Европа
Лепен поомилена од Фијон меѓу Французите, излегувањето од ЕУ и НАТО дел од нејзината политика
Лидерката на партијата од француската крајна десница Национален фронт (FN), Марин Лепен, го зазема 37-то место според популарноста меѓу своите сонародници, минувајќи го поранешниот премиер Франсоа Фијон, кој најверојатно ќе биде нејзин најголем противник на пролетните претседателски избори, кој е на 42-то место во според анкета, а истовремено во интервју вели дека Франција мора да излезе од Европската унија и од НАТО.
Двапати во годината магазинот Journal du Dimanche спроведува анкета меѓу Французите за „омилените лица“. Според резултатите од анкетата којашто ќе биде објавена во неделата меѓу првите 50 личности се и актерите Дени Бун, Софи Марсо и Жан Рено. Најомилено лице во Франција е актерот Омар Си, кој ја доби престижната француска награда Сезар за најдобра машка улога во „1+1 (Недопирливите)“.
Француските претседателски избори ќе се одржат во два круга, на 23-ти април и на 7-ми мај 2017 година. Според истражувањето на јавното мнение што го спровела агенцијата Harris Interactive, која беше објавена на крајот од ноември, Франсоа Фијон и Марин Лепен, ќе влезат во вториот круг со 26 односно 24 отсто поддршка, по што во вториот ќе победи поранешниот премиер и кандидат на партијата Републиканци со 67 наспроти 33 отсто.
А Лепен во саботата во интервјуто за грчкиот весник Димикратија вели дека Франција мора да излезе од составот на Европската унија и од НАТО.
„Frexit (француското излегување од ЕУ, според британското Brexit – з.н.) е дел од мојата политика“, вели челничката на Национален фронт.
„Што е ЕУ? Оваа организација, создадена без да се земат предвид ставовите на европските народи, се состои од олигархија на банкарите и технократи, како (претседателот на Европската комисија, Жан-Клод) Јункер и другите, коишто никогаш не ги избрал ниеден народ, ко работата во интересот на германските и француските банки, и спроведувајќи ја својата сопствена економска политика се соочуваат со краен презир од народите кои тие ги уценуваат“, вели Лепен.
„Луѓето мора да имаат можност да гласаат за ослободување од ропството и од уцените од страна на технократите во Брисел и да го вратат суверенитетот на своите земји. Англичаните го разбраа тоа и затоа гласаа за излегување од ЕУ, а покрај тоа и никогаш не ја сменија фунтата во евро“,вели челничката на крајната десница и кандидатка за претседател на Франција.
Таа смета дека излегувањето од еврозоната покрај Франција, треба да го направат и Португалија, Италија, Шпанија, Ирска, Кипар и Грција. „Идеално би било сите овие земји истиот ден со Франција да го сторат тоа, а јас ќе се обидам да ги убедам во тоа“, додава Лепен.
Според неа, „ЕУ е нож во срцето на националниот суверенитет на европските земји, а еврото не е валута, туку инструмент за уценување, кој го користи Брисел за спроведување на своите политики“.
„Каде беше воведено еврото, има зголемување на цените, на даноците и на невработеноста, се намалија платите и пензиите а граѓаните осиромашија. Во Британија, кога беше создадена финансиската криза (во 2008-та), започнаа со девалвација на фунтата, наскоро одново започна економскиот раст“, вели Лепен.
Смета и дека Европската унија мора да стане лабава конфедерација од држави, на кои ќе им бидат уважувани националните суверенитети, а Меѓународниот монетарен фонд (ММФ) треба да биде затворен.
Лепен смета дека „повеќе нема потреба од НАТО“. „Блокот беше создаден кога постоеше ваквата закана од Варшавскиот договор и ширењето на комунистичкиот Советски сојуз…. СССР повеќе не постои, како ниту Варшавскиот пакт. Вашингтон го поддржува постоењето на НАТО за постигнување на своите цели во Европа“, оценува Лепен.
Кога станува збор за Франција, Лепен вели дека има намера да стави крај на неконтролираната миграција. „Ќе го повторам своето ветување дека на Франција ќе ѝ ја врата целосната контрола над нејзините државни граници ќе ставам крај на Шенгенскиот договор. Митот за општата слобода на движењето во Европа треба да биде погребен“, убедена е Лепен.
Натаму во интервјуто за грчкото неделно издание вели дека многу ги почитува и новоизбраниот американски претседател Доналд Трамп и неговиот руски колега Владимир Путин.
Зборувајќи за Грција, Лепен вели дека кредитите доделени на земјата за излез од тешката долгогодишна криза не одат во грчкото општество, туку кај француските и германските банки, Таа ја обвини владејачката левичарска Сириза дека „ја предала Грција“, откако иако граѓаните на референдумот рекоа „не“ за новите жестоки реформи со кои беше условен третиот пакет финансиски помош потклекнала „на уцените од ЕУ“./крај/мф/сн
,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украинците тврдат дека синоќа собориле 33 руски беспилотни летала
Украинската противвоздушна одбрана собори 33 од 50-те беспилотни летала лансирани од Русија во текот на ноќта, соопшти денеска украинското воздухопловство.
Тие наведуваат дека 9 беспилотни летала се изгубени мислејќи на користењето електронско војување од страна на Украина за пренасочување на руските беспилотни летала, додека еден ја напушти Украина во правец кон Романија.
⚡️ Air Defense Forces destroyed 33 out of 50 russian attack UAVs.
9 russian imitator drones were lost locally (without negative consequences), and another one left Ukrainian airspace in the direction of Romania.
Join the current fundraising for the Armed Forces of Ukraine:
💸… pic.twitter.com/c6ADw43TEt— BLYSKAVKA (@blyskavka_ua) January 17, 2025
„Непријателските напади со беспилотни летала погодија претпријатија во регионот на Одеса, а зградите на институции, приватни компании и домаќинства во регионите Харков, Черкаси и Киев беа оштетени како резултат на падот на соборените непријателски беспилотни летала“, соопшти војската на платформата „Телеграм“.
Тие додадоа дека под напад било и пристаниште во реонот на Дунав. Претставник на регионот Киев рече дека едно дете е повредено како резултат на паѓање остатоци од соборени цели за време на нападот.
Европа
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет до средината на април 2025 година доколку севернокорејските сили продолжат да претрпуваат големи загуби во тековните жестоки борби, објави американскиот тинк-тенк Институт за проучување на војната.
Украинскиот претседател Володимир Зеленски на почетокот на месецот рече дека 3.800 севернокорејски војници биле убиени или ранети во руската област Курск, која украинските елитни бригади ја нападнаа на почетокот на август минатата година и зазедоа околу 100 населени места.
North Korean infantry attacks Ukrainian positions in Kursk. This is yet another confirmation that it is not just “Ukrainian probelm.” When dictators joined to destroy a sovereign democratic country, it becomes the problem for the entire world. Because the next question is who is… pic.twitter.com/yUZ4zufo2e
— Roman Sheremeta 🇺🇦🇺🇸 (@rshereme) December 14, 2024
Оттогаш Русите започнаа контраофанзива и вратија околу половина од загубената територија. Сепак, се уште се водат жестоки битки, а рускиот Курск е едно од најактивните боишта во руско-украинската војна.
Украинскиот министер за одбрана Рустем Умеров на 5 ноември минатата година изјави дека севернокорејските сили биле вклучени во „мали“ судири во областа Курск, но руските воени блогери почнаа да известуваат на почетокот на декември дека севернокорејските сили учествуваат во позначајни борбени операции.
Севернокорејците претрпеле приближно 92 жртви дневно откако почнаа да се впуштаат во значителни борби на почетокот на декември минатата година, проценува Институтот за проучување на војната.
Се верува дека Северна Кореја преселила приближно 12.000 војници во регионот Курск, така што целиот севернокорејски контингент во регионот би можел да биде убиен или ранет за околу 12 недели, или околу средината на април 2025 година, под услов севернокорејските сили да продолжат да трпат слични загуби во продолжението на борбите, проценува Институтот.
Националната разузнавачка служба на Јужна Кореја пред неколку дена објави дека 300 Севернокорејци досега се убиени во акција, а 2.700 се ранети во борбите во областа Курск.
Севернокорејските сили најверојатно ќе продолжат да страдаат од поголем сооднос на ранети спрема мртви во борбите, а моментално не е јасно дали и кога повредените севернокорејски војници ќе се вратат во борба, се вели во соопштението на Институтот.
Европа
(Видео) Руски тенк нападна Украинци: „Неговата судбина беше очигледна“
Осамен руски тенк кој се движи кон украинските линии во она што една украинска група на пилоти за дронови го нарече „многу несреќно самоубиство“ кажува нешто за состојбата на руската војска додека војната на Путин против Украина се приближува на својата четврта година.
Имено, насекаде по должината на 1.000 километри долгата линија на фронтот во Украина, но и во западна Русија има толку многу украински беспилотни летала што руските оклопни возила не можат да ги напуштат своите скривалишта без да го привлечат смртоносното внимание на пилотите на дронови, пишува Форбс.
Video of strikes with four FPVs and night bomber UAV on a Russian tank by the Ukrainian Border Guard's Phoenix strike UAV company.https://t.co/IvqxWQ5r4M pic.twitter.com/1HpPpl5hED
— Rob Lee (@RALee85) January 15, 2025
Онаму каде што Русите освојуваат, го прават најмногу со пешадија и трпат неверојатни загуби во тој процес.
Пред неколку дена, осамен руски тенк патуваше по земјен пат кон линијата за контакт надвор од селото Курдјумивка, 5 километри северно од урнатините на Торецк во областа Доњецк во источна Украина. Руските теренски војски го опкружуваат градот Покровск јужно од Курдумивка, како и градот Часив Јар северно од Курдумивка.
Не е јасно кој бил точниот план на снимениот тенк. Во секој случај, осаменото возило не стигна далеку. „Судбината на ова парче железо беше очигледна“, објави украинската група за беспилотни летала Феникс, додавајќи: „Нашите момци го расклопија до последен детал“.
Огромниот број на беспилотни летала фокусирани на тенкот зборува за изобилството на мали летечки роботи над линијата на фронтот. Четири експлозивни беспилотни летала влетаа и го погодија тенкот, на крајот онеспособувајќи го. Петтиот дрон, потежок модел, фрли гранати врз тенкот за конечно да го уништи. Не е јасно дали некој од тројцата или четворицата руски членови на екипажот преживеал.
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин...
Мелони ќе присуствува на инаугурацијата на Трамп, Орбан не доаѓа
Италијанската премиерка Џорџа Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од...
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
Најстудено во Берово, најмногу снег на Попова Шапка
Утрово најстудено било во Берово каде што се измерени -9 степени, -8 било на Попова Шапка, -6 во Дебар, -5...
Потрагата по тригодишното дете во Сава во Загреб продолжува: уапсена мајката, сослушан е и сопругот
Потрагата по детето кое исчезна во Сава во Загреб продолжува и денеска. Во четвртокот, спасувачките служби го напуштија местото на...
Зеленски до Фицо: Пукаа во тебе зошто не прости?
„Словачката влада игра многу опасна игра критикувајќи ја воената поддршка на Западот за Украина и приближувајќи се кон Русија“, изјави...
(Видео) Илјадници студенти протестираа во Подгорица
Неколку илјади демонстранти се собраа вчера во Подгорица барајќи оставка од лидерите на црногорската влада кои раководат со безбедносниот сектор,...
Канцеларијата на Нетанјаху го потврди договорот за ослободување на заложниците
Кабинетот на израелскиот премиер Бенјамин Нетанјаху објави дека „постигнал договор за ослободување на заложниците“ кои се држат во Појасот Газа,...
