот за соседска политика и пристапни преговори Јоханес Хан, коментирајќи го исходот од референдумот кој во четвртокот се одржа во Велика Британија, а се однесуваше на членството во ЕУ.
„Унијата и натаму е посветена кон проширувањето и во тоа нема сомнение. Ќе ја продолжиме работата која што сме ја започнале, а која не е ни блиску до завршување“, рече Хан. Според него, последните неколку години многу беше постигнато на Балакнот и дека никој не смее да биде уморен или разочаран по референдумот во Велика Британија.
„Свесни сме, а исто така бевме свесни и претходно, дека процесот на проширувањето е нешто на кое му треба време и затоа поради би говорел за процесот, отколку за преговорите“, нагласил Хан. Тој призна дека одлуката на граѓаните на Велика Британија преставува некаков вид на „будење“ за ЕУ, но тоа не значи дека Унијата ќе започне да ја менува својата политика.
„Мора да размислиме како да и ги пренесеме предностите на ЕУ на граѓаните, а истовремено да застанеме против популистичките гласови. По економската и финансиската криза, и предизвицит на миграцијата, сега имаме дискусија за Велика Британија, поради што постојано гледаме само внатре во ЕУ и го губиме погледот на она што се случува околу нас и во светот, што може да биде опасно“, истакна Хан.
Австрискиот еврокомесарот исто така рече дека она што сега треба да се разгледа е исходот од референдумот, кој мора да биде почитуван. Според него, очекувањата од исходот биле поинакви, но Унијата е подготвена и на овој резултат.
„Очекувам и барам, доколку веќе постои одлука за излегување, преговорите за тоа да бидат водени брзо. Потребно е да го направиме ова поради нашите граѓаните, за да не ги држиме предолго во неизвесност“, порача Хан, додавајќи дека е важно на граѓаните да им се пренесе дека Унијата е стабилна и дека таа и натаму е одговорен и посветен партнер, на кој треба да му се верува./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.