Европа
Командантот на американските сили во Европа повика на готовност за задавање сајбер удари

Командантот на американските сили во Европа, генералот Бен Хоџес, ги повика европските земји членки на НАТО да бидат подготвени за возвратни кибернетички напади, кои ќе служат како превенција од агресија од други земји.
„Во иднина ние мораме да се потпираме на средствата за одвраќање, кога станува збор за кибернетичките напади. Тоа автоматски вклучува противнапади“, вели генералот Бен Хоџес во интервју за германскиот магазин Spiegel.
Хоџис е загрижен дека потенцијалните непријатели, како што е Русија, нема да бидат земени сериозно од Германија и другите западни земји, доколку НАТО не биде во можност за да нанесе возвратни кибернетички напади.
„По хакерскиот напад врз Бундестагот (парламентот) во средината на минатата година, на германската влада ѝ е потребен одговор, за справување со агресорот“, вели генералот. Според него, во спротивно кибернетичкиот напад врз Германија ќе се повтори.
Претходно челникот на Федералното биро за заштита на уставот (BfV), односно внатрешното разузнавање, Ханс-Георг Маасен, повторно предупреди за опасноста од кибернетички напади и пропаганда од Русија. Минатиот месец неговата агенција предупреди дека се можни такви напади, наводно од Русија, во пресрет на парламентарните избори во 2017 година.
Кон крајот на ноември, одговарајќи на овие наводи, портпаролот на рускиот претседател Дмитриј Песков коментираше дека изјавите на челникот на германското разузнавање деkа очекуваат кибернетички напади врз разни германски институции за време на претстојните избори од Русија, одговори дека Русија се соочува со хакерски напади во предизборието кои доаѓаат од Европа, вклучително и од територијата на Германија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Знамиња со кукасти крстови се појавија во Стокхолм на роденденот на Хитлер, полицијата започна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.
Европа
Објавени првите фотографии од телото на папата Франциско: во рацете има бројаница

Ватикан утрово ги објави првите фотографии од телото на папата Франциско. Неговото тело е положено во едноставен дрвен ковчег, со бројаница во рацете, митра на главата и облечен во црвена литургиска одежда, ден откако почина од последиците од мозочен удар во неговиот дом.
Телото на папата Франциско се уште се наоѓа во неговиот дом Санта Марта, каде што тој се опоравуваше откако помина повеќе од еден месец во римската болница Гемели поради билатерална пневмонија.
Според планот, утре, 23 април, среда, телото ќе биде преместено во базиликата Свети Петар за да можат верниците да им оддадат почит.
Европа
Украина: Соборивме 38 руски дронови, лансираа 54

Во текот на ноќта Русија лансираше 54 беспилотни летала, од кои 38 беа соборени, додека останатите 16 не стигнаа до целите. Регионите на Одеса и Киев беа нападнати во текот на ноќта, а во утринските часови започнаа нова непријателска акција, соопшти денеска Авијацијата на вооружените сили на Украина, пренесува УНН.
Според извештајот на Авијацијата на вооружените сили на Украина, Русите синоќа нападнале со 54 нападни беспилотни летала (UAV), а зоните за лансирање биле Милерово, Курск, Брјанск, Приморско-Ахтарск (Русија) и Чауда (Крим).
Воздушниот напад е одбиен со помош на воздухопловните сили, противавионски ракетни единици, опрема за електронско војување и мобилни огнени групи на украинската одбрана, соопштија тие.
До 9 часот потврдено е дека биле соборени 38 нападни беспилотни летала Шахед на истокот, северот, југот и центарот на земјата, објави Военото воздухопловство на социјалните мрежи.
„Поради непријателскиот напад беа погодени регионите на Одеса и Киев“, се вели во извештајот.
„Нов бран руски напади започна во 8 часот! Групи ударни беспилотни летала влегуваат од север над областа Суми“, нагласија од воздухопловните сили на вооружените сили на Украина.