За враќање на меѓусебната доверба во евроатлантскиот регион не придонесуваат зголемените воени активности на руските граници, а одговорот на Москва на тоа ќе биде соодветен, порача во вторникот рускиот министер за надворешни работи Сергеј Лавров по разговорите со неговиот шпански колега Хосе Мануел Гарсија Маргаљо . 

Во понеделникот САД испратија повеќе од сто парчиња тешка воена опрема, особено тенкови и други борбени возила во поранешните три советски републики на Балтикот со објаснување дека ги зајакнуваат своите одбранбени капацитети и да ја одвратат Русија од евентуални закани, кои според Пентагон набрзо ќе достигнат бројка од 3.000 војници и 750 единици воена техника од кои дел трајно ќе останат во регионот. Засилената активност на НАТО е забележлива и на 190 километри од руската граница со Норвешка, исто така членка на Алијансата, каде што во комбинираните десетдневни воени вежби под името „Joint Viking“ ќе бидат ангажирани околу пет илјади војници повеќе од 400 единици воена опрема.

Во вторникот, исто така, започнаа и заедничките поморски маневри на НАТО, во чиј состав се бродови на САД, Италија, Канада, Германија и Турција, со Бугарија и Романија, исто така членки на Алијансата, во водите на Црното Море. Минатите денови беше објавено дека САД планираат да испратат во Украина во периодот од март до октомври најмалку 300 војници во рамките на проектите за соработка со украинската армија. Американскиот воен персонал ќе биде сместен во Меѓународниот центар за поддршка на мирот и безбедноста (International Peacekeeping and Security Center — IPSC) на Јаворовскиот полигон во Л“вовската област во рамките на заедничките воени вежби. Според соопштението на Киев, „предвидено е овие активности да траат од 5-ти март до 31-ви октомври 2015 година, само околу осум месеци“

„Ние ја потврдивме нашата позиција дека за обновувањето на довербата во евроатлантскиот регион не е погодно зголемената активност близу руските граници“, изјави Лавров на заедничката прес-конференција со шпанскиот колега.

Шефот на руската дипломатија додал дела „ќе бидеме принудени соодветно да одговориме на тоа, убедени сме дека за решавањето на таквите проблеми неопходен р рамноправен дијалог со меѓусебно почитување“, пренесуваат руските агенции.

Лавров порачал и дека Русија ќе го поздрави доколку секоја земја од Европската унија се раководи од сопствените интереси, алудирајќи на повеќепати повторениот став дека ЕУ се поведува во односите кон Москва под притисоците на САД./крај/мф/сн

Извор: Макфакс