Европа
Лавров: Русија ќе возврати доколку Украина изврши напад врз нејзина територија
Русија ќе возврати на секој намерен удар врз нејзинате територија од страна на украинските сили, предупреди во петокот рускиот Министер за надворешни работи, Сергеј Лавров.
„Веќе предупредивме дека доколку се продолжи со напади врз територијата на Руската Федерација ние ќе ги преземеме сите неопходни мерки. Во најдобар случај, доколку е јасно дека тоа е намерно направено, уверен сум дека ќе бидеме принудени да ја уништиме таа точка од каде е изведен нападот“, рекол Лавров за телевизискиот канал Русија 24.
Тој додал дека гранатите кои последниве денови паднале на руска територија, а биле истрелани од Украина, се резултат или на „непрофесионално дејствување, или случајност, сто сериозно води кон војна“.
Една граната на 13-ти јули падна врз рускиот град Донецк кој се наоѓа на границата со Украина при што беше убиено едно лице. Москва за овој напад ги обвини украинските сили, а Киев ја демантираше ваквата информација.
„Тој настан сведочи за исклучиво опасна ескалација на напнатоста на границата меѓу Русија и Украина и може да има несогледливи последици, за кои одговорна ќе биде исклучиво Украина“, нагласил Лавров.
Тој рекол и дека Русија инсистира на отпочнување на што потранспарентна и независна истрага за падот на малезискиот авион, несреќа во која животот го загубија 298 патници.
Руското Министерство за одбрана претходно наведе дека во четвртокот, во моментот кога најверојатно бил соборен патничкиот авион над источна Украина, во областа бил „оперативен украински антиракетен систем БУК“.
Според нивните информации, тој систем бил активен на положба од која бил во можност да истрела проектил врз малезискиот авион, се вели во соопштението на Министерството за одбрана на Русија.
Како што било прецизирано, радијацијата на антиракетната станица од украинскиот систем БУК била регистрирана од страна на руската војска во близина на селото Стил, кое се наоѓа на околу 30 километри јужно од Донецк, пренесе руската телевизија РТ./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.