Европа
Камерон, Баросо и ван Ромпуј за шкотскиот референдум
Британскиот премиер Дејвид Камерон изјави во петокот дека е пресреќен од резултатот на шкотскиот референдум и нагласи дека прашањето за шкотската независност е „решено за генерацијата“, додека претседателот на Европската комисија , Жозе Мануел Бароса оцени дека одлуката на Шкотите да останат во Обединетото Кралство е добра за обединета Европа, а претседателот на Европскиот совет, Херман ван Ромпуј, истакна дека ја почитува референдумската одлука.
Британскиот премиер Дејвид Камерон изјави во петокот дека е пресреќен од резултатот на шкотскиот референдум и нагласи дека прашањето за шкотската независност е „решено за генерацијата“, додека претседателот на Европската комисија , Жозе Мануел Бароса оцени дека одлуката на Шкотите да останат во Обединетото Кралство е добра за обединета Европа, а претседателот на Европскиот совет, Херман ван Ромпуј, истакна дека ја почитува референдумската одлука.
„Оваа расправа е решена за генерацијата… резултатот е јасен. Не може да има спорови, повторени избори, ја слушнавме волјата на шкотскиот народ“, изјави британскиот премиер Дејвид Камерон пред неговата резиденција на Даунинг стрит 10.
По пребројаните резултати од 31 од 32 шкотски изборни окрузи, приврзаниците на 307 години долгата унија со Обединетото Кралство имаа математички недостижна предност од 1,91 милиони гласови наспротив 1,53 милиони гласови за независноста.
Камерон, чие останување на премиерската функција како и на челната кај неговите конзервативци ќе беше силно доведено во прашање доколку победеа поборниците на независноста на Шкотска. Најави дека нацртот на новиот закон со кој на Шкотска ќе и’ се дадат поголеми овластувања, ќе биде објавен во јануари и порача дека резултатот отворил пат за носење ново урамнотежено уставно решение за цела Велика Британија, вклучително и за Англија.
„Како што Шкотска ќе гласа одвоено во шкотскиот парламент за своите даноци и потрошувачка, така и Англија, Велс и Северна Ирска ќе можат да гласаат за тие прашања, на своите области. И сетот тоа мора да се спроведе во тандем со Шкотска и истовремено кога ќе се решава тоа прашање за Шкотска“, изјави британскиот премиер Камерон.
Како челник на владејачката Конзервативна партија, Камерон на Шкотска, којашто од 1997 година веќе има свој парламент, и’ вети поголеми овластувања во даночната политика и буџетската потрошувачка, а тоа ветување го дадоа и челниците на другите две водечки политички партии.
Камерон и директно им се обрати на Шкотите откако лидерот на таборот за излегување од заедницата, шкотскиот премиер Алекс Салмонд, го повика во петокот претпладнето кога го призна поразот да ги одржи своите ветувања за поголема автономија.
„За оние во Шкотска кои се скептични кога станува збор за уставните ветувања, ќе ви кажам: веќе префрливме некои овластувања под оваа влада и тоа ќе го сториме повторно. Трите унионистички партии се обврзаа да дадат дополнителни овластувања за шкотскиот парламент. Тоа и ќе го исполниме“, повтори Камерон во петокот.
„Ја поздравувам одлуката на шкотскиот народ да го сочува единството на Обединетото Кралство. Тој резултат е добар за обединета, отворена и посилна Европа за којашто се зазема Европската унија“, се вели во соопштението на претседателот на Европската комисија, Жозе Мануел Баросо.
Особено го истакна фактот што изминатите години во текот на дебатата околу независноста на Шкотска, владата и народот на оваа земја постојано ја изразуваа приврзаноста на Европа. „Европската комисија ќе продолжи со конструктивниот дијалог со шкотската влада во областите за кои е одговорна таа и коишто се важни за иднината на Шкотска, вклучително и за работните места и растот, енергијата, климата и околината, како и умното законодавство“, истакна Баросо.
Претседателот на Европскиот совет, Херман ван Ромпуј, од своја страна истакна дека го почитува изборот на Шкотска и го поздрави фактот „што Обединетото Кралство останува обединето како што утрово изјави премиерот Дејвид Камерон“. „Обединетото Кралство е и останува важен член на Европската унија во полза на сите граѓани и држави членки на Европската унија“, се вели во соопштението на Ромпуј./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Фото+видео) Опасна бура во Словенија: паѓаше град со големина на јајце, издадено портокалово предупредување
Словенија е погодена од силни бури придружени со силни налети на ветер, поројни дождови и град.
Сообраќајот во земјата е забавен, а Агенцијата за заштита на животната средина издаде портокалово предупредување за целата територија.
Од агенцијата посочуваат дека поради дождот може да дојде до задржување на вода и зголемување на реките.
На објавите на социјалните мрежи се гледа дека паѓал град со големина на јајце.
Според објавите и коментарите, најлошото било околу Шемпетер во долината Савиња.
Како што јавува ТВ Словенија, во текот на вечерта бурата постепено ќе ослабне , најдоцна на истокот од земјата.
Бура пристигнува и во Хрватска
Силна бурна ќелија, која пристигна преку брегот од Италија, се движи кон внатрешноста на Хрватска, придружена со врнежи од дожд, силни налети на ветер и локален град.
Водна пијавица е снимена над морето во близина на Умаг. Се очекува активноста на бурата дополнително да се интензивира во наредните часови.
Управата за заштита на животната средина издаде портокалова тревога за регионите Риека, Карловац и Загреб поради локално можни грмотевици со привремено силни до бурони ветрови, а можна е и појава на град.
Европа
Колона долга околу 700 километри забележана на автопат во Франција
Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Европа
Финска, Норвешка и Шведска под жештина невидена од 1961 година
Земјите од Северна Европа, познати по својата студена клима, се соочуваат со интензивни топлотни бранови, со температури над 30 степени Целзиусови во подолг временски период.
Во норвешкиот дел од Арктичкиот круг, метеоролошките станици регистрирале температури над 30 степени Целзиусови дури 13 дена во јули, додека Финска имала три последователни недели со температури од 30 степени, пишува денес британскиот „Гардијан“.
Според научниците, тоа е најдолгиот период според историските податоци од 1961 година, а трае 50 проценти подолго од претходниот рекорд.
„Топлотниот бран е сè уште во полн ек, со максимални температури денес околу 32-33 степени. Дури и арктичките региони забележаа три недели со температури над 25 степени и може да ги соборат своите августовски температурни рекорди утре“, изјави Мика Рантанен, климатолог во Финскиот метеоролошки институт, во објава на социјалните мрежи.
Норвешкиот метеоролошки институт соопшти дека температури над 30 степени се регистрирани 12 дена во јули во најмалку една станица во трите најсеверни покраини на Норвешка.
Во Шведска, метеоролозите, исто така, регистрираа продолжени топлотни бранови во неколку северни градови, при што метеоролошката станица во Хапаранда регистрираше температури од 25 степени или повеќе 14 дена по ред.
Овие топлотни бранови, кои ја погодија северна Европа кон средината на јули, беа предизвикани од топлите води покрај северниот брег на Норвешка, кои ги покачија температурите во нордиските земји за осум до 10 степени над сезонските норми.
Поради интензивен топлотен бран, лизгалиште на мраз во северна Финска ги отвори вратите за луѓе кои бараат засолниште од жештината, откако локалните болници беа преполни, а сточарите предупредија дека нивните ирваси се на работ на смртта од жештината.
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
Синдикатот на новинарите бара зголемување на минималната плата: социјалниот статус на медиумските работници во земјата е на многу ниско ниво
Самостојниот синдикат на новинарите и медиумските работници во време на општата дебата за висината на минималната плата недвосмислено е за...
ВМРО-ДПМНЕ и натаму бара оставка од обвинителот Коцевски
ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на...
Царините на Трамп стапија во сила, стапката за Македонија е 15 отсто, како и за земјите од ЕУ
Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија...
Зеленски ги објави петте приоритети за украинската одбрана – 50 отсто домашно оружје на фронтот
Претседателот на Украина, Володимир Зеленски, ги претстави петте клучни приоритети на Министерството за одбрана, меѓу кои се зголемување на учеството...
Рубио: САД имаат појасна слика за условите на Русија за крај на војната во Украина
САД имаат подобро разбирање за условите под кои Русија би била спремна да ја заврши војната во Украина откако претставникот...
Трамп: 100 проценти царина за чипови, освен за оние кои сакаат да го префрлат производството во САД
Соединетите Американски Држави ќе воведат царина од околу 100 проценти за чипови и полупроводници увезени од земји кои не произведуваат...
Се појави писмо од Вуди Ален до Џефри Епштајн: Откриени детали за тајните вечери
Познатиот режисер Вуди Ален му испратил роденденско писмо на Џефри Епштајн додека тој сè уште беше жив, во кое детално...
Сиљановска-Давкова по новиот инцидент на трибините: Селективната осуда е лицемерие
По новите националистички скандирања на спортските трибини, претседателката Гордана Сиљановска-Давкова со јавна реакција на социјалните мрежи. Таа порача дека сцените...
(Видео) Спасен параглајдеристот кој висеше закачен на дрво високо над 30 метри
Во лоши услови со силен ветар и во ноќ, тимот за спасување на планина на Дирекцијата за заштита и спасување...
Лихварска шема во Гостивар: Заем од 35.000 евра со камата од 15.000 за една година, па по 3.000 евра месечно
Против две лица, меѓу кои еден нотар од Гостивар и една фирма, тетовската полиција поднесе кривични пријави поради сомнение за...
Свадба во струмичкиот затвор – осуденик го кажа судбоносното „да“
Во струмичкиот затвор денес се одржа невообичаен, но длабоко хуман чин – законска регистрација на брак на осудено лице кое...
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
Хелсиншкиот комитет го осудува националистичкото скандирање на фудбалскиот натпревар меѓу „Шкендија“ и „Карабах“
Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар...
Девет години од катастрофалните поплави во Гази Баба, во кои загинаа 22 лица
Денеска се навршуваат девет години од катастрофалните поплави во Стајковци и околните села и Сингелиќ во кои загинаа 22 лица....
Над 360 лица ќе ја искористат мерката на Владата за пожарникари
Точно 364 лица, од кои 34 во Скопје, ќе ја искористат мерката на Владата предводена од ВМРО-ДПМНЕ, на која ќе...
ОН предупреди на катастрофални последици ако Израел ги прошири своите воени операции во Газа
Висок функционер на Обединетите нации предупреди дека може да има „катастрофални последици“ ако Израел ги прошири своите воени операции во...
Хирошима: 80 години од првата атомска бомба во светот, која уби над 100.000 луѓе
Јапонскиот град Хирошима одбележува 80 години од американскиот нуклеарен напад што го уништи градот и одзеде десетици илјади животи. Хирошима...
