Европа
Киев не ги коментира барањата за специјален статус, Донецк порача дека бара рамноправност
Советот за национална безбедност и одбрана (СНБО) на Украина не ги коментира барањата на самопрогласените ткн Народни републики во Донецк и Луганск да им биде признаен специјален статус и го очекува новиот состанок на Контактната група, додека самопрогласениот премиер на Донецката Народна Република, Алескандр Захарченко во вторникот појасни дека ткн републики не бараат специјални статуси на регионите, туку од Киев бараат рамноправност.
Претставници на самопрогласените „народни републики“ во доминантно рускојазичните украински региони Донецк и Луганск, во понеделникот ги претставија своите преговарачки позиции на состанокот на Контактната група кој се одржа во белоруската престолнина Минск. Таа се состана по еден месец пауза, а ја сочинуваат претставници на Украина, на Руската Федерација и на Организацијата за безбедност и соработка во Европа (ОБСЕ), како и на побунетите проруски југоисточни украински региони.
Според соопштението, бунтовничките власти во Донецк и во Луганск го повикуваат Киев да го признае нивниот специјален статус и да обезбеди за тоа соодветни законски гаранции. Како што појасни ткн вицепремиер на Донецката народна република, Андреј Пургин, „станува збор за заеднички безбедносен простор на Украина, Донецк и Луганск, за повоената реставрација на економските, културни и социјални врски со Украина, како и дека Донецк и Луганск нема да претендираат на други територии од Украина“. Притоа, тој изјави, дека во замена за признавањето на специјалниот статус, Донецк и Луганск ветуваат дека ќе вложат максимални напори да го зачуваат територијалниот интегритет на Украина.
Како што соопшти во вторникот за украинските медиуми, портпаролот на украинскиот Совет за национална безбедност и одбрана, Андреј Лисенко, Советот нема да ги коментира барањата на одметнатите региони за признавање на посебен статус на републики и го очекува следното заседание на тристраната контактна група кое треба да се одржи во петок, 5-ти септември. „Ќе го очекуваме следното заседание на петти септември. Ќе почекаме да видиме какови ќе бидат резултатите“, изјавил Лисенко.
„Ние стоиме само на позицијата, истакнувам, на рамноправни преговори со Киев (…) Главниот лајтмотив (на преговорите) е целосното повлекување на војската од териториите на Донецката и на Луганската област, и само откако тоа ќе се случи ние може да седнеме и да разговараме со Киев за партнерски односи, како рамноправни партнери. Ние не сакаме да останеме во рамките на Украина, ниту територијално, ниту политички, ниту во економска поврзаност, само како рамноправни фактори“, изјави во интервју за радиото Business FM, ткн премиер на самопрогласената Донецка народна република, Алекснадр Захаречнко, за кој медиумите пишуваа дека е етнички Украинец.
„Мислам дека е погрешно толкувана информацијата. Андреј Пургин немаше никакво овластување да дава политички изјави. Бидејќи тој е дисциплиниран, целосно ја разбира субординацијата и одговорноста за своите изјави, тој не ги дал тие изјави. Вчера разговара телефонски со него, а денеска ќе зборувам лично. Во телефонскиот разговор ми рече дека не дал такви изјави“, вели Захарченко.
Претставниците на проруските бунтовнички власти во Донецк и во Луганск во понеделникот ја објавија својата преговарачка позиција во рамките на средбата на Контактната група за решавање на украинската криза во Минск. Самопрогласената Донецка народна република на преговорите ја претставува нејзиниот ткн вицепремиер Андреј Пургин../крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германскиот министер за одбрана: Разговорот Трамп – Путин беше неуспешен
Германскиот министер за одбрана Борис Писториус го критикува телефонскиот разговор меѓу американскиот претседател Доналд Трамп и рускиот претседател Владимир Путин нарекувајќи го промашен.
Писториус овие изјави ги даде во програма на ЗДФ. Руските напади врз украинската инфраструктура „не престанаа по овој наводно голем телефонски повик“, рече Писториус.
„Путин игра игра овде и сигурен сум дека американскиот претседател нема да може долго да остане пасивен“, рече тој. Писториус исто така изјави дека ќе дојде време кога Трамп „ќе реагира, ќе мора да реагира“ за да ги зачува „силата и престижот“ на САД.
Разговорот меѓу Трамп и Путин се одржа синоќа и не резултира со целосен 30-дневен прекин на огнот, како што предложија Американците. Сепак, Путин се согласи на привремена пауза во нападите врз енергетската инфраструктура. На тоа се согласи и Киев. Но, денеска веќе се случија напади од двете страни.
Германскиот министер Писториус рече дека е грешка да се исклучи Европа од разговорите меѓу Трамп и Путин бидејќи „на крајот, мирот, ако дојде, мора да биде обезбеден и на европска почва“.
Трамп го пофали разговорот со Путин како многу добар и продуктивен.
Европа
(Видео) Украинците објавија снимка од напад: „Значи, вака изгледа паузата на Путин во нападите?“
Русија синоќа изврши напад со дрон врз електроенергетскиот систем што ја напојува железницата во регионот Днепропетровск во централна Украина, соопшти украинската државна железничка компанија „Укржализиница“.
Делови од железничката мрежа останаа без струја, но сообраќајот не беше во застој, додаваат тие. Откога службите за итни случаи пристигнаа на местото на нападот, Русија го изведе вториот напад познат како double-tap – двоен напад, велат од „Укржализиница“ додавајќи дека нема жртви.
So this is what “an immediate ceasefire on all energy and infrastructure” looks like?
At 1:20 AM, Russia struck @Ukrzaliznytsia‘ energy facilities in Dnipro region—twice, even as firefighters and a rescue train worked. Some railway sections lost power, but trains keep running. pic.twitter.com/yuxODT2iBP
— Ukrainian railways || Укрзалізниця (@Ukrzaliznytsia) March 19, 2025
„Значи, вака изгледа пауза во нападите врз енергетската инфраструктура“, додаваат, алудирајќи на вчерашниот договор на рускиот претседател Владимир Путин да ги запре нападите врз украинската енергетска инфраструктура на 30 дена.
Кремљ објави дека Путин се согласил на ограничен прекин на огнот и веднаш издал наредба до војската да престане да ја напаѓа украинската енергетска инфраструктура на 30 дена.
Европа
(Видео) Русија гранатира болница во Украина, спасувачките служби ги евакуираат пациентите
Руски напад врз болница во североисточниот украински регион Суми принуди евакуација на 147 пациенти, вклучително и девет лица со ограничена подвижност, соопштија украинските власти.
Снимките објавени од Државната служба за итни случаи на Украина во Суми покажуваат оштетена медицинска установа и моментот кога пациентите се евакуирани од погодената зграда. Спасувачките екипи бргу реагираа и го изгаснаа пожарот што избувна по нападот.
Во експлозијата е оштетен и блискиот детски медицински центар, но нема повредени. Во меѓувреме, Русија објави дека нејзините сили ја презеле контролата врз четири населени места во регионот Курск, а Москва продолжува да се обидува да ги потисне украинските трупи, кои држат значителен дел од територијата во регионот по упадот во август минатата година.
Украинските власти претходно објавија дека борбите во регионот Курск сè уште траат, особено во Суџа и околните области.
Клековски: На пациент во Солун му е извршена трансплантација на кожа на рацете, во контакт сме со банка за кожни ткива за да почнат реконструктивни операции
Директорот на Фондот за здравствено осигурување (ФЗО), Сашо Клековски, на денешната прес-конференција во Владата рече дека натамошните фази за пациентите...
Уапсени седум полицајци, осомничени дека помогнале дискотеката „Пулс“ да добие лиценца
Предметен јавен обвинител од Специјализираното одделение за гонење кривични дела сторени од лица со полициски овластувања и припадници на затворската...
Погребот на починатите во пожарот во Кочани ќе биде утре во Кочани, Штип, Облешево и Скопје
Погребот на починатите во пожарот во Кочани ќе се одржи утре. Погребните церемонии, според надлежните, ќе бидат во 11 часот...
Митева: Од 12 контролирани објекти со активна лиценца, до сега кај три е утврдено дека не исполнуваат услови, следува забрана за вршење дејност
Последните инспекции потврдија сериозни регулаторни прекршувања. Доказите се јасни: од вчерашната направена контрола на 12 објекти со активна важечка лиценца,...
Мицкоски го посети Кочани и се потпиша во книгата на жалост: Во солзи и тишина даваме почит за жртвите
Денес, премиерот Христијан Мицкоски го посети Кочани и се потпиша во Книгата на жалост во чест на жртвите од трагичниот...
Побаран нов притвор за несреќата во Кочани: вкупниот број се искачува на 18 лица
Основното јавно обвинителство Кочани до надлежниот суд доставил предлози за продолжување на мерката краткотраен притвор за нови 48 часа за...
Добра вест е што поминаа критичните 72 часа и не почина ниеден од преживеаните, 101 пациент се во странство, рече Таравари
Министерот за здравство Арбен Таравари утрово со олеснување извести дека поминале критичните 72 часа за повредените во пожарот во Кочани....
Андреј и Сара од ДНК ќе бидат погребани утре во Скопје
Трагично загинатиот пејач на групата „ДНК“, Андреј Ѓоргиески ќе биде погребн утре, 20 март на градските гробишта во Бутел. Информацијата...
Краткотраен притвор досега за вкупно 17 лица за пожарот во дискотеката во Кочани
На уште едно лице му е определен краткотраен притвор од 48 часа во врска со трагедијата во Кочани, со што...
Таравари: Eкспертски тим од Министертвото за здравство ќе ги разгледа сите факти за смртта на 32-годишникот од Куманово
„Во овие тажни часови за сите страшна вест ми стигна од Куманово. Животот на еден млад човек беше скратен на...
„Да не се шират дезинформации, бројот на жртви во Кочани е 59“, Владата со повик да не се објавуваат непроверени информации
„Во овие тешки и тажни моменти за сите македонски граѓани и во знак на почит кон загинатите жртви, повредените и...
(Видео) Трамп ги објави документите за атентатот на Кенеди
Американскиот претседател Доналд Трамп денеска објави материјали поврзани со атентатот на поранешниот претседател Џон Кенеди за да го исполни своето...
Градоначалникот на Истанбул под истрага за корупција
Турските власти наредија притвор на градоначалникот на Истанбул Екрем Имамоглу и на околу стотина други лица, меѓу кои и новинари...
(Видео) Путин во рекорден рок го прекрши договорот со Трамп за ограничено примирје, објавија Украинците
Русија и Украина рано утринава се обвинија меѓусебно за воздушни напади кои предизвикаа пожари и оштетена инфраструктура само неколку часа...
Вучиќ: Ако бил употребен звучен топ, јас повеќе не сум претседател
Српскиот претседател Александар Вучиќ повтори дека неговата земја е изложена на „месеци на терор“ и ги нарече разговорите меѓу лидерите...
(Фотогалерија) Скопје плаче: илјадници граѓани оддадоа почит за жртвите од пожарот во дискотеката во Кочани
Илјадници граѓани на Скопје излегоа за да изразат сочувство и почит за смртта на младите луѓе кои трагично го загубија...
Пожарите во ноќни клубови од кои светот не научи лекција: заеднички им се пиротехника, пренатрупаност и изоставени безбедносни проверки
Трагичниот пожар во дискотеката „Пулс“ во Кочани уште еднаш ги истакна смртоносните последици од неправилната употреба на пиротехничките средства во...
Митева: Во Скопје само 2 објекти од вкупно 13 имаат важечка лиценца за кабаре
Имало 22 лиценци за вршење угостителка дејност, а 15 со истечена важност. Во Скопје има само 2 објекти за кабаре...
Резервоарот со нафта во Кочани бил празен и не е поврзан со дискотеката, рече Тошковски
Министерот за внатрешни работи, Панче Тошковски, потврди дека во близина на дискотеката „Пулс“ е пронајден резервоар за нафта, но вели...
Незаконито и паушално биле изготвувани круцијални документи за работа на дискотеката во Кочани, информирше Тошковски
Досега за случајот со пожрот во Кочани се приведени 18 лица во СВР Штип и СВР Скопје, а задржани се...
