Прозападните власти во Киев и проруските бунтовници од истокот на Украина потпишаа договор за повлекување на тешкото вооружување од линијата на раздвојувањето, пренесуваат агенциите повикувајќи се на високи претставници на двете страни.

„Потпишани се документи кои ќе овозможат почеток на повлекувањето на тешкото оружје по целата должина на фронтот“, изјавил генералот Олександар Розмазнин. Иако според некои украински медиуми пишуваат дека повлекувањето може да започне веќе во неделата, Розмазнин за AFP оценил дека за тоа е сé уште рано да се зборува.

Заменикот командант на бунтовничките сили од самопрогласената ткн „народна република“ Донецк, Едуард Басурин, изјави дека „Планот е потпишан ноќеска…“, додавајќи дека бунтовниците од неделата започнале да го повлекуваат споменатото оружје за што според договорот имаат две седмици, пренесе агенцијата Интерфакс.

Портпаролот на украинските сили коишто ја спроведуваат операцијата во источна Украина, Андриј Лисенко, во телефонски разговор за агенцијата изјавил дека сé уште не потврдено дека бунтовниците започнале да го повлекуваат своето оружје.

Басурин за агенцијата РИА Новости појаснил дека во овој процес претставниците на Организацијата за безбедност и соработка во Европа (ОБСЕ) нема да го го фиксираат постоењето на таквото оружје, туку имаат намера да ги посетуваат областите во кои не смее да има тешко вооружување.

„Самиот процес на повлекување набљудувачите на ОБСЕ се откажаа да го следат, тие ќе ги посетат областите каде што, во согласност со договорот, тешкото вооружување не смее да биде стационирано и ќе проверат дали таквата опрема ја има таму или не“, рекол Басурин.

Претходно во неделата заменикот шеф на Специјалната набљудувачка мисија на ОБСЕ за Украина, Александр Хуг, изјави дека ОБСЕ бара од страните во конфликтот во Донбас без одлагање да обезбедат информации во врска со моменталните позиции на тешкото вооружување. Според него, завојуваните страни сé уште не ги доставиле „пописот на тешкото оружје, правците и местата, каде тоа ќе биде дислоцирано“.

Повлекувањето на оружјето е предвидено со мировниот договор Минск од 12-ти, а беше предвидено и со претходниот договор од почетокот на ланскиот септември, исто така, постигнат во белоруската престолнина.

Станува збор за трет чекор од сеопфатниот договор за постигнување мир на истокот од Украина, по прекинот на огнот кој настапи на полноќ на 15-ти февраури, и замената на заробениците од двете страни, и требаше да започне всушност пред неколку дена, но беше одложено поради борбите за Дебалцево. Последните два дена извештаите говорат дека оружјето речиси е стивнато на поголемиот дел од боиштето.

Според договорот, двете страни треба да го повлечат целото тешко вооружување, во зависност од калибарот на 30 до 70 километри од линијата на раздвојувањето, со што би се создала тампон зона меѓу завојуваните страни којашто според првичниот договор од септември траба да изнесува најмалку 30 километри во длабочина на секоја од страните./крај/мф/сн

Извор: Макфакс