Европа
Меркел, Путин и Оланд разговараа за самит за Украина
Германската канцеларка Ангела Меркел и претседателите на Русија и на Франција, Владимир Путин односно Франсоа Оланд телефонски разговараа при што укажаа на неопходноста од одржување самите следните денови за ситуацијата во Украина, апострофирајќи ги спецификите на своите позиции, објавија во саботата нивните кабинети во услови на бројни прекршувања на прекинот на огнот во украинскиот исток.
Рускиот претседател Владимир Путин за време на телефонскиот разговор во кој беше дискутирано натамошната работа во рамките на ткн „нормандски формат“ и вклучувањето на министрите за надворешни работи и подготовка на нова средба на највисоко ниво, ја истакна важноста од деблокирање на побунетиот источен украински регион Донбас, соопшти Кремљ.
„Во текот на разговорот беа размени мислења за прашањата коишто се одржуваат есенва во регионите на Украина. Разгледани, исто така, беа и основните аспекти на натамошната работа во рамките на ‘нормандискиот формат’…“, се наведува во соопштението на кабинетот на рускиот претседател.
Ткн „Нормандиски формат ги вклучува челниците на Украина, Русија, Франција и Германија, во кој се разговара за надминување на украинската криза. Претходно седмицава францускиот претседател Франсоа Оланд изјави дека наскоро во Париз би можело да се одржи средна на „нормандиската четворка“, така именуван по првата средба на челниците која се одржа на прославата по повод 70-годишнината од сојузничката инвазија во француска Нормандија во текот на Втората светска војна.
Четворицата челници во четвртокот разговарале и за кризата на рускојазичниот исток на Украина и за остварувањето на мировниот договор постигнат во февруари годинава во белоруската престолнина Минск, како и за средбата на Контактната група за Украина која се одржа во средата и четвртокот, исто така, во Минск.
„Меркел и Оланд информираа за резултатите од неодамнешниот состанок во Берлин со претседателот на Украина. Путин искажа загриженост од истрелите од страна на украинските сили врз населени места во Донбас, зголемувањето на единиците на вооружените сили на Украина по должина на линијата на раздвојувањето“, се истакнува во соопштението на Кремљ.
„Особено беше истакната потребата од директен дијалог меѓу Киев и претставниците на Донецк и Луганск, како и отстранувањето на финансиската и економска блокада врз Донбас“, се потцртува во изјавата на кабинетот на Путин.
Рускиот претседател, исто така, ја потврдил согласноста дека политичкото решение на украинскиот конфликт нема алтернатива и оти мора да се темели на целосното остварување на договорите од Минск, при што е важно Украина да постигне договор со Донецк и Луганск за предвидените уставни реформи, истакнуваат од Кремљ.
И во соопштението на германската влада по повод тристраниот телефонски разговор се истакнува дека главната тема била моменталната ситуација во Украина и спроведувањето на минскиот договор.
„Страните во преговорите ја истакнаа својата подготвеност да продолжат со спроведувањето на договореното во рамките на нормандискиот формат заедно со претседателот на Украина, Петро Порошенко“, истакна портпаролот на германската влада, Штефен Зајберт според чија изјава „Беше изразено единство дека минскиот договор останува основа за подобрување на ситуацијата во Донбас“.
Покрај тоа, Меркел, Оланд и Путин „изразија поддршка за интензивните напори на тристраната контактна група“ чијашто цел е да се достигне целосен прекин на огнот, додава Зајберт. Според него, во текот на разговорот било укажано за се осигури безбедноста на набљудувачите на ОБСЕ, кои во минатото потпаѓаа под оган, а неодамна се пожалија дека биле попречувани во работата на териториите кои се под контрола на рускојазичните бунтовници
Меркел и Оланд истакнале дека доколку локалните избори во Украина не се одржат на целата територија во согласност со нејзиното законодавство, тоа ќе претставува „загрозување на процесот од Минск“. Со договорот од 2-ри февруари во Минск локалните избори во Донбас треба да се одржат до крајот на 2015 година, но исто така се предвидуваат и уставни реформи претходно со кои двата рускојзични регионот треба да добијат ткн „специјален статус“ односно одреден степен на автономија.
Од своја страна Елисејската палата истакнува дека Оланд и Меркел го поддржале барањето на целосен прекин на огнот во зоните на конфликтот на истокот од Украина на 1-ви септември. „Тие одлучно го поддржаа повикот за целосно прекинување на борбите од 1-ви септември поради започнувањето на училишната година“, велат од кабинетот на францускиот претседател.
Притоа се истакнува дека челниците на Франција и на Германија посочиле дека „долгорочното почитување на прекинот на огнот е неопходно“ за ублажување на патењата на цивилното населени во зоните на конфликтот. „Истовремено тоа е обврска од договорот од Минск“, изјавија од Елисејската палата.
Кабинетот на францускиот претседател прецизира дека било разговарано и за почитувањето на договорот за повлекување на тешкото вооружување од линијата на раздвојувањето. „Тие потсетија дела вистинското повлекување на тешкото вооружување и оружјето со калибар од 100 мм треба да биде завршено што е можно поскоро“, се вели уште во соопштението на Париз.
Разговарајќи за ситуацијата во Донбас, тројцата челници, исто така, ја истакнале важната улога на ОБСЕ „на сите нивоа за решавање на кризата и оти на „набљудувачите кои работата на теренот мора да им биде овозможено слободно да ги извршуваат своите задачи“.
Елисејската палата, исто така, истакна дека било разговарано за одржување на нов самит на четворката. „Претседателот на републиката, канцеларката и рускиот претседател укажаа дека новиот самит во ‘нормандиски формат’ може да биде корисен во следните неколку седмици“, истакнуваат од кабинетот на Оланд./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците со дронови нападнаа трафостаница во близина на Москва
Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи
Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.
Европа
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени области и цивилна инфраструктура. Нападите предизвикаа пожари во неколку делови од Киев, соопштија локалните власти.
Нападот се случува помалку од 12 часа по телефонскиот разговор меѓу американскиот претседател Доналд Трамп и рускиот претседател Владимир Путин. Според градските власти, погодени се најмалку 13 локации низ главниот град, при што се повредени најмалку 19 лица, од кои 14 се хоспитализирани.
Kyiv reality.
Missiles fly as civilians try to stay safe in shelters.
Stopping supplies of air defense missiles to Ukraine means a direct threat to civilians, to people like these ones on the video. It means more Russian terror and more tragedies for Ukrainians. https://t.co/9Oe1v6C9ta pic.twitter.com/JCBMBx9Rej
— Anton Gerashchenko (@Gerashchenko_en) July 4, 2025
Пожари низ Киев, жителите добија молба да ги затворат прозорците
Шефот на Воената администрација во Киев, Тимур Ткаченко, рече дека пожари избувнале низ целиот град и ги предупреди жителите да ги затворат прозорците поради „опасни производи од согорување“ во воздухот. „Русија, терористичка држава, остави пустош зад себе“, рече Ткаченко на Телеграм. „Русите не носат ништо друго освен терор и убиства. Тоа е факт.“
Новинарите на „Киев Индепендент“ објавија дека експлозиите во Киев започнале околу 22 часот по локално време и траеле до раните утрински часови на 4 јули. Украинските воздухопловни сили објавија дека Русија испалила балистичка ракета кон Киев околу 00:30 часот, по што следеле уште неколку околу 02:30 часот.
Kyiv at this hour as Russians unleash what must be the largest attack of the war, targeting the city's civilian population with drones and ballistic missiles.
Meanwhile, the US forbids Ukraine from striking Russia's oil infrustructure, the one thing that can stop the war. pic.twitter.com/SLpXWGv9XR
— Kyiv Insider (@KyivInsider) July 4, 2025
Според достапните информации, дронот удрил во станбена зграда во населбата Оболон и предизвикал пожар на покривот. Во населбата Свјатошино, остатоците од дрон предизвикале пожар во магацин и го погодиле дворот на 16-катна зграда, во кој изгореле и возила. Уште еден пожар избувнал во деловен простор откако паднале остатоците од дронот.
Во Дњепровскиот округ, остатоци паднаа во близина на училиште и неколку станбени згради, додека во Соломјанскиот округ избувна пожар во административна зграда, магацини и гаража. Остатоците оштетија неколку деловни простории. Во Шевченковскиот округ, се запали ненаселен стан на првиот кат од осумкатна зграда, а пожар избувна и во деловна зграда во истиот округ. Оштетена е и медицинска установа во Холошиевскиот округ.
A number of Russian drones are heading toward Kyiv, the city's military administration reports.
According to monitoring channels, about 25 drones are moving toward the capital.
📹: mothers with strollers and children in Kyiv run for shelter/Yan Dobronosov https://t.co/gwq6Ku9WXA pic.twitter.com/9YlPhZBVI9
— Anton Gerashchenko (@Gerashchenko_en) July 3, 2025
Руски беспилотни летала го погодија и градот Полтава, оштетувајќи згради и едно возило, а повредувајќи две лица, изјави гувернерот Володимир Кохут.
Нападот се случува само неколку часа по телефонскиот разговор меѓу рускиот претседател Владимир Путин и американскиот претседател Доналд Трамп. За време на разговорот, Путин рече – според руското соопштение – дека Русија „продолжува да ги следи своите цели во Украина“, и покрај повиците на Западот за прекин на огнот.
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека согласно прогнозите од УХМР и врз основа на акцискиот план за превенирање на...
Уапсен полицаец од Гостивар: го украл накитот и парите запленети при претреси, кои требало да ги чува, приведен е и златар
Вчера во 17.50 часот полициски службеници од ОВР Гостивар го лишиле од слобода полицискиот службеник, 51-годишниот Д.С. од Гостивар, поради...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
