Европа
Киев не го повлекува оружјето, бунтовниците продолжуваат со неговото повлекување
Украинската војски објави во понеделникот дека чека целосен прекин на огнот од страна на рускојазичните бунтовници, пред да започне со повлекувањето на тешкото вооружување кое требаше да започне во неделата, а истовремено бунтовниците од Донецк и Луганск објавија дека продолжуваат со повлекувањето на таквата опрема и според нив примирјето целосно се почитува.
Имајќи предвид дека продолжува стрелбата врз украинските позиции, се уште не може да се зборува за повлекување на оружјето“, изјави за AFP портпаролот на штабот на украинските војски, Владислав Селезнев. „Војската веќе го подготви неопходниот терен“, каде што ќе го смести тешкото вооружување доколку биде повлечено, додал Селезнев.
Киевските власти во понеделникот известија дека ситуацијата на боиштето во текот на ноќта кон понеделникот значително се смирила, иако се регистрирани изолирани судири, особено во близина на стратешкиот пристанишен град Мариупол на брегот од Азовското Море, кој е населен претежно со руско и рускојазично население, но од април минатата година е под контрола на Националната гарда на Украина, а во негова близина е стациониран и доброволечки баталјон во кој има стотици странски платеници кој дејствува заедно со украинската армија.
Во неделата прозападните власти во Киев и проруските бунтовници од истокот на Украина потпишаа договор за повлекување на тешкото вооружување од линијата на раздвојувањето.
Во рамките на договорот постигнат на 12-ти февруари во белоруската престолнина Минск, потпишан од челниците на Украина, Русија, Франција и Германија, по прекинот на огнот и размената на сите заробеници од двете страни, следниот чекор е повлекување на тешкото вооружување. Таквиот член беше застапен и во претходниот договор од Минск од почетокот на ланскиот септември, но тогаш беше предвидено создавање тампон зона во длабочина од 30 километри на двете страни од линијата на раздвојувањето. Со новиот договор наречен Минск 2, сето тешко вооружување ќе биде повлечено меѓу 50 и 140 километри од линијата на раздвојувањето, во зависност од калибарот.
Во понеделникот, претставниците на силите на самопрогласените ткн „народни републики“ во Донецк и во Луганаск на одметнатиот исток од Украина, соопштија дека продолжуваат да го повлекуваат тешкото оружје од линијата на боиштето, што го започнаа во неделата во согласност со договорот од Минск.
„Ние го повлекуваме“ (оружјето) изјавил во телефонски разговор за РИА Новости, Владислав Дајнего, заменик претседател на ткн Народен совет на ткн Народна република Луганск.
Тој не ја коментирал изјавата на шефот на прес-центарот на украинската специјална операција во регионот Донбас, Анатолиј Стелмах, ко како и Селезнев изјави за руските медиуми дека украинските сили ќе го повлечат оружјето само по целосниот прекин на огнот.
Од своја страна, Дајнего изјавил дека прекинот на огнот во Донбас се почитува. „Практично имаме молк (на оружјето), нарушувања речиси и да нема, ретко се слушаат истрели од оружје со мал калибар и поединечни минофлрачки детонации“, рекол.
Претходно во неделата заменикот шеф на Специјалната набљудувачка мисија на ОБСЕ за Украина, Александр Хуг, изјави дека ОБСЕ бара од страните во конфликтот во Донбас без одлагање да обезбедат информации во врска со моменталните позиции на тешкото вооружување, „попис на тешкото оружје, правците и местата, каде тоа ќе биде дислоцирано“ . Исто така, набљудувачите од организацијата се откажаа да го следат самиот процес на повлекување, тие ќе ги посетат областите каде што, во согласност со договорот, тешкото вооружување не смее да биде стационирано и ќе проверат дали таквата опрема ја има таму или не./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ: Го освоивме Покровск
Руската армија го зазеде украинскиот рударски град Покровск во источниот регион Донецк, кој беше под напади околу една година, изјави денес портпаролот на Кремљ, Дмитриј Песков, за новинарите.
Песков рече дека претседателот Владимир Путин бил информиран. Нема потврда од Киев. Руските сили наводно го окупирале и градот Вовчанск во соседниот Харков. Тврдењата не можеа да бидат независно потврдени, иако украинскиот претседател Володимир Зеленски за време на посетата на Париз изјави дека интензивните борби продолжуваат околу Покровск и во Харков.
Набљудувачите сугерираат дека руското соопштение за воените придобивки би можело да биде темпирано пред очекуваната посета на американскиот специјален претставник Стив Виткоф на Москва утре, додека Кремљ се обидува да покаже напредок пред разговорите за евентуален мировен план.
Европа
Мерц: Европејците ќе се спротивстават на наметнатиот мир врз Украина
Европејците ќе се спротивстават на „наметнат мир“ врз Украина, потврди денес германскиот канцелар Фридрих Мерц пред планираната средба меѓу претставникот на американскиот претседател Доналд Трамп и рускиот претседател Владимир Путин.
„Следиме јасна линија, нема одлука за Украина и Европа без Украинци и без Европејци, не може да се наметне мир зад грбот на Украина, нема слабеење или поделба на Европската Унија и НАТО“, рече германскиот лидер по телефонскиот разговор со неговите украински, француски, британски и полски колеги.
Мултилатералната средба се одржа додека Мерц беше домаќин на полскиот премиер Доналд Туск во Берлин, а францускиот претседател Емануел Макрон го угости украинскиот претседател Володимир Зеленски во Париз. Двајцата претходно разговараа со претставникот на американскиот претседател Доналд Трамп, Стив Виткоф, и украинскиот преговарач Рустем Умеров, соопшти Елисејската палата.
Туск: Едногласни сме
„Во Украина, единството на Европа е исто така во прашање“, рече Мерц, додавајќи дека големите европски земји, вклучувајќи ги Полска и Германија, имаат „посебна одговорност да обезбедат дека ништо и никој не ја дели Европа“.
Според симултаниот германски превод, Доналд Туск рече дека Европејците се „едногласни“ по ова прашање и се „целосно посветени на продолжување на целосната поддршка на Украина во нејзината одбрана во војната против Русија“.
Европа
Макрон: Само Украина може да одлучува за своите територии
Европските лидери во понеделник му дадоа поддршка на украинскиот претседател Володимир Зеленски по американско-украинските разговори за мировниот предлог кој првично беше во корист на Русија, додека претставникот на американскиот претседател Доналд Трамп се упати кон Москва на разговори во Кремљ.
Зеленски беше топло пречекан во Париз од францускиот претседател Емануел Макрон, а двајцата им се придружија на десетина европски лидери, меѓу кои и од Велика Британија, Италија, Полска и Европската Унија, во телефонски разговор.
France’s support holds special significance for Ukraine, and I am grateful to President @EmmanuelMacron and his team for their attention to our people and their willingness to help.
Our engagement today was substantive and important – above all, focused on the steps that bring a… pic.twitter.com/aL3mcUokAO
— Volodymyr Zelenskyy / Володимир Зеленський (@ZelenskyyUa) December 1, 2025
„Војната мора да заврши што е можно поскоро. Сега многу зависи од вклученоста на секој лидер“, напиша Зеленски на Икс.
Макрон објави фотографија со украинскиот лидер пред почесната гарда во Елисејската палата.
Le travail pour la paix se poursuit.
The work for peace continues.
🇺🇦🇫🇷 pic.twitter.com/31OgcnrO2s— Emmanuel Macron (@EmmanuelMacron) December 1, 2025
По средбата со Макрон, Зеленски изјави дека приоритетите на Украина во мировните преговори се одржување на суверенитетот и обезбедување силни безбедносни гаранции.
Тој, исто така, ги повика сојузниците на Киев да спречат Русија да биде наградена за војната што ја започна. Тој истакна дека територијалните прашања претставуваат најголем предизвик во преговорите.
Украинскиот лидер, исто така, изјави дека се надева дека ќе разговара со американскиот претседател Доналд Трамп откако специјалниот претставник на Трамп, Стив Виткоф, ќе ја посети Русија.
Францускиот претседател нагласи дека само Украина може да одлучува за своите територии во мировните преговори. Тој додаде дека Русија не покажува знаци дека ќе ја запре својата агресија.
Мировниот план меѓу Русија и Украина, рече тој, може да се финализира само со учество на Киев и европските партнери.
„За прашањата за замрзнатите средства, безбедносните гаранции, пристапувањето кон Европската унија и европските санкции, (овој план) може да се финализира само со Европејците на маса. Значи, сè уште сме во прелиминарна фаза“, рече Макрон.
Кремљ: Го освоивме Покровск
Руската армија го зазеде украинскиот рударски град Покровск во источниот регион Донецк, кој беше под напади околу една година, изјави...
Белата куќа: Магнетната резонанца на Трамп покажа одлична здравствена состојба
Портпаролката на Белата куќа, Каролина Ливит, денес изјави дека неодамнешниот преглед со магнетна резонанца на Доналд Трамп било превентивно по...
Сиљановска-Давкова: Системските недостатоци во имплементацијата на Истанбулската конвенција, бараат системски пристап во нивото отстранување
Покрај формалната, нужна е реална заштита на жените од насилство, порача претседателката Гордана Сиљановска-Давкова на јавната расправа за имплементацијата на...
Освен во „Димо Хаџи Димов“, во друго училиште во Карпош не се најдени патогени бактерии
На 27.11.2025 АХВ заедно си службени лица од ИЈЗ направи вонредна контрола во 9 основни училишта во рамките на општина...
Продолжува повратот на средствата од мерката „Мој ДДВ“ за скенирани сметки, соопшти Управата за јавни приходи
Управата за јавни приходи информира дека повратот на средства од мерката „Мој ДДВ“ за скенирани сметки во третиот квартал од...
Се вклучија камерите во Скопје, возачите што ќе направат прекршок ќе добијат опомена
Камерите поставени на сообраќајниците во Скопје од денеска ќе снимаат, возачите што ќе направат прекршок ќе добијат опомена, а од...
Пазарниот инспекторат со засилени контроли во угостителските објекти во пресрет на празниците
Државниот пазарен инспекторат најави засилени инспекциски надзори во угостителските објекти во пресрет на претстојните празници и зголемениот број прослави. Целта,...
(Видео) Николоски: Пробиени 17 километри за обиколување на Стража на автопатот Гостивар – Букојчани
Интензивно се одвиваат градежните активности на автопатот Гостивар – Букојчани, кој е дел од Коридорот 8, на релацијата Скопје –...
Синдикатот на вработените на клиниките против реорганизацијата – прераспределбата на кадри може дополнително да ја наруши стабилноста на здравствениот систем
Самостојниот синдикат на вработените во универзитетските клиники, центрите, клиничките болници и други јавни здравствени установи (ССКЦ) предупредува дека предложената внатрешна...
Врховниот адмирал на НАТО: Размислуваме за поагресивен пристап против Русија
НАТО размислува за заземање поагресивен став како одговор на руските кибер-напади, саботажи и нарушувања на воздушниот простор, изјави највисокиот воен...
Хакирани 120.000 камери во домови и гинеколошки ординации во Јужна Кореја, снимки со експлицитна содржина продавани на интернет
Четири лица се уапсени во Јужна Кореја за наводно хакирање повеќе од 120.000 видеокамери во домови и бизниси и користење...
ЕУ го предупредува Трамп: Путин мора да одговара за воените злосторства
Висок функционер на Европската Унија предупреди дека мировниот план на Доналд Трамп за Украина не смее да го ослободи Владимир...
Трамп: Украина има сериозни проблеми
Претседателот на САД, Доналд Трамп, изјави дека е оптимист по разговорите меѓу украинските претставници и неговата администрација за начините за...
Родителите прават штета кога инсистираат нивните деца да добиваат петки без соодветно знаење, вели Јаневска
Проблемот со „петките“ во земјата е навистина сериозен и од моето долгогодишно, веќе пет-шест години со контактите со наставниците, тој...
Убиени оперативци на Хамас откако излегле од тунел во Газа
Израелските одбранбени сили (ИДФ) убија четворица оперативци на Хамас денес откако излегоа од тунел на југот од Појасот Газа, објави...
Поплавени дворови, подруми и ниви во Општината Чешиново – Облешево, не се чистеле каналите
Во Општината Чешиново – Облешево во повеќето од населени места се поплавени дворови, подруми, ниви со неожнеан ориз и житни...
Марш на ангелите“ во Кочани: До кога ќе се одложува правдата и вистината за „Пулс“
Родителите и блиските на загинатите во пожарот во „Пулс“ одржаа уште еден „Марш на ангелите“ во Кочани, кој почна од...
Анализите покажаа дека нема тешки метали во водата што ја пиеле затруените деца од ОУ „Димо Хаџи Димов“
Институтот за јавно здравје (ИЈЗ) денеска информира дека целосно се завршени анализите на мострите од вода земени од ОУ „Димо...
Поголем дел од Скопје утре без вода
ЈП „Водовод и канализација“ – Скопје информира дека утре, 30 ноември (недела), поради два одделни зафати на водоводната мрежа, повеќе...
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември”...
