Европа
Напаѓачот од Минхен злосторството го планирал една година
Осумнаесетгодишниот Али Давид Сонболи, Германец со иранско потекло кој во петокот во Минхен уби девет луѓе, почнал да го планира нападот пред една година, кога посетил училиште во југозападна Германија каде во 2008 година беа убиени 15 луѓе и не го копирал Манифестот на Брејвик, а во петокот во полицијата го пријавил неговиот татко кој го препознал на снимките емитувани на социјалните мрежи и медиумите.
На прес-конференцијата во неделата шефот на полицијата на обвинителството на федералната земја Баварија, Роберт Хајмбергер, соопшти дека „Таткото на напаѓачот го видел видеото и заминал во полициска станица каде што кажал дека речиси е сигурен дека тоа е неговиот син“.
Рајмберг изјави дека доказите најдени во домот на Сонболи, син на доселеници од Иран, покажуваат дека бил страстен играч на насилни видео игри. Додаде дека родителите уште се во шок и оти не можат да дадат официјална изјава.
Утврдено е исто така дека револверот „Glock 17“ го купил на црниот пазар, односно преку интернет страници достапни само преку посебна програма.
Овој пиштол се доведуваше во поврзаност со норвешкиот десничарски екстремист кој на истиот датум пред пет години уби 77 луѓе, револтиран од доселеничките политики на владата. Притоа, се споменуваше податокот дека и седум од деветте жртви на Сонболи се деца на странски имигранти.
Меѓутоа, Хајмбергер за новинарите рече дека се претпоставува дека Сонболи имал свој „манифест“ кој не бил копија на познатиот манифест на Брејвик објавен пред неговиот смртоносен поход.
„Сакам да истакнам дека имаше извештаи оти на неговиот компјутер е најден ткн Манифест на Брејвик, но тоа не соодветствува со вистината“, рече додавајќи дека истрагата уште треба да ги изучува информациите од компјутерот на минхенскиот убиец и оти не е исклучено тој да оставил некој вид своја порака.
Портпаролот на обвинителството на Баварија, исто така, кажа дека меѓу жртвите нема колеги на Али од училиштето. Претходно медиумите објавија дека тој бил малтретиран од врсниците од турско и арапско потекло во соседството, како и дека пред неколку години бил ограбен и притоа претепан.
Според портпаролот на обвинителството на Минхен, Томас Штајнкраус-Кох, лекарите кај Сонболи дијагностицирале социјални фобии и оти тој минатата 2015 година два месеца минал во психијатриска болница. Претходно во неделата весникот Bild am Sonntag, повикувајќи се на извори од истрагата објави дека кај него бил дијагностициран синдром од недостиг од внимание и хиперактивност.
„Според нашие податоци, во 2015 година тој минал два месеца во болница, а потоа бил на амбулантно испитување. Психичкото растројство, за коешто претходно зборував, се социјални фобии: што значи дека осомничениот се плашел да комуницира со други лица. Тоа се совпаѓа со сликата којашто родителите можеа да ја опишат кога уште беа во можност да одговараат на прашањата на иследниците….“, изјави Штајнкраус-Когх на прес-конференцијата, пренесе телевизијата N-24.
Сонболи отвори оган во петокот попладнето пред трговскиот центар „Олимпија“ при што уби девет луѓе, а потоа во паркот оддалечен еден километар се застрелал. Според последните податоци, повредени се 35 луѓе, при што се сметаат сите кои се здобиле со некакви повреди во паниката која започна низ целиот Минхен по објавувањето за „активна терористичка ситуација“ во градот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Фото) Објавени нови воени мапи: пресврт во битката за клучниот град Донецк
Украинските сили ги вратија позициите што претходно ги држеше Русија во близина на Покровск, додека Москва го продолжува притисокот врз градот во регионот на Доњецк, објави Институтот за проучување на војната.
Русија започна офанзива против градот, кој е клучен патен и железнички центар кој се користи за снабдување на украинските војници на истокот од земјата.
Руското Министерство за одбрана и промосковските воени блогери тврдат дека руските сили постигнале успеси во близина на градот, како што е заземањето на Михаиљке и Чукурина, села лоцирани на југоисток.
Москва ја продолжи својата офанзива источно од Покровск, а еден извор во неделата објави дека руските сили почнале да користат оклопни возила во нападите и дека го погодиле рудникот Короченка на источните рабови на Селидове со проектил воздух-земја Kh-38ML.
3/3 Ukrainian forces recently regained lost positions near Selydove, and Russian forces recently advanced near Toretsk, Donetsk City, and Velyka Novosilka.
Full report: https://t.co/4LIAmKLYb1 pic.twitter.com/j0kpI8V0k3
— Institute for the Study of War (@TheStudyofWar) October 13, 2024
Институтот сега вели дека снимката од земјата го покажува напредокот на Украина југоисточно од Покровск, во близина на селото Селидове. „Киев ги врати загубените позиции кај Селидово, додека руските сили неодамна напредуваа во близина на Торецк, Доњецк и Велика Новоселка“, се вели во извештајот.
Институтот опиша како руските сили ги продолжиле своите напади во пограничната област помеѓу регионите Доњецк и Запорожје, каде што постигнале напредок, иако се чини дека тоа не е дел од поголема офанзива.
Руски и украински извори известија дека во текот на викендот, делови од 336-та поморска пешадиска бригада и 394-от моторизиран пешадиски полк на Русија започнале напади во близина на Левадин, пробивајќи ја украинската одбрана.
Руските воени блогери тврдат дека Москва ја освоила Левадна и напреднала до јужните рабови на Новодаривка, иако Институтот вели дека нема визуелни докази за овие тврдења.
Европа
Прага ги забрани ноќните туристички обиколки во баровите: „Не ги сакаме тие што доаѓаат да се опијанат“
Прага ги забрани турите во барови организирани од туристички компании, во обид да ја спречи бучавата што ја создаваат пијаните туристи, пренесува Политико.
Забраната, која ја усвоија градските советници, значи дека вечерните обиколки во баровите и пабовите каде што туристичките групи ги обиколуваат просториите веќе нема да бидат можни меѓу 22 часот и 6 часот наутро, јавуваат чешките медиуми.
Во предлогот на градот се наведува дека „неразумното консумирање алкохол и однесувањето во пабови може да создаде впечаток на недостаток на култура во заедницата, да го намали чувството на сигурност и да има негативно влијание врз перцепцијата на градот од страна на туристите, потенцијалните инвеститори и граѓаните“.
Заменик-градоначалникот на Прага, Зденек Хриб, им рече на новинарите дека „нема да биде можно да се организираат тури со водич навечер“, додека неговиот колега, исто така заменик-градоначалник Јиржи Поспишил, рече дека градот „бара покултурни и богати туристи, а не оние кои доаѓаат само на кратко да се опијанат“.
Жителите на центарот на Прага долго време се жалат на бучава и несигурност поради масовниот туризам. Улиците се полни со пабови и пивски сали во земјата која бележи најголема потрошувачка на пиво по глава на жител во светот.
Европа
Русија го ракетира Миколаев, едно лице загина
Најмалку едно лице загина, а 16 се повредени во ракетен напад што го изврши руската војска во областа Миколаев во Украина.
Виталиј Ким, шеф на Воената управа на Миколаевската област, изјави дека Русија го нападнала регионот со ракети С-300/400.
Тој изјави дека руската армија во текот на ноќта го нападнала градот Миколаев со ракети С-300. „Оштетени се зградата, ресторанскиот комплекс, комерцијалните објекти, куќите и возилата. Избувнал пожар. Во нападот загинала една жена, а 16 лица се повредени“, изјави Ким.
Вадим Филашкин, шеф на воената управа на регионот Доњецк, ја сподели информацијата дека во вчерашниот руски напад врз регионот се повредени пет цивили.
Командата на украинските воздухопловни сили соопшти дека синоќа Русија ги нападнала украинските позиции со седум противвоздушни ракети „С-300/400“ во Миколаев, две ракети „Х-59“ во областите Чернихив и Суми и 17 „Шахед“ тип беспилотни летала“ низ целата земја.