Европа
Коалицискиот партнер CSU ѝ се заканува на Меркел со тужба поради бегалците
Христијанско-социјалната унија (CSU) баварската сестринска партија на Христијанско-демократската унија (CDU) на германската канцеларка Ангела Меркел, се закани во вторникот дека ќе ја тужи владата доколку не биде исполнето нејзиното барање да се запре приливот на барателите на азил, што дополнително го продлабочува поделбата во владејачката коалиција околу политиката на отворени граници за имигрантите.
Атмосферата во рамките на владејачката Унија CDU/CSU меѓу двете демохристијански сестрински партии, Христијанско-демократската унија (CDU) на чие чело е Ангела Меркел и Христијанско-социјалната унија (CSU), која ја предводи баварскиот премиер Хорст Зехофер, дополнително се влоши минатиот четврток по средбата на канцеларката со челниците на баварската партија, поради истрајноста на Меркел на тоа да не се воведува горна граница на бројот бегалци кои може да влезат во земјата, како што со месеци бараат од CSU, бидејќи Баварија е прва на ударот на огромниот бегалски бран.
Хорст Зехофер, челник на CSU, бара во писмото од вторникот, од владата предводена од Меркел воспоставување центри за прифаќање на границата со Австрија за забрзување на депортирање на доселениците за коишто е јасно дека не ги исполнуваат условите за добивање политички азил.
На канцеларката во вторникот со телефакс ѝ било испратено писмо во коешто е содржана заканат со сид, а Меркел добила рок до петок да одговори на него пред биде објавено до Зехофер.
Во интервјуто за јавниот сервис ARD во саботата, Зехофер рече дека односот меѓу CDU CSU е разнишан. „Ние се движиме кон политички многу тешки седмици и месеци“, порача баварскиот премиер.
Томас Оперман, претседателот на пратеничката група на Социјалдемократската партија на Германија (SPD), која исто така е дел од ткн „голема коалиција“ на власт, во Берлин ја нарече оваа закана „објавување на излегувањето од коалицијата“. „CSU не е предусловот да можеме да владееме“, додаде Оперман.
Според него коалицијата CDU и SPD ќе го задржи големото мнозинство во парламентот и без CSU, којашто неприкосновено владее во сојузната земја Баварија на југот од земјата, којашто е главна точка за влез на имигрантите од соседна Австрија и е една од најоптоварената со мигрантскиот бран.
Од CSU, исто така, ги обвинија социјалдемократите во SPD за забавување на спроведувањето на чекорите за намалување на бројот на бегалците, како што е суспендирањето на можноста за спојување на семејствата.
Германија минатата 2015 година прими повеќе од 1,1 милион баратели на азил, што доведе до тоа повеќето партии да повикаат на преземање мерки за забавување на приливот бегалци.
Политиката на германската канцеларка Ангела Меркел кон бегалците ја поддржуваат сé помалку германски граѓани, па така според најновото истражување на јавното мнение објавено изминатиот викенд, само 15 отсто од испитаниците сметаат дека канцеларката би требало да продолжи со досегашната политика.
Во анкетата која за телевизијата TVN24 ја спровел институтот Emnid, 79 отсто од испитаниците сметаат дека би требало да бидат построги условите за стекнувањето на бегалскиот статус во Германија. А 33 отсто од испитаниците сметаат дека би требало да се затворат германските граници, доколку тоа го сторат и другите земји од Европската унија.
Забележливо е дека последните месеци се зголемил и бројот на граѓаните кои стравуваат за безбедноста во земјата. На прашањето „Стравувате ли од тоа дека во Германија ќе стигнат премногу бегалци“, позитивно одговориле 48 отсто од испитаниците. Во април минатата година, позитивно на истото прашање одговориле двојно помалку, или 23 отсто.
Истражувањето на јавното мнение нарачано од јавната телевизија ARD кон средината на јануари, пак, покажа дека со работата на канцеларката Меркел се задоволни 58 отсто од избирачите, во споредба со дури 75 отсто во април 2015 година. Покрај тоа, три четвртини од испитаниците сметаат дека миграцијата е најважното прашање со кое владата мора да се справува во 2016 година.
И новогодишните масовни напади во Келн врз жените, за што се обвинети имигранти, се закануваат со натамошно губење на довербата во Меркел и јакнење на поддршката за антиимигрантската и антиевропска нова партија Алтернатива за Германија (AfD). Популарноста на Меркел започна да опаѓа откако таа се спротистави на повиците да го ограничи приливот на имигранти во земјата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
„Старлинк“ е блокиран за Русите, Украина: Бројот на напади веднаш се намали
Руските сили го намалија бројот на напади на фронтот откако Украина и SpaceX постигнаа договор за блокирање на нерегистрираните сателитски интернет терминали на Starlink. Извори од Генералштабот на вооружените сили на Украина потврдија дека бројот на руски напади во некои области е намален, додека во други сектори тие целосно престанале, пишува Украинска правда.
Според извештајот на Генералштабот објавен вчера во 16 часот, украинските сили регистрирале 56 борбени ангажмани по должината на фронтовската линија од почетокот на денот. Намалувањето на руската активност следува по мерките преземени за ограничување на неовластената употреба на технологијата Starlink.
Експертот за воена радиотехнологија Серхиј „Флеш“ Бескрестнов објави дека руските сили вчера се соочиле со масовен прекин на терминалите на Starlink.
Според него, Русите се жалат дека не можат повторно да ја воспостават врската, што ќе влијае на координацијата на нивните дејства по целиот фронт.
Проблемот стана јавен на 25 јануари, кога Бескрестнов, кој оттогаш стана советник за технологија на министерот за одбрана Михаил Федоров, изјави дека руските сили веројатно го користат Starlink на беспилотните летала Шахид.
Американскиот претприемач Илон Маск одговори на барањето на Федоров за помош во решавањето на проблемот, по што SpaceX презеде контрамерки. Маск на 1 февруари објави дека мерките се чини дека дале резултати.
Федоров потоа извести за постепеното воведување на систем што ќе им овозможи само на овластени терминали на Starlink да работат на украинска територија.
Украинската влада донесе декрет за воведување на таканаречена „бела листа“, што значи дека само потврдени и регистрирани терминали наскоро ќе можат да работат во Украина, додека сите други ќе бидат исклучени.
Европа
Започна вториот ден од разговорите во Абу Даби, Рубио: Има добри и лоши вести
Вториот ден од трилатералните разговори меѓу Украина, Русија и САД, насочени кон решавање на војната, започна во главниот град на Обединетите Арапски Емирати. Ова го објави Рустем Умеров, секретар на Советот за национална безбедност и одбрана на Украина, пренесува Украинска правда.
„Вториот ден од преговорите во Абу Даби започна. Работиме во истите формати како и вчера: трилатерални консултации, работа во групи, а потоа усогласување на ставовите. Резултатите ќе следат“, објави Умеров на Фејсбук.
Коментирајќи го напредокот на разговорите во Абу Даби на 4 февруари, американскиот државен секретар Марко Рубио рече дека има и добри и лоши вести. Според Рубио, добрата вест е дека списокот на нерешени прашања што постоеја меѓу Украина и Русија е значително стеснет. Украинската делегација подготвува извештај до претседателот Володимир Зеленски за резултатите од првиот ден од преговорите.
Украинската делегација во Абу Даби ја сочинуваат секретарот Рустем Умјеров, шефот на кабинетот на Зеленски, Кирило Буданов, и неговиот прв заменик Серхиј Кислица, лидерот на парламентарната фракција „Слуга на народот“ Давид Арахамија, началникот на Генералштабот на вооружените сили на Украина, Андриј Хнатов, и советникот на кабинетот на претседателот, Олександр Бевз.
Според Умјеров, украинскиот тим во Абу Даби планирал и билатерален состанок со американската страна, претставена од специјалниот претставник на американскиот претседател, Стив Виткоф, и зетот на Доналд Трамп, Џаред Кушнер. Тие требало да разговараат за документ за безбедносни гаранции и план за просперитет.
Трилатералните разговори во Обединетите Арапски Емирати се одржуваат по големиот руски напад врз Украина. По последниот напад, претседателот Володимир Зеленски во вторникот изјави дека работата на украинскиот преговарачки тим ќе биде „прилагодена“.
Европа
Берлинскиот аеродром ги одложи сите полетувања поради снег и замрзнат дожд
Аеродромот во Берлин утрово соопшти дека сите полетувања се откажани поради временските услови, бидејќи свеж снег и замрзнат дожд го погодија регионот на германскиот главен град.
„Моментално нема полетувања на аеродромот Берлин-Бранденбург поради временските услови“, соопштија од аеродромот, објаснувајќи дека авионите не можеле да се одмрзнат поради дождот, кој веднаш се замрзнува.
Aufgrund der Wetterbedingungen sind derzeit keine Starts möglich. Bitte überprüfe den Flugstatus bei deiner Fluggesellschaft. pic.twitter.com/24cLdrNg5L
— BER – Berlin Brandenburg Airport (@berlinairport) February 5, 2026
Прекинот влијае само на полетувањата, а дојдовните летови сè уште можат да слетуваат, изјави портпаролката. Не е познато колку долго ќе бидат запрени полетувањата.
Затоа, патниците можат да очекуваат откажувања на летови и значителни доцнења и им се препорачува да ја проверат состојбата на своите летови кај авиокомпаниите.
Германската метеоролошка служба (DWD) предупреди на висок ризик од опасни ледени услови во Берлин поради замрзнат дожд и мраз.
Објавени пораки меѓу поранешниот норвешки премиер и Епстин, започната е истрага
Поранешниот норвешки премиер Торбјорн Јагланд е под полициска истрага поради сомнение за сериозна корупција поврзана со неговите врски со покојниот...
Трамп ја претстави TrumpRx: Нова платформа за поевтина набавка на лекови во САД
Американскиот претседател Доналд Трамп во четврток ја претстави TrumpRx.gov, нова онлајн платформа што ќе им овозможи на американските потрошувачи да...
Турција ќе приватизира два клучни моста во Истанбул
Турција ја ангажираше консултантската фирма Ernst & Young LLP да ја води приватизацијата на два клучни моста во Истанбул и...
Аргентина бара од САД да го екстрадира Мадуро
Аргентински судија во среда побара од Соединетите Американски Држави да го екстрадираат поранешниот венецуелски претседател Николас Мадуро, кој беше заробен...
„Старлинк“ е блокиран за Русите, Украина: Бројот на напади веднаш се намали
Руските сили го намалија бројот на напади на фронтот откако Украина и SpaceX постигнаа договор за блокирање на нерегистрираните сателитски...
(Видео) Нов американски напад врз брод за дрога, двајца убиени
Американската војска соопшти дека во четвртокот нападнала друг брод во источниот Тихи Океан, за кој тврди дека превезувал дрога, при...
Владата предложи покачување на платите за администрацијата до 40 отсто, со почетно зголемување од 8 проценти од април
Премиерот Христијан Мицкоски, изјави дека денешната средба со Синдикатот на УПОЗ била конструктивна и дека на маса е предлог за...
Воведување ред во државата, реализација на реформската агенда: Мицкоски порача дека годинава нема да има избори
„Ќе имаме можност да отпочнеме еден циклус на средби, односно брифинзи со претставници на земјите членки на Европската Унија, кои...
(Видео) Филипче: СДСМ има решение за 600 евра плата, помалку луксуз – поголеми плати за работниците
Стандардот на работниците практично е срозен изминатите две години. Соочени сме со ситуација во којашто владата на ВМРО и ЗНАМ...
62-годишен маж од Тетово починал по компликации од грип, соопшти ИЈЗ
Минатата недела во периодот од 26 јануари до 1 февруари во Македонија е регистриран уште еден случај на починато лице...
Во следните 15 дена платете го данокот на имот за 2022, 2023, 2024 и 2025 година, апелира Ѓорѓиевски кој веќе блокираше 15.000 сметки за неплатен данок од 2021 година
Близу 20 милиони евра по основ данок на имот за изминатите четири години должат на Град Скопје граѓаните и компаниите....
Родителите на загинатите во „Пулс“ се сомневаат дека се врши притисок врз сведоци, бараат надлежните да извршат проверка на мобилен телефон
Родителите на загинатите во „Пулс“ се сомневаат дека се врши притисок врз сведоци преку Вибер комуникација од затворот. „Имаме сознанија...
Виткоф објави дека е постигнат првиот договор меѓу Русија и Украина по пет месеци
Ексклузивните разговори во Абу Даби донесоа конкретен резултат, Русија, Украина и Соединетите Американски Држави постигнаа договор за размена на затвореници,...
Објавена петиција за забрана на социјални мрежи за деца до 12 години во Македонија
Граѓанската иницијатива „Иницијатива за безбедно детство“ објави петиција со која се бара воведување забрана за употреба на социјални мрежи за...
Продлабочување на стратешкото партнерство со САД во фокусот на средбите на Гаши во Вашингтон
За време на работната посета на Вашингтон, претседателот на Собранието, Африм Гаши, оствари средба со Даниел Џ. Лотон, заменик-помошник секретар...
Случајот со смртните закани врз новинарот Александар Видиновски да се истера до крај, бара Демократскиот сојуз
Демократскиот сојуз жестоко ги осудува примитивните напади и смртните закани врз новинарот Александар Видиновски на социјалните мрежи и ја поздравува...
(Фото) Сиљановска-Давкова се сретна со претседателот на ОАЕ: перспективите за продлабочување на билатералната соработка во фокусот на разговорот
Претседателката Гордана Сиљановска-Давкова, во рамки на учеството на Светскиот самит на владите во Дубаи, оствари средба со претседателот на Обединетите...
(Видео) Ѓорѓиевски: Нема вработувања во Град Скопје – нема да дозволам ниту еден денар од буџетот на скопјани да биде злоупотребен
„Нема вработувања во Град Скопје – нема да дозволам ниту еден денар од буџетот на скопјани да биде злоупотребен!“, порача...
Путин повторно го насамари Трамп, објави „Њузвик“
Претседателот Доналд Трамп минатата недела објави дека посредувал во еднонеделно примирје меѓу Русија и Украина, истакнувајќи го својот личен однос...
(Фото/видео) Руски беспилотни летала го нападнаа Киев, две жени повредени, неколку станбени згради оштетени
Две лица се повредени во руски напад што беше извршен синоќа со беспилотни летала врз Киев. Остатоци од беспилотните летала...
