Повеќе од десет илјади Руси, според процените на агенциите, му одадоа во вторникот почест на опозицискиот политичар, поранешен министер и вицепремиер, Борис Немцов, кој беше убиен во петокот ноќта во центарот на Москва

Со цвеќиња и запалени свеќи бројни граѓани му одаваа почест на убиениот политичар од времето на создавање на руската политичка и финансиска елити, чиешто тело беше изложено во Центарот за човекови права Сахаров, додека илјадници луѓе чекаа пред зградата и покрај речиси четиричасовниот обред во ред кој се протегаше во должина од околу еден километар, пренесува германската агенција DPA.

Подоцна сандакот со останките на Немцов беа одведени на Троекуровските гробишта во во предградието на Москва, каде што беа погребани по опелото, во присуство на неговото семејство и роднини, соработници и многу луѓе кои не останаа рамнодушни на оваа свирепо убиство, пренесува РИА Новости.

Руските официјални власти и натаму тврдат дека неговото убиство нема никаква поврзаност со неговите критички ставови кон рускиот претседател Владимир Путин, преферирајќи ја една од можните варијанти на истрагата дека станува збор „политички мотивирано убиство со цел да ја дестабилизира политичката ситуација во Русија“, додека опозицијата тврд дека бил „жртва на атмосферата на омраза која ги зафаќа сите кои му се спротиставуваат на рускиот претседател“.

„Куршумите не се истрелани само во Немцов, туку во сите нас – во руската демократија. Никогаш не помисливме дека би можело да се случи вакво нешто, но се случи. Почивај во мир, пријателу мој. Ќе ја продолжиме твојата работа“, изјави опозицискиот новинар Генадиј Гудсков над ковчегот на политичарот.

Од Немцов, покрај членовите на неговото семејство, неговата мајка и поранешната партнерка Екатерина Одинцова, меѓу другите се простија и поранешниот британски премиер Џон Мејџор, американскиот амбасадор Џон Тефт, литванскиот министер за за надворешни работи Лианас Линкивициус и германскиот комесар за Русија, Гернот Ерлер. Партнерката со која 55-годишниот Немцов беше во тригодишна врска, 23-годишниот украински модел Ана Дурицка, како и што најави, не присуствуваше на погребот, откако ноќта кон вторникот ја напушти Москва и се врати дома во Киев.

Почест на Немцов му оддаде и Наина Елцина, вдовицата на поранешниот рускиот претседател Борис Елцин кој го воведе поранешниот гувернер во руската владата на позициите министер за енергетика и прв вицепремиер.

И Кремљ беше исто така застапен на проштевањето со Немцов, со присуството на заменикот руски премиер Аркадиј Дворкович, за кого западните медиуми велат дека е претставник на либералната струја којашто е сé повеќе маргинализирана.

Ерлер за DPA изјави дека смета оти ќе биде „многу тешко да се замени“ Немцов. Тој го критикуваше фактот дека руската опозиција е слаба бидејќи сé уште живее и дејствува во „атмосферата на меѓусебна омраза и сомничавост“.

Агенцијата Reuters наведува дека Немцов изминатиот период откако на власт е Путин, бил еден од најистакнатите руски опозициски политичари. Истакнува дека на погребот на Борис Немцов имало најмногу жестоки противници на Кремљ кои неговото убиство го сметаат за предупредување, но и дека тие претставуваат многу мал дел од руската популација.

Reuters забележува, исто така, дека истражувањата на јавното мнение последните месеци покажуваат дека огромно мнозинство Руси го поддржуваат претседателот Владимир Путин, и покрај големиот пад на вредноста на националната валута рубљата и западните санкции воведени против Москва поради нејзината наводна вмешаност во украинската криза./крај/мф/сн

Извор: Макфакс