Европа
Италија: Бројот на жртвите во земјотресот се искачи на 73
Најмалку 73 луѓе загинале а околу 150 се повредени во силниот земјотрес кој во средата утрото ја погоди централна Италија, соопштија од Одделот за цивилна заштита.
„Мораме да соопштиме дека бројот на жртвите достигна 73 луѓе. И како што досега истакнувавме, овие податоци не се конечни“, се вели во објавата на службата.
Потресот со магнитуда од 6,0 според Рихтер ги погоди покраините Лацио и Марке, а по главниот потрес во 3,30 часот изутрината, следел во 4,34 часот уште еден силен удар со магнитуда 5,4 и околу стотина помали потреси, од кои 55 биле со магнитуда од 3 според Рихтер.
Епицентарот бил на 10 километри југоисточно од Норчија, град во регионот Умбрија, околу 150 километри североисточно од Рим, објавија сеизмолозите. Покрај во италијанската престолнина, земјотресот бил почувствуван и во Фиорентина и во Болоња. Уривања се регистрирани во три италијански региона, Лацио, Умбрија и Марке.
Најпогодени се градовите Аматриче, Акумоли и Пескара дел Тронто, кои според италијанските медиуми изгледаат како да биле бомбардирани.
Од местото Аматриче јавија за најмалку 35 мртви. „Аматриче повеќе го нема, сето е во урнатини“, изјави градоначалникот Серџо Пироци, Околу 2.600 луѓе останале без покрив над главата. „Станува збор за истата трагедија каква што ја погоди Лаквила пред седум години“, рече Поци алудирајќи на земјотресот во кој животот го загубија 300 луѓе, а градот е потполно разорен.
Во Аматриче, кој се наоѓа во еден од најживописните краеви на Италија, свои викенд куќи имаат многу познати семејства и личности од Рим. Аматриче беше познато како кулинарско место и се гордее со називот „родниот град на шпагетите аматричиана“.
Во Акумоли, во близина на епицентарот на потресот, загинале најмалку единаесет лица, меѓу кои и едно цело четиричлено семејство. Евакуирани се 2.500 жители. Градоначалникот Стефано Петручи изјави дека ниедна куќа или зграда не е за живеење. „Мораме да подигнеме шаторска населба за да ги сместиме сите“, рече и додаде дека навечер температурата во ова место паѓа и до 10 Целзиусови степени.
Уште четиринаесет мртви се најдени во Пескара дел Тронто во регионот Марке. Во Арквати пријавени се три жртви, а едно девојченце е извадено живо од урнатините, но за жал подоцна починало во болница.
„Никој нема да го оставиме сам“, изјави италијанскиот претседател Матео Ренци кој подоцна во текот на денот ќе ги посети настраданите подрачја. Им се заблагодари на оние кои со голи раце ги спасуваат луѓето од урнатините.
Папата Франциск изрази „голема болка“ по вестите за земјотресот, и го откажа планираниот говор за да се помоли за жртвите. „Не можам а да не изразам голема болка, и да кажам дека сум крај луѓето од местата погодени од потресот, со сите коишто ги загубиле своите најмили и кои и натаму ги тресе стравот“, рече папата додавајќи дека е „силно погоден“ откако слушнал дека планинското село Аматриче е уништено до темели, а особено дек а меѓу жртвите има и деца.
Италијанскиот претседател Серџо Матарела ги повика сонародниците да покажат солидарност со оние кои ги погоди земјотресот, нарекувајќи го „момент на болка и повик на заедничка одговорност“. Им се заблагодари на локалните власти и единиците на нивната самопожртвуваност во текот на операциите за спасување, вклучително и полицијата, пожарникарите и војската, како и волонтерите.
Европската унија, како и одделно Франција, искажа подготвеноста да ѝ се помогне на Италија во справувањето со последиците од земјотресот, изјави комесарот на Европската комисија за хуманитарна помош и управување со криза, Христос Стилианидес. Координационите центар за одговор на вонредни ситуации на ЕК го следи развојот на ситуацијата,м и е во контакт со италијанските власти околу потребната помош, додаде комесарот.
Италија засега побарала сателитски карти за да ја процени штетата во погодената област, појаснил Стилианидес, додавајќи дека тоа веќе било сторено.
„Сега е потребно да се ангажираат сите сили за да се спасат животи, да се погрижиме за повредените, и на раселените да им се овозможат најдобрите услови“, заклучи Ситилианидес и нагласи дека наскоро ќе биде потребно да се обноват уништените центри за да можат да продолжат активностите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
„Старлинк“ е блокиран за Русите, Украина: Бројот на напади веднаш се намали
Руските сили го намалија бројот на напади на фронтот откако Украина и SpaceX постигнаа договор за блокирање на нерегистрираните сателитски интернет терминали на Starlink. Извори од Генералштабот на вооружените сили на Украина потврдија дека бројот на руски напади во некои области е намален, додека во други сектори тие целосно престанале, пишува Украинска правда.
Според извештајот на Генералштабот објавен вчера во 16 часот, украинските сили регистрирале 56 борбени ангажмани по должината на фронтовската линија од почетокот на денот. Намалувањето на руската активност следува по мерките преземени за ограничување на неовластената употреба на технологијата Starlink.
Експертот за воена радиотехнологија Серхиј „Флеш“ Бескрестнов објави дека руските сили вчера се соочиле со масовен прекин на терминалите на Starlink.
Според него, Русите се жалат дека не можат повторно да ја воспостават врската, што ќе влијае на координацијата на нивните дејства по целиот фронт.
Проблемот стана јавен на 25 јануари, кога Бескрестнов, кој оттогаш стана советник за технологија на министерот за одбрана Михаил Федоров, изјави дека руските сили веројатно го користат Starlink на беспилотните летала Шахид.
Американскиот претприемач Илон Маск одговори на барањето на Федоров за помош во решавањето на проблемот, по што SpaceX презеде контрамерки. Маск на 1 февруари објави дека мерките се чини дека дале резултати.
Федоров потоа извести за постепеното воведување на систем што ќе им овозможи само на овластени терминали на Starlink да работат на украинска територија.
Украинската влада донесе декрет за воведување на таканаречена „бела листа“, што значи дека само потврдени и регистрирани терминали наскоро ќе можат да работат во Украина, додека сите други ќе бидат исклучени.
Европа
Започна вториот ден од разговорите во Абу Даби, Рубио: Има добри и лоши вести
Вториот ден од трилатералните разговори меѓу Украина, Русија и САД, насочени кон решавање на војната, започна во главниот град на Обединетите Арапски Емирати. Ова го објави Рустем Умеров, секретар на Советот за национална безбедност и одбрана на Украина, пренесува Украинска правда.
„Вториот ден од преговорите во Абу Даби започна. Работиме во истите формати како и вчера: трилатерални консултации, работа во групи, а потоа усогласување на ставовите. Резултатите ќе следат“, објави Умеров на Фејсбук.
Коментирајќи го напредокот на разговорите во Абу Даби на 4 февруари, американскиот државен секретар Марко Рубио рече дека има и добри и лоши вести. Според Рубио, добрата вест е дека списокот на нерешени прашања што постоеја меѓу Украина и Русија е значително стеснет. Украинската делегација подготвува извештај до претседателот Володимир Зеленски за резултатите од првиот ден од преговорите.
Украинската делегација во Абу Даби ја сочинуваат секретарот Рустем Умјеров, шефот на кабинетот на Зеленски, Кирило Буданов, и неговиот прв заменик Серхиј Кислица, лидерот на парламентарната фракција „Слуга на народот“ Давид Арахамија, началникот на Генералштабот на вооружените сили на Украина, Андриј Хнатов, и советникот на кабинетот на претседателот, Олександр Бевз.
Според Умјеров, украинскиот тим во Абу Даби планирал и билатерален состанок со американската страна, претставена од специјалниот претставник на американскиот претседател, Стив Виткоф, и зетот на Доналд Трамп, Џаред Кушнер. Тие требало да разговараат за документ за безбедносни гаранции и план за просперитет.
Трилатералните разговори во Обединетите Арапски Емирати се одржуваат по големиот руски напад врз Украина. По последниот напад, претседателот Володимир Зеленски во вторникот изјави дека работата на украинскиот преговарачки тим ќе биде „прилагодена“.
Европа
Берлинскиот аеродром ги одложи сите полетувања поради снег и замрзнат дожд
Аеродромот во Берлин утрово соопшти дека сите полетувања се откажани поради временските услови, бидејќи свеж снег и замрзнат дожд го погодија регионот на германскиот главен град.
„Моментално нема полетувања на аеродромот Берлин-Бранденбург поради временските услови“, соопштија од аеродромот, објаснувајќи дека авионите не можеле да се одмрзнат поради дождот, кој веднаш се замрзнува.
Aufgrund der Wetterbedingungen sind derzeit keine Starts möglich. Bitte überprüfe den Flugstatus bei deiner Fluggesellschaft. pic.twitter.com/24cLdrNg5L
— BER – Berlin Brandenburg Airport (@berlinairport) February 5, 2026
Прекинот влијае само на полетувањата, а дојдовните летови сè уште можат да слетуваат, изјави портпаролката. Не е познато колку долго ќе бидат запрени полетувањата.
Затоа, патниците можат да очекуваат откажувања на летови и значителни доцнења и им се препорачува да ја проверат состојбата на своите летови кај авиокомпаниите.
Германската метеоролошка служба (DWD) предупреди на висок ризик од опасни ледени услови во Берлин поради замрзнат дожд и мраз.
Објавени пораки меѓу поранешниот норвешки премиер и Епстин, започната е истрага
Поранешниот норвешки премиер Торбјорн Јагланд е под полициска истрага поради сомнение за сериозна корупција поврзана со неговите врски со покојниот...
Трамп ја претстави TrumpRx: Нова платформа за поевтина набавка на лекови во САД
Американскиот претседател Доналд Трамп во четврток ја претстави TrumpRx.gov, нова онлајн платформа што ќе им овозможи на американските потрошувачи да...
Турција ќе приватизира два клучни моста во Истанбул
Турција ја ангажираше консултантската фирма Ernst & Young LLP да ја води приватизацијата на два клучни моста во Истанбул и...
Аргентина бара од САД да го екстрадира Мадуро
Аргентински судија во среда побара од Соединетите Американски Држави да го екстрадираат поранешниот венецуелски претседател Николас Мадуро, кој беше заробен...
„Старлинк“ е блокиран за Русите, Украина: Бројот на напади веднаш се намали
Руските сили го намалија бројот на напади на фронтот откако Украина и SpaceX постигнаа договор за блокирање на нерегистрираните сателитски...
(Видео) Нов американски напад врз брод за дрога, двајца убиени
Американската војска соопшти дека во четвртокот нападнала друг брод во источниот Тихи Океан, за кој тврди дека превезувал дрога, при...
Владата предложи покачување на платите за администрацијата до 40 отсто, со почетно зголемување од 8 проценти од април
Премиерот Христијан Мицкоски, изјави дека денешната средба со Синдикатот на УПОЗ била конструктивна и дека на маса е предлог за...
Воведување ред во државата, реализација на реформската агенда: Мицкоски порача дека годинава нема да има избори
„Ќе имаме можност да отпочнеме еден циклус на средби, односно брифинзи со претставници на земјите членки на Европската Унија, кои...
(Видео) Филипче: СДСМ има решение за 600 евра плата, помалку луксуз – поголеми плати за работниците
Стандардот на работниците практично е срозен изминатите две години. Соочени сме со ситуација во којашто владата на ВМРО и ЗНАМ...
62-годишен маж од Тетово починал по компликации од грип, соопшти ИЈЗ
Минатата недела во периодот од 26 јануари до 1 февруари во Македонија е регистриран уште еден случај на починато лице...
Во следните 15 дена платете го данокот на имот за 2022, 2023, 2024 и 2025 година, апелира Ѓорѓиевски кој веќе блокираше 15.000 сметки за неплатен данок од 2021 година
Близу 20 милиони евра по основ данок на имот за изминатите четири години должат на Град Скопје граѓаните и компаниите....
Родителите на загинатите во „Пулс“ се сомневаат дека се врши притисок врз сведоци, бараат надлежните да извршат проверка на мобилен телефон
Родителите на загинатите во „Пулс“ се сомневаат дека се врши притисок врз сведоци преку Вибер комуникација од затворот. „Имаме сознанија...
Виткоф објави дека е постигнат првиот договор меѓу Русија и Украина по пет месеци
Ексклузивните разговори во Абу Даби донесоа конкретен резултат, Русија, Украина и Соединетите Американски Држави постигнаа договор за размена на затвореници,...
Објавена петиција за забрана на социјални мрежи за деца до 12 години во Македонија
Граѓанската иницијатива „Иницијатива за безбедно детство“ објави петиција со која се бара воведување забрана за употреба на социјални мрежи за...
Продлабочување на стратешкото партнерство со САД во фокусот на средбите на Гаши во Вашингтон
За време на работната посета на Вашингтон, претседателот на Собранието, Африм Гаши, оствари средба со Даниел Џ. Лотон, заменик-помошник секретар...
Случајот со смртните закани врз новинарот Александар Видиновски да се истера до крај, бара Демократскиот сојуз
Демократскиот сојуз жестоко ги осудува примитивните напади и смртните закани врз новинарот Александар Видиновски на социјалните мрежи и ја поздравува...
(Фото) Сиљановска-Давкова се сретна со претседателот на ОАЕ: перспективите за продлабочување на билатералната соработка во фокусот на разговорот
Претседателката Гордана Сиљановска-Давкова, во рамки на учеството на Светскиот самит на владите во Дубаи, оствари средба со претседателот на Обединетите...
(Видео) Ѓорѓиевски: Нема вработувања во Град Скопје – нема да дозволам ниту еден денар од буџетот на скопјани да биде злоупотребен
„Нема вработувања во Град Скопје – нема да дозволам ниту еден денар од буџетот на скопјани да биде злоупотребен!“, порача...
Путин повторно го насамари Трамп, објави „Њузвик“
Претседателот Доналд Трамп минатата недела објави дека посредувал во еднонеделно примирје меѓу Русија и Украина, истакнувајќи го својот личен однос...
(Фото/видео) Руски беспилотни летала го нападнаа Киев, две жени повредени, неколку станбени згради оштетени
Две лица се повредени во руски напад што беше извршен синоќа со беспилотни летала врз Киев. Остатоци од беспилотните летала...
