Европа
Извештај: Околу 90 камикази се подготвени да нападнат ширум Европа
Француската полиција, во лов на џихадисти во својата земја, од ден во ден објавува нови информации од својот интерен извештај, во кој вид имале новинари на Њујорк Тајмс.
Според податоците во извештајот, сигурно е дека терористите напредуваат во техниката на шифрирање и изработка на експлозивни направи со цел остварување на своите ‘цели’.Понатаму во извештајот се наведува дека во овој момент во Европа има 90 бомбаши самоубијци кои се подготвени за напади во најголемите европски градови.Во споменатиот извештај се наведуваат плановите на терористите кои вклучуваат и ангажирање на фалсификатори на документи и шверц на експерти за експлозиви од Сирија во Европа.„Бомбите што тие ги користат е многу лесно да се направат. Траги од истиот експлозив се пронајдени на секое место што е нападнато во Париз. Користен е експлозив од типот ТАТР што е можно да се направи со материјали во домаќинствата – ацетон или избелувач. Кога тие ќе се помешаат стануваат многу нестабилни. Оној што се занимава со тоа, многу добро знае што работи“, се вели во извештајот.Понатаму се додава дека и слабата контрола на границите е причина заради која терористите слободно се шетаат низ Европа, а во нивна полза е и непостоењето на квалитетна комуникација меѓу земјите членки. /крај/дн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.