Европа
Иванов: Украинската криза наликува на кризата на Балканот
Поранешниот шеф на руската дипломатија, Игор Иванов, во свој осврт за шпанскиот дневник El Mundo оценил дека украинската криза довела до опасна состојба на недоверба меѓу Западот и Русија, најтешка по Студената војна.
Тој смета дека меѓународната конференција со учество на сите заинтересирани страни, е единствениот начин на кој може да се реши „големата украинска трагедија“.
Иванов, кој сега е раководител на Рускиот совет за меѓународни работи, смета дека украинската криза се проширила надвор од нејзините граници и таа забрзано почнала да наликува на трагедија која веќе ја преживеаја балканските земји.
Затоа, порачува Иванов, потребно е итно да се повика меѓународна конференција под капата на Обединетите нации и Организацијата за европска безбедност и соработка на која би учествувале високи функционери од Украина, Русија, како и од големите европски сили и САД.
Целта на ваквата конференција е да се изработи план за излез од настанатата состојба, со надворешна помош и набљудување, со тоа што во решавањето ќе бидат вклучени сите украински политички и сили во регионот.
„Само на овој начин ќе може да се изолираат екстремистите во Украина, со цел да се дојде до заемно разбирање и да се стекне доверба меѓу клучните меѓународни членки“, смета Иванов.
Тој решавањето на украинската криза го става во рамките на опасното влошување на односите, особено меѓу САД и Русија, за што напомнува дека државните односи меѓу двете земји се сведени на минимум, а меѓусебните обвинувања на двете држави сé почесто се актуелни во јавноста.
„Европските и американските лидери совршено добро знаат дека санкциите немаат никаква врска со украинската криза, она што настојуваат да го прикријат е нивната неспособност да му помогнат на народот во Украина да се извлече од длабоката криза, а одговорноста се обидуваат да и’ ја префрлат на Русија“, нагласува Иванов.
Тој смета дека во моментов неопходно е итно обновување на дијалогот меѓу Западот и Русија, бидејќи, како што нагласува, без тоа не може да се реши ниту една светска криза, како и дека „руско- американските односи имаат последици врз целиот свет“.
Иванов забележува дека „американското политичко мислење и мислењето на експертите исклучиво се насочени кон штетата што санкциите може да и’ ја предизвикаат на Русија, и на уверувањето во способноста на САД дека големите меѓународни проблеми може да ги решат и без Русија’.
Во Москва, пак, тврдат дека „САД не се единствената земја на светот и дека Русија нема многу да загуби, доколку билатералните односи и соработката се сведат на минимум, а надворешната политика ја насочат кон други земји и региони“.
Ваквите чекори на двете страни не дозволуваат да се дојде до нови идеи и предлози за решавање на кризата во Украина, а со тоа се исфрлаат од прв план стравувањата од нова Студена војна исе закануваат да преминат во политичка практика.
Иванов заклучува дека „Европската унија, со потпишување на договорот за придружување со Украина, на својот грб си натоварила голема политичка и морална одговорност за иднината на таа земја, додека мнозинството Европејци се ужасуваат од помислата дека тие ќе мора да го платат украинскиот долг“.
„Проблем од вакви размери и со ваква сложеност не може да се реши само со топли облоги“, подвлекот поранешниот шеф на руската дипломатија, Игор Иванов./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.