Европа
Најмалку 9 кандидати за предизборите кај француската левица за претседателски кандидат

Најмалку девет кандидати ќе се натпреваруваат на предизборите во француската левица за нејзин кандидат за претседателските избори во пролетта 2017 година, чиј победник ќе мора многу да се труди покрај фаворизираните кандидати на конзервативците и крајната десница да влезе во вториот круг.
Засега има девет сериозни кандидатури, од кои осум се мажи а една е жена, соопштија во четвртокот вечерта организаторите на предизборите на левицата кои ќе се одржат на 22-ри и 29-ти јануари.
По официјалното заклучување на постапката на кандидирање во четвртокот, потврдените кандидатури службено ќе бидат објавени во сабота.
Во периодот меѓу 12-ти и 19-ти јануари ќе бидат организирани три телевизиски соочувања, а победниците од нив ќе дебатираат на завршното соочување на 25-ти јануари.
Убеден дека може да ја обедини левицата, 54-годишниот француски премиер Мануел Валс си поднесе оставка од должноста и се вклучи во трката за добивање претседателска кандидатура,
Ќе се соочи,меѓу другите, со својот сопартиец социјалист поранешниот министер за економија Емануел Макрон, кандидатот на Зелените Јаник Жадо, со поранешните министри Арно Монтербург, кој беше противкандидат на предизборите и на актуелниот социјалистички претседател Франсоа Оланд, како и со единствената жена меѓу нив, Силвија Пинел, која е лидерка на Радикалната партијана левицата.
Разединетата и ослабена левица на претседателските избори на крајот од април и почетокот на мај следната година ќе се соочи со обединетиот десен центар кој на предизборите во ноември го избра поранешниот премиер Франсоа Фијон, и со претседателската на партијата од крајната десница Народен фронт, Марин Лепен./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.