Европа
Москва: Прашањата за Јужен тек не се упатени до Русија
уското министерство за надворешни работи во вторникот реагираше на некои „панични реакции на некои западни партнери“ во врска со решението на Русија да се откаже од натамошната градба на гасоводот Јужен тек, но смета дека загриженоста по тој повод треба да биде упатена кон оние кои од европска страна требаа да учествуваат во проектот.
уското министерство за надворешни работи во вторникот реагираше на некои „панични реакции на некои западни партнери“ во врска со решението на Русија да се откаже од натамошната градба на гасоводот Јужен тек, но смета дека загриженоста по тој повод треба да биде упатена кон оние кои од европска страна требаа да учествуваат во проектот.
Одговарајќи на новинарско прашање за реакциите на странските партнери во гасоводот Јужен тек по изјавата од понеделникот навечер на рускиот претседател Владимир Путин за престанок на проектот, портпаролот на руското министерство за внатрешни работи Александр Лукашевич изјави дека „веќе видено некои … одредени панични реакции“, пренесува РИА Новости. Меѓутоа, Лукашевич не прецизира од кои земји дошле реакциите.
„Веројатно е подобро да се побара одговор од потенцијалните учесници во споменатиот проект. Позицијата на претседателот вчера беше јасно дефинирана, и не постојат никакви дилеми и варијанти дека тоа можеби и нема да се случи“, додаде Лукашевич.
„Според мене, претседателот многу јасно кажа дека љубов насила не бидува, ние ќе најдеме друга форма за реализација на плановите во врска со испораките на гас во другите региони. Скорешните ефекти треба да ги пресметаат оние коишто го ’потрошија’ проектот“, истакна портпаролот на руската дипломатија.
Во понеделникот рускиот претседател Владимир Путин за време на разговорите во Турција со својот домаќин Режеп Таји Ердгоан, изјави дека Русија во моменталните условни не може да ја продолжи реализацијата на гасоводот Јужен тек, вклучително и „поради неконструктивната позиција на Европската унија“. Путин истакна дека досега не е добиена дозвола од Бугарија за влез на проектот во ексклузивна економска зона на земјата.
„Имајќи предвид дека сè уште не сме добиле дозвола од Бугарија, сметаме дека во такви услови Русија не може да продолжи со реализација на проектот. Сакам да подвлечам дека треба да започне изградбата на гасоводот во Црното море. Ние не можеме да започнеме со изградба во Црно море додека не добиеме дозвола од Бугарија“, рече Путин.
Европската унија поради своите прописи за управување со проекти и ресурси од сферата на енергетиката ја блокира изградбата на гасоводот низ териториите на членките земји или оние кои се кандидати за полноправни членки, како Србија, бидејќи оваа инфраструктура ја заобиколува Украина и и’ овозможува на Русија да го испорачува гасот до европските потрошувачи без да зависи од соседот со кој крајно ги заостри односите. Меѓутоа, некои од поважните земји членки на ЕУ, како Австрија и Италија, беа упорни во намерите да го поддржат проектот Јужен тек.
Јужен тек претставува глобален инфраструктурен проект на рускиот енергетски гигант „Газпром“ со капацитет од 63 милијарди кубни преку акваториумот на Црното Море во земјите од Јужна и Централна Европа со цел да се прошират правците за транзитот на рускиот природен гас и да се исклучат транзитните ризици, особено во Украина. Кон крајот на 2015 година, според планот, треба да бидат испорачани првите количества гас преку Јужен тек, а работата на гасоводот со целосен капаците е предвидена за во 2018 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Клучен руски радар уништен во Крим; Украина: Ова значително ќе ги отежни нивните напади
Украинските специјални сили извршија прецизен удар врз стационарниот радарски комплекс „Скала-М“ на привремено окупираната територија на Крим, објави украинскиот УНН.
Уништувањето на овој објект значително ќе ја намали способноста на Русите да го контролираат воздушниот простор и да користат авијација против цивилното население, според ССО (Сили за специјални операции на Украина).
Како што објави ССО, ноќта помеѓу 9 и 10 август 2025 година, единиците на Движењето на отпорот на Силите за специјални операции на вооружените сили на Украина спроведоа успешна операција во областа на населбата Абрикосивка на привремено окупираната територија на Крим.
Целта на украинските борци беше стационарниот радарски комплекс ТРЛК-10 „Скала-М“.
Овој советско-руски комплекс комбинира примарни и секундарни системи за откривање на воздушни цели, а негова главна задача е да го следи воздушниот сообраќај на рутите и во зоните на пристап. Со дострел до 350 км, „Скала-М“ е клучен елемент на системот за контрола на воздушниот сообраќај на руските сили, особено за координација на борбената авијација, според Украинците.
Според воените проценки, уништувањето на таков објект значително ќе го комплицира непријателското користење на авијацијата за напад врз цивилната инфраструктура и населбите. „Специјалните оперативни сили: секогаш надвор од дострел!“, нагласи командата на ССО.
фото: принтскрин
Европа
Туск: Путин користи идиоти за да посее раздор меѓу Киев и Варшава
Полскиот премиер Доналд Туск изјави дека рускиот претседател Владимир Путин оркестрира обиди за создавање поделби меѓу Украина и Полска. Туск предупреди дека иако решението за војната во Украина можеби се приближува, Русија прави сè што може за да посее раздор меѓу Киев и Варшава.
Во остра порака, Туск нагласи: „Анти-полските гестови на Украинците и поттикнувањето анти-украински расположенија во Полска се сценарио на Путин, оркестрирано од странски агенти и локални идиоти. Секогаш истото“.
Од почетокот на руската инвазија во 2022 година, Полска е еден од најважните и најверни сојузници на Украина. Сепак, кај некои делови од полското население расте незадоволството поради големиот број бегалци од соседната, воено разорена земја.
Овие тензии кулминираа со неодамнешен инцидент. На 9 август, најмалку 57 украински државјани беа наводно уапсени и депортирани од Варшава откако избувнаа немири на концерт на белоруски рапер.
фото: принтскрин
Европа
Германски министер за завршувањето на војната: Украинските отстапки се можни, но не сега
Германскиот министер за надворешни работи Јохан Вадефул изјави дека Европа не е само набљудувач кога станува збор за иднината на Украина. По средбата со колегите од ЕУ, Вадефул изјави за германскиот јавен радиодифузен сервис ZDF дека Европејците цврсто стојат заедно и дека затоа нивните гласови ќе бидат слушнати и во Вашингтон и во Москва.
Тој најави серија онлајн-состаноци утре, организирани од германскиот канцелар Фридрих Мерц, на кои ќе учествуваат лидерите на Франција, Велика Британија, Италија, Полска, Финска, генералниот секретар на НАТО и високи претставници на ЕУ, како и американскиот претседател, Доналд Трамп, и украинскиот претседател, Володимир Зеленски.
„Важно е Трамп да го чуе европскиот глас и добро е што Германија јасно го пренесува. Европејците имаат голема тежина, едноставно затоа што имаат заеднички став“, рече тој.
Вадефул нагласи дека Европа останува јасна дека преговорите за иднината на Украина може да се одржат само по договорено и почитувано примирје и дека самитот в петок би можел да биде само почеток на дискусиите за условите за почнување мировни преговори.
„Самиот факт дека Украина сега е подготвена да разговара за статус кво е веќе отстапка бидејќи Русија ја окупира украинската територија кршејќи го меѓународното право“, рече тој. Тој нагласи дека одлуките за иднината на Украина може да ги донесе само Киев. „Европејците не може да дозволат некој друг да одлучи за тоа. Ние нема да го сториме тоа ниту, пак, САД можат“.
Тој додаде дека идниот мировен договор може да вклучува отстапки од украинската страна, но дека ова е прашање за кое ќе се одлучува подоцна. Разговорите оваа недела, рече тој, служат за создавање фер услови за овие преговори.
Вадефул заклучи дека иднината на Украина е поврзана со европската безбедност и дека европските лидери нема да стојат настрана додека одлуките се носат зад наш грб. „Европејците ќе продолжат да стојат покрај Украина, како што правевме во текот на целата војна“, рече тој додавајќи дека Германија останува на чело на таа поддршка.
фото: принтскрин
Уапсени двајца мажи од Росоман, му се заканувале на градоначалникот на Кавадарци
Денеска по полноќ, во 02:20 и 02:50 часот во Росоман, полициски службеници од ОВР Кавадарци ги лишиле од слобода М.Д.(33)...
Скопјанец почина на Клинички откога бил донесен во тешка здравствена состојба: телото дадено на обдукција
Вчера во 17:20 часот во СВР Скопје, од Комплекс клиники „Мајка Тереза“ било пријавено дека во тешка здравствена состојба кај...
Претреси во село Гајре во врска со пукањето во Тетово: уапсени четворица, пронајдени предмети
Вчера во периодот од 12:50 до 15:00 часот во село Гајре, тетовско, согласно судска наредба, а во врска со вооружената...
(Видео) Густ чад го обвива Петровац, сцените од плажата се морничави: Црна Гора сè уште се бори со пожарот
Црна Гора сè уште се бори со пожарот, иако ситуацијата во Чањ и во Буљарица се чинеше дека се смирува,...
(Видео) СДСМ: Нов скандал во Националната агенција „Еразмус“, Ана Михајлов, осомничена од ОЛАФ, назначена за в.д. директорка?
„Денеска објавуваме нов скандал на власта. Како пред очите на целата јавност, Владата на ВМРО-ДПМНЕ и Христијан Мицкоски повторно ја...
(Видео) „Како со лекарска плата Венко стигна до луксузно пловење“, прашува Лефков
„Чија е јахтата на која уживаат Филипче и Заев и со чии пари е платена, како со лекарска плата Венко...
Директорката на гимназијата во Демир Хисар на информативен разговор во полиција
Директорката на Гимназијата во Демир Хисар, Маја Лозановска, денеска се јави на информативен разговор во полициската станица во Демир Хисар....
(Видео) Пожари беснеат во Буљарица и Чањ, пожарникарите се борат со силниот ветер и густиот чад
Црна Гора за кусо време беше погодена од катастрофални пожари, од кои најкритични беа во Чањ, Буљарица и недалеку од...
Патот Брезница – Македонски Брод целосно затворен поради пожар
Поради пожар, утрово целосно е затворен за сообраќај патниот правец од Брезница, преку Националниот парк Јасен, до Македонски Брод. Според...
23,7 отсто од младите во земјата ниту учат ниту работат – „Хера“ со порака до кандидатите за градоначалници
Додека светот денес го слави 12 август – Меѓународниот ден на младите, младите луѓе во државата сè уште живеат во...
Обид за убиство во Виница: маж избоден четирипати пред угостителски објект
Вечерта на 7 август, пред угостителски објект во Виница, мирното место се претвори во сцена на насилство кога Н.В. (32)...
(Видео) Рекорден топлотен бран во Европа – во Италија почина четиригодишно дете
Во топлoтниот бран, кој вчера ја зафати Европа, едно дете почина од топлотен удар во Италија, шумските пожари се му...
Штедачите на Еуростандард банка: Пет години нема ниедно обвинение, ниеден обвинет, ниедно рочиште
Пет години по затворањето на „Еуростандард банка“, оштетените штедачи повторно јавно реагираат дека истрагата на Основното јавно обвинителство за гонење...
Трамп: Ќе се обидам да вратам дел од територијата на Украина, за танго се потребни двајца
Претседателот на САД, Доналд Трамп, изјави во Белата куќа дека неговата средба со Владимир Путин ќе биде „разговор за да...
(Видео) „Јадранскиот Титаник“ потонал пред 111 години: денес е атракција за нуркачите во близина на омиленото место на Тито
Некогаш најубавиот брод на австриската компанија Österreichischer Lloyd – елегантен, брз и луксузен – лежи веќе 111 години на дното...
Сончево и многу топло, максималната температура до 40 степени
Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе...
Се’ уште гори кај Јасен, активни пожари на четири локации низ Македонија
Денес до 18 часот се регистрирани вкупно 10 пожари на отворен простор. Од нив, четири се активни и моментално се...
Најмногу туристи ни дојдоа од Турција во јуни
Според податоците од Државниот завод за статистика, во јуни годинава во земјата биле регистрирани вкупно 126.415 туристи, од кои 20,1...
Стоматолошката комора тврди – нема неправилности, Министерството за здравство ја брани одлуката за преземање на лиценцирањето
Претседателот на Стоматолошката комора, Маријан Денковски, на прес-конференција изјави дека повеќекратните контролни надзори не откриле неправилности во работењето на Комората....
Почувствуван земјотрес во Битола и околината
Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...
