Европа
Медиуми: Киев и бунтовниците потпишаа примирје

Претставниците на прозападните власти во Киев и проруските бунтовници од југоистокот на земјата на состанокот на Контактната група за Украина во белоруската престолнина Минск потпишале договор за прекин на огнот кој треба да започне подоцна во петокот во 18 часот по локално време (17 по средноевропско), соопштија руските агенции.
Се уште нема официјална потврда за исходот на преговорите во Минск, меѓутоа агенциите РИА Новости и Интерфакс, повикувајќи се на извори блиски на преговорите и на објава на Twitter акаунтот на бунтовниците, известија дека е постигнат договор во 14 точки. Веродостојноста на информацијата сé уште не може да се провери од официјални извори, додека еден од бутновничките команданти Владимир Антифеев за Reuters изјавил дека тој уште нема добиено потврда од претставниците на самопрогласените ткн Народни Републики во Донецк и Луганск, Александр Захарченко и Игор Плотницки, кои учествуваа на преговорите во Минск. На разговорите во Белорусија, Украина ја застапуваше поранешниот претседател Леонид Кучма, Русија беше застапена преку амбасадорот во Киев Михаил Зурабов, а Организацијата за безбедност и соработка во Европа (ОБСЕ), преку претставничката Хајди Талавин.Генералниот секретар на НАТО, Андерс Фог Расмусен, од Велс по првичните информации за постигнат договор во Минск, изјави дека се надева оти тоа може да претставува почеток на конструктивен политички процес.„Што се однесува до Украина, можам само да го поздравам, доколку биде можно ра се утврди реален прекин на огнот. Но едно нешто мора да биде јасно во моментов – прекин на огнот. Следниот, клучен чекор, е тој да биде променет. Се надевам дека овој чекор може да претставува почеток на конструктивен процес“, рече Расмусен.Истовремено, ткн премиер на самопрогласената Народна Република Донецк, Игор Плотницки, соопшти дека двете „народни републики“ сé уште имаат намера да се отцепат од Украина, и покрај договорот за примирје. „Ние имаме намера да продолжиме по курсот на отцепување. Прекинот на огнот е неопходна мерка. Ни претстои уште многу работа“, изјавил Плотницки.Рускиот претседател Владимир Путин во средата изјави по телефонскиот разговор со неговиот украински колега Петро Порошенко, дека е за потези коишто ќе доведат до решение на конфликтот во Украина, и самиот презентираше седум точки, кои според него би можел да доведат до запирање на крвопролевањата. Во четвртокот, Порошенко на маргините од самитот на НАТО во Велс вети дека ќе објави прекин на огнот доколку се реализираат преговорите во Минск./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Европски научници: Пожарите во Медитеранот се директна последица од климатските промени

Незапаметени пожари ги опустошија северна Шпанија и Португалија во последните недели, а Европската Унија се соочува со најлошата сезона на пожари откако започнаа евиденциите во 2006 година. Рекорден број од еден милион хектари изгоре низ Унијата, површина приближно половина од големината на Велс, објави Би-би-си.
Шпанија и Португалија се особено тешко погодени, а научниците од ЕУ проценуваат дека е изгорена околу 1% од целиот Пиринејскиот Полуостров. Повеќе од две третини од вкупната изгорена површина во ЕУ е во овие две земји. Според Европскиот информативен систем за шумски пожари „Коперник“ (EFFIS), повеќе од 400.000 хектари изгореле во Шпанија од почетокот на годината до 26 август. Ова е шест пати повеќе од просекот за истиот период помеѓу 2006 и 2024 година. Соседна Португалија, исто така, бележи рекордни 270.000 хектари изгорени, речиси пет пати повеќе од просекот.
Вкупно, 684.000 хектари се изгорени на Пиринејскиот Полуостров оваа година, при што поголемиот дел од оваа површина е изгорена за само две недели. Пожарите се концентрирани во шумските области на северна Португалија и во шпанските региони Галиција, Астурија и Кастиља и Леон. Пожарот не ги поштеди ниту заштитените подрачја како што е Националниот парк Пикос де Европа, ниту трасата на мрежата за поклонение Камино де Сантијаго, која привлекува повеќе од 100.000 посетители во лето.
Овие настани предизвикаа најголема мобилизација на пожарникари во рамките на Механизмот за цивилна заштита на ЕУ досега.
Чадот од пожарите драстично го влоши квалитетот на воздухот, носен од јужните ветрови до Франција и Обединетото Кралство. Во посебна студија, научниците од групата World Weather Attribution на Империјал колеџ во Лондон директно ја поврзаа влошената сезона на пожари во Медитеранот со климатските промени.
Пожарите, исто така, создаваат маѓепсан круг со ослободување на огромни количини јаглерод диоксид (CO2) во атмосферата, што дополнително ја затоплува планетата. Според податоците на ЕУ, CO2 ослободен од пожарите во Шпанија оваа година достигна рекордни 17,68 милиони тони.
Експертите предупредуваат дека почестите и посериозни пожари низ Европа веројатно ќе продолжат.
фото: принтскрин
Европа
Принцот Хари оди во Велика Британија на третата годишнина од смртта на неговата баба, кралицата Елизабета

Британскиот принц Хари ќе пристигне во Обединетото Кралство на 8 септември, на третата годишнина од смртта на неговата баба, кралицата Елизабета Втора, за да присуствува на церемонијата на доделување награди за добротворната организација. Хари живее во Калифорнија откако се повлече од кралското семејство во 2020 година. Тој ќе се врати во својата татковина за да присуствува на 20-годишнината од наградите „Велчајлд“, се вели на веб-страницата на добротворната организација.
Хари е покровител на добротворната организација веќе 17 години, а за време на настанот на 8 септември ќе се сретне со тешко болни деца и нивните семејства и ќе додели награда на „инспиративно дете“.
„Се чувствувам привилегиран што можам да присуствувам на наградите „Велчајлд“, рече Хари.
Неговото враќање во Обединетото Кралство сигурно ќе ги разгори шпекулациите за помирување со кралското семејство, пишува агенцијата Франс Прес. Хари во интервју за Би-би-си во мај изјави дека сака да се смири со својот татко, кралот Чарлс III. Истиот месец, 40-годишниот принц последен пат беше виден во својата татковина, каде што пристигна на судско рочиште.
„Мејл он Сандеј“ објави фотографии во јули од состанокот меѓу кралот и советниците на Хари, што беше протолкувано како прв чекор кон помирување. Кралицата Елизабета II почина на 8 септември 2022 година, во нејзината шкотска резиденција Балморал. Принцовите Вилијам и Хари последен пат беа видени заедно неколку дена подоцна во замокот Виндзор.
Расколот меѓу Хари и кралското семејство дополнително се влоши на почетокот на 2023 година, кога принцот ги објави своите мемоари, во кои беше особено критичен кон својот брат и принцезата Кејт.
фото: принтскрин
Европа
„Родено и убиено под руски оган“: 2-годишно девојче загина во нападот врз Киев

Во еден од најсмртоносните руски напади врз Киев во последните месеци загинаа најмалку 23 лица, вклучувајќи ја двегодишната Ангелина и нејзината мајка. Нивната приказна, објавена од KyivPost, стана симбол на трагичната реалност на војната.
Ангелина е родена во 2022 година додека градот бил под гранатирање, а нејзиниот живот бил прекинат три години подоцна, во истите околности – под руски ракети.
She was born under Russian fire.
She died under Russian fire.Angelina came into this world in 2022 — during a Russian shelling. Yesterday, Russia killed her and her mother. They were among the dead in a missile strike on Kyiv.
Another Ukrainian child who never knew peace. pic.twitter.com/idxNdCNfBq
— KyivPost (@KyivPost) August 29, 2025
Нападот се случи вчера кога, според украинските власти, Русија лансираше 598 беспилотни летала и 31 ракета кон различни делови од Украина. Иако воздушната одбрана собори 563 беспилотни летала и 26 ракети, бројот на ракети беше превисок, а Киев беше меѓу најтешко погодените градови. Тоа беше втор најголем руски напад врз Киев од почетокот на војната.
This teddy bear belonged to little Angelina. It’s in the picture above. pic.twitter.com/P2HD369NT5
— Victoria (@victoriaslog) August 29, 2025
Руското Министерство за одбрана тврдеше дека целите биле воени и индустриски цели, но биле погодени станбени области, уништени згради и изгубени цивилни животи. Меѓу нив, Ангелина – девојче кое, како што истакнаа украинските медиуми, „се родило под руски оган и починало под руски оган“.
фото: принтскрин