Европа
Меркел и Ципрас согласни за неопходноста од спроведување на структурните реформи

Германската канцеларка Ангела Меркел и грчкиот премиер Алексис Ципрас во понеделникот изразија желба за заздравување на грчката економија и се согласија околу неопходноста од спроведување на структурните реформи.
„Сакаме Грција економски да зајакне, сакаме Грција да оствари економски раст, а над сé сакаме да ја надвладее невработеноста. За да го постигнеме, потребни ви се структурни реформи, цврст буџет и ефикасна администрација“, изјави германската канцеларка Меркел на заедничката прес-конференција за новинарите со грчкиот премиер Алексис Ципрас кој првпат престојува во Берлин како шеф на влада.
Иако разликите и натаму остануваат, Меркел додаде дека на разговорите меѓу двете страни биле „изразен апетит за соработка“.
Ципрас од своја страна вети спроведување „сеопфатни структурни реформи“, но исто така ја истакна и неопходноста од ублажувањето на еконосмките и социјалните проблеми настанати како резултат на пакетот (меѓународна финансиска) помош“ во замена за строгите мерки за штедење.
Програмата за итна помош на Грција, рече Цирпас, не е некаква „успешна приказна“, укажувајќи на високата стапка на невработеност и драматичното уривање на економијата, наведувајќи го податокот за падот на бруто домашниот производ (БДП) за 25 отсто, каки и сé поголемиот социјален јаз во земјата.
Меркел притоа рече дека новите реформски предлози на владата на радикалната левица во Атина мора да ги проценат министрите за финансии на земјите членки на европската унија, а не само Берлин. Порача, исто така, дека Германија сите свои партнери во Европа ги смета еднакви на себеси, иако нејзината земја е најголемата економијата во Европската унија, и оти сака добри односи со сите, вклучително и со Грција.
„Иако во Германија живеат 80 милиони луѓе и сме најголемата економија во Европската унија, оваа Европа е подигната на принципот дека секоја земја е еднакво важна, без оглед на бројноста на нејзиното население“, рече Меркел.
Ципрас изрази желба да бидат изградени нови односи со Германија и повика на прекинување на употребата на стереотипите за мрзливите Грци, и жртвите на „нацистичките“ Германци. Рече, покрај тоа, дека фотомонтажата на канцеларката Меркел на атински Акропол, опкружена со нацистички офицери, која се појави на насловната страница на германски Der Spiegel, „е изразено нечесна кон самата канцеларка и кон Германија“. Таа насловна страница ја осуди како „неправедна провокација“ и, прекорувајќи го својот министер за правосудство, додаде дека никој во Грција не размислува за заплена или продажба на германските имоти како надомест за воена отштета од Втората светска војна, какви што закани беа изречени минатата седмица.
„Ве молам, да ги оставиме тие сенки на минатото зад нас. Денешната демократска Германија нема ништо заедничко со Третиот рајх кој зема толку данок во крв“, рече Цирпас.
Кога станува збор за грчкиот долг, Ципрас минатата седмица ѝ пиша на Меркел дека за Атина во следните неколку седмици ќе биде невозможно да ги отплаќа ратите од долгот без дополнителна финансиска помош, обвинувајќи ја Европската централна банка (ЕСВ) за наметнување на ограничувањето за издавање на краткорочните обврзници за да ги реши своите проблеми во кусорочното финансирање. Челникот на ЕСВ, Марио Драги, рече дека е подготвен да ги прифати грчките државни обврзници како колатерал за позајмувањата на грчките банки веднаш штом ќе се создадат услови за успешно заклучување на ревизијата на „белут“ програмата“. /крај/мф/сн
Извор: AFP/Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Жена избоде седумнаесет луѓе на железничка станица во Хамбург

Напад со нож се случил вечерва на главната железничка станица во Хамбург, објави „Билд“. Најмалку седумнаесет лица беа повредени, а федералната полиција уапси една жена (39).
Железничкиот сообраќај е целосно запрен на главната станица. Нападот се случил помеѓу пероните 13 и 14. Крвавите дамки на подот сведочат за ужасниот злостор.
🚨#BREAKING: MASS STABBING IN HAMBURG — 3 CRITICALLY INJURED 🇩🇪🔪
At least 12 people stabbed at Hamburg’s central train station. 3 victims are fighting for their lives. Attacker is in custody.#Hamburg #Germany #Stabbing #BreakingNews #PublicSafety pic.twitter.com/IDQ3yjXOQY
— Kedar (@Kedar_speaks88) May 23, 2025
Првично се зборуваше за осум повредени лица, но потоа полицијата прецизираше дека три жртви се на работ на смртта, тројца се тешко повредени, а шест лица имаат полесни повреди. Според последните информации, седумнаесет лица се повредени, од кои четворица се во критична состојба. Според информациите од „Билд“, некои од повредените добиваат итна медицинска помош во возовите.
Позадината на чинот засега е нејасна, како и деталите за нападот. Во меѓувреме, пристигна тим за кризна интервенција на Црвениот крст за да се грижи за семејствата на жртвите.
BREAKING – A woman was arrested at Hamburg Central Station, Germany, in connection with a stabbing incident that injured 12 people, six of whom sustained serious injuries.
An ongoing police operation is underway, with authorities yet to disclose the suspect's identity or… https://t.co/Ea0KJqEmny pic.twitter.com/xQGnUUUpuG
— Vanguard Intel Group 🛡 (@vanguardintel) May 23, 2025
Портпаролот на противпожарната служба на Хамбург изјави за новинската агенција АФП дека 12 лица се повредени, од кои некои се во животна опасност. „Според првичните сознанија, едно лице наводно повредило неколку лица со нож на главната станица. Осомничениот е уапсен од полицијата“, објави полицијата во Хамбург на Икс. Полицијата подоцна додаде дека верува оти жената дејствувала сама.
Европа
Зеленски: Она што Русија го прави веќе една недела е исмејување на целиот свет

Украинскиот претседател Володимир Зеленски изјави дека обидот на Русија да состави таканаречен „меморандум за прекин на огнот“, кој трае веќе една недела, претставува отворено исмејување на целиот свет. Во своето последно јавно обраќање, тој рече дека Украина и нејзините партнери сакаат вистинско примирје, но дека Москва продолжува да го блокира значителниот напредок.
„Потребен е прекин на огнот. Потребни се дипломатски чекори кон вистински мир. Потребна е нова и ефикасна безбедносна архитектура. Ги здружуваме нашите партнери околу ова. И секако е време да се изврши поголем притисок врз Русија, така што резултатот не е само еден исход, туку сè што е потребно“, рече Зеленски.
Тој особено остро го критикуваше фактот што руските власти веќе една недела работат на документ што го нарекуваат „меморандум“ за примирјето. „Кога Русите веќе една недела го составуваат таканаречениот меморандум што сакаат да го претстават како одговор на барањето за прекин на огнот – ова е јасно исмејување на целиот свет. Толку многу време! Секој ден во оваа војна значи губење на животи. Секако, во Русија не чувствуваат потреба да ги поштедат своите луѓе. Но, светот мора“, нагласи тој.
Зеленски уште еднаш ја повика меѓународната заедница да ги заостри санкциите против Русија и им се заблагодари на сите што го поддржуваат тоа. Тој го истакна почетокот на најголемата размена на воени заробеници досега како единствен конкретен развој во неодамнешните контакти со Москва. Сè друго, додаде тој, е систематски блокирано од руската страна.
Да потсетиме, рускиот министер за надворешни работи Сергеј Лавров изјави дека Москва е во „напредна фаза“ на изготвување меморандум за прекин на огнот во Украина. Сепак, не е одреден рок за нова рунда преговори меѓу двете страни. Рускиот претседател Владимир Путин изјави дека Русија е подготвена да работи на документ што би вклучувал прекин на огнот во одреден временски рок, а исто така истакна дека е обновен контактот меѓу преговарачките тимови што се состанаа во Истанбул.
На 19 мај, Зеленски изјави дека Украина ќе чека на руската верзија на документот: „Доколку Русија предложи меморандум, ќе можеме да ја формулираме нашата визија“, рече тој тогаш.
Европа
(Видео) Украинците ја нападнаа клучната фабрика на Путин во Русија

Украински беспилотни летала извршија ноќен напад врз голема руска воена фабрика во градот Јелетс, предизвикувајќи пожар и запирање на работата на објект кој игра важна улога во воено-индустрискиот синџир на снабдување на Русија, објави „Киев пост“. Целта на нападот била фабриката „Енергија“ во регионот Липецк, потврдија локалните власти и украински извори. Објектот произведува батерии и енергетски системи што се користат во речиси сите гранки на руската одбранбена индустрија.
Руското Министерство за одбрана објави дека најмалку 112 украински беспилотни летала биле соборени во текот на третата ноќ по ред од нападите. Москва повторно беше меѓу целите, каде што нападите го нарушија работењето на неколку аеродроми.
Гувернерот на Липецк, Игор Артамонов, изјави дека остатоците од соборените беспилотни летала предизвикале пожар во индустриска зона и дека осум лица се повредени. Еден дрон удрил во покривот на станбена зграда и оштетил 20 станови. Немаше смртни случаи. Артамонов не ја именуваше фабриката, но ги негираше тврдењата дека имало истекување на опасни хемикалии.
Украинскиот центар за борба против дезинформации објави дека фабриката ги прекинала операциите по нападот.
„Фабриката е под санкции од Европската Унија, САД, Јапонија и други земји поради нејзината важност за рускиот воено-индустриски комплекс – но и покрај тоа таа продолжи да работи. Сега, по нападот, фабриката го прекинува производството“, рече Андриј Коваленко, раководител на Центарот.