Европа
Јункер ги повика Грците да кажат ‘да’ за Европа
Претседателот на Европската комисија, Жан-Клод Јункер, го повика во понеделникот од Брисел во говор кој агенциите го оценија како многу емотивен, грчкиот народ на референдумот да гласа за последниот предлог на трите институции (Европската комисија, европската централна банка и Меѓународниот монетарен фонд), а грчките челници одговорноста да ја стават пред своите лични биографии.
„Какво и да е прашањето коешто ќе биде поставено на референдумот, го повикувам грчкиот народ да гласа за нашиот пакет. Доколку гласаат ‘за’, тоа ќе претставува порака дека сакаат да останат во Европската унија. ‘Не’ на референдумот би значело ‘не’ за Европа“, изјави челникот на Европската комисија, Жан-Клод Јункер на прес-конференцијата во Брисел.
Во преполната сала Јункер имаше излагање од 40 минути, во говор набиен со емоции и драматика, ценуваат медиумите, настојувајќи да го објасни последниот предлог на трите институции – Европската комисија, европската централна банка и Меѓународниот монетарен фонд – за кој грчката влада одби да преговара, туку еднострано ги прекина преговорите во петокот навечер и распиша референдум кој ќе се одржи на 5-ти јули.
Спротивно од очекувањата, која се појавија откако беше најавена неговата прес-конференција, Јункер не изнесе никаква нова понуда за Грција. „Нема нов предлог, но Грција може да се врати на преговарачката маса“, рече.
Јункер истакна дека тој пакет е погрешни претставен пред јавноста во Грција, дека во него нема предлози за кастрење на платите и пензиите. Ги обвини грчките челниците дека го „заведуваат народот со полувистини, а не му ја рекле целата вистина“. „Време е одговорноста да биде ставена пред личната биографија, а државата пред партиите“, рече челникот на Европската комисија.
Јункер рече дека се чувствува „предаден“ по долготрајните преговори кои ги имаше со грчките преговарачи и со самиот премиер Алексис Ципрас, кој со ниеден збор не му го споменал референдумот, ниту дека притоа ќе им препорача на граѓаните да гласаат против предложениот пакет за продолжување на надворешната финансиска помош на Грција.
Како дополнување на силните залагања на Јункер за останување на Грција во еврозоната и во Европската унија, за време на целиот настап во заднина на видео бимот била емитувана слика од споените знамиња на Европската унија и на Грција.
Јункер изјави дека неговата европската политичка кариера започнала во 1982 година, кога тогашната Европска заедница имаше 10 членки, а 10-та членка токму беше Грција, којашто се придружи една година претходно. Ги цитираше притоа тогашниот француски претседател Валери Жискар Десетењ, кој тогаш и покрај противењата на многумина, се заземаше за приемот на Грција во ЕЗ, велејќи дека „Платон не заслужува да игра во втората лига“. „И јас денес мислам дека Платон не заслужува да игра во втората лига“, порача Јункер.
Додаде дека преговарачите на трите споменати институции се вложиле и вложувале многу напори сé до последниот момент, додека грчката влада не ја затворила вратата.
Истакна дека играњето на поделба во еврозоната не е добра тактика. „Ниедна демократија не вреди повеќе од другите во еврозоната, во којашто има 19 демократии, а не една против 18-те други или 18 против една“, рече Јункер.
Последната понуда трите институции не беше „глупав пакет за штедење“, туку извонредно „чесна и социјална праведна понуда“, додаде.
Јункер порача дека тој пакет вклучува борба против корупцијата, транспарентност на јавната управа и независна даночна управа. „Кој може да биде против тоа?“, запраша додавајќи дека самата влада на Грција признала дека нивниот пензиски систем, каков што е во моментов, е неодлржлив, но и дека не било барано намалување на пензиите за најсиромашните. „Немаше ултиматуми, немаше пристап ‘земи или остави’, Европа не функционира на компромиси“, тврди Јунекр.
Својот настап Јункер го заврши на грчки, велејќи дека „Грција е Европа, Европа е Грција“./крај/мф/сн
Извор: Reuters/AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Италијанец се преправал дека е слеп 50 години, ја измамил државата за повеќе од еден милион евра
76-годишен маж од областа Виченца во Италија се преправал дека е целосно слеп повеќе од 50 години за да добие надомест за инвалидитет измамувајќи ја државата за повеќе од еден милион евра. Измамата е откриена кога финансиската полиција го снимила како извршува секојдневни задачи без никакви проблеми, како што се градинарство и пазарување на пазарот, објавува „Кориере дел Венето“.
На снимката објавена од финансиската полиција човекот е снимен како внимателно избира овошје и зеленчук на пазарот. Дома е снимен како врши градинарски активности, вклучувајќи кастрење и полевање растенија. Сите овие задачи ги извршувал со целосна леснотија, иако официјално бил регистриран како 100 % инвалид поради слепило.
Жителот на Монтекио Маџоре е обвинет за сериозна измама против државата.
Според обвинението, човекот незаконски примал бенефиции и надоместоци наменети за слепи лица повеќе од педесет години, со што стекнал незаконска бенефиција од повеќе од еден милион евра. Истрагата е поведена по вкрстена проверка на податоците на корисниците на социјално осигурување, а членовите на финансиската полиција од Арзињано поминале повеќе од два месеца следејќи го. Утврдено е дека тој почнал да прима пензија и надомест за придружба уште во 1972 година по наводна несреќа на работа.
#GdiF #Vicenza Denunciato un falso invalido per truffa ai danni dello Stato, avendo percepito indebitamente, per più di 50 anni, indennità e sussidi per un importo superiore al milione di euro.#NoiconVoi pic.twitter.com/DvqBzrir2l
— Guardia di Finanza (@GDF) October 13, 2025
Старецот е снимен како извршува голем број секојдневни задачи, без ничија помош, вклучително и користење опасни алатки, како што се ножици за кастрење и тримери за жива ограда. Тој исто така редовно одел сам на градскиот пазар избирајќи продукти и плаќајќи во готово од сопствениот паричник.
Врз основа на цврсти докази, поткрепени со сведочење на експерти, судската власт во Виченца поднесе обвинение против лажно слепиот човек. Финансиската полиција ги извести надлежните институции сите бенефиции веднаш да му бидат суспендирани. Даночната ревизија утврди нелегален приход од над 200 илјади евра во последните пет години, период за кој може да се направи процена, и е предложено да се конфискува овој износ.
„Оваа операција сведочи за континуираната посветеност на Финансиската полиција во борбата против измамите во секторот за социјална помош и пензиско осигурување. Јавните средства наменети за поддршка на најранливите и навистина сиромашните социјални групи неправедно се одземаат“, соопшти Покраинската команда на Финансиската полиција во Виченца.
фото: принтскрин
Европа
Зеленски: Русија ја таргетира енергетската инфраструктура со 300 дрона и 37 ракети
Украинскиот претседател Володимир Зеленски денеска објави дека Русија употребила 300 беспилотни летала и 37 ракети за напад врз украинската инфраструктура во текот на ноќта.
„Оваа есен Русите го користат секој ден за да ја таргетираат нашата енергетска инфраструктура“, напиша тој на „Икс“.
Украинската приватна енергетска компанија ДТЕК претходно соопшти дека постројка за производство на гас во регионот Полтава е затворена по рускиот напад врз енергетската инфраструктура во текот на ноќта.
Извори од индустријата за „Ројтерс“ изјавија дека руските напади предизвикале значајна штета на гасниот сектор на Украина.
Главниот извршен директор на украинската државна компанија „Нафтогас“ рече дека нападите го нарушиле работењето на неколку клучни постројки.
Тој нагласи дека тие имале директно влијание врз домашното производство на гас и дека Киев ќе мора да ги покрие загубите преку увоз.
фото: принтскрин
Европа
Путин почнува брутална зимска тактика против Украина
Русија ги засили нападите врз енергетската и гасната инфраструктура на Украина во последните денови, во кампања што потсетува на најлошите зимски удари во последниве години. За само неколку дена, десетици електрани низ целата земја беа погодени, оставајќи милиони без електрична енергија, вода и греење – бидејќи температурите штотуку почнуваат да паѓаат.
Украина вчера воведе итни прекини на електричната енергија во речиси сите региони. Националниот оператор Укренерго соопшти дека далноводите и трафостаниците се оштетени и дека се потребни ограничувања на потрошувачката за стабилизирање на системот. ДТЕК, најголемиот приватен производител и дистрибутер, соопшти дека ја вратил електричната енергија на речиси два милиони корисници за само неколку дена, главно во регионите Киев, Одеса и Дњепропетровск.
Во главниот град, прекините на електричната енергија, исто така, предизвикаа пад на притисокот на водата, додека делови од метрото работеа на резервна електрична енергија. Во неколку региони, вклучувајќи ги регионите Суми и Черкаси, властите воведоа ротирачки прекини на електричната енергија и ги повикаа граѓаните да штедат енергија.
Зеленски: „Путин се обидува да предизвика хаос пред зимата“
Украинскиот претседател Володимир Зеленски рече дека Русија го користи студот како оружје.
„Тие немаат што да покажат на бојното поле, па затоа се обидуваат да го уништат нашиот енергетски сектор. Нивната цел е да сеат хаос и страв пред зимата“, рече тој. Тој додаде дека руските сили лансирале повеќе од 150 беспилотни летала и десетици ракети за само неколку дена, насочени кон електрани, трафостаници и гасни постројки.
Министерот за енергетика Герман Галушченко рече дека нападите оваа недела ги погодиле и постројките на државната компанија Нафтогаз и неколку термоцентрали во централна Украина. „Нивната цел е да ги исцрпат нашите залихи на гас и да нè принудат да увезуваме во средината на зимата“, рече тој.
Повторување на бруталната тактика
Според проценките на воените и енергетските аналитичари објавени од Ројтерс и Блумберг, Русија ја повторува бруталната тактика што ја користеше во минатите зими – систематски напаѓајќи ги електроенергетските и гасните постројки за да ја намали отпорноста на Украина и да го ослаби моралот на населението.
Целта не е моментален прекин на електричната енергија, туку долгорочно осиромашување преку постојани поправки, преоптоварувања и недостиг на делови.
Нападите се темпирани да се совпаднат со промената на сезоната: како што паѓаат температурите, секоја штета има поголемо влијание, а работата на мрежата се забавува. Аналитичарите предупредуваат дека Москва користи тактика на „заситеност во одбраната“ – користејќи масивни бранови беспилотни летала и ракети за да ги истроши украинските ракети за воздушна одбрана, а потоа прецизно ги таргетира клучните точки на пренос.
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
