Европа
НАТО ја осудува Русија поради Украина, и во Донецк склучено примирје
Министрите на надворешни работи на земјите членки на НАТО во вторникот остро го осудија наводното мешање на Русија во судирот во источна Украина и со сомневање ги дочекаа најавите за примирјата коишто претходно во вторникот беа потпишани во областите коишто се под контрола на рускојазичните бунтовници.
По размената на мислењата на текот на видеоконференцијата со украинскиот министер за надворешни работи Павло Климкин, 28-те шефови на дипломатиите на земјите од алијансата ја осудија Русија поради, како што тврдат, постојаната дестабилизација на источна Украина и побараа од Москва да се откаже од црноморскиот полуостров Крим, со доминантно руско население коешто откако со безредијата во Киев на власт во Украина дојдоа прозападните сили во март годинава со референдум си ја поврати укинатата автономија и изгласа присоединување кон Руската Федерација, што Западот го смета за нелегално руско анектирање на украинска територија.
Русија решително одрекува секаков вид учество во конфликтот во источна Украина и бара докази за таквите обвинувања, но министрите од НАТО велат дека се увериле во тоа, и оценуваат дека тоа има тешки последици врз стабилноста и безбедноста на целата евора-атлантска зона.
НАТО повторно ја повика Русија да го искористи своето влијание врз рускојазичните бунтовници коишто самопрогласија ткн Народни републики во Донецк и во Луганск и засега одбиваат да се вратат во рамките на Украина чии прозападни власти не ги признаваат за легитимни за да ги прекинат наводните напади, кои сепак според извештаите на мисијата на Организацијата за безбедност и соработка во Европа (ОБСЕ) говорат дека Киев, исто така, трупа војски во источна Украина и дека неговите сили артилериски ги гранатираат градовите кои се под контрола на бунтовниците.
Инаку претходно во вторникот ОБСЕ објави дека бунтовниците од Луганкс и во Донецк постигнале примирје со претставниците на украинската армија коешто треба да стапи на сила на 5-ти декември, а повлекувањето на тешкото вооружување од линијата на раздвојување на двете војски од 6-ти декември, што во НАТО е дочекано со сомневања,
„Не е јасно дали станува збор само за најава или за неа има основа“, коментираше германскиот министер за надворешни работи Франк-Валтер Штајнмаер на разговорите во Брисел. „Доколку биде потврдено, тоа би била добра вест“, изјави новата шефица на европската дипломатија, Федерика Могерини. „Во сите примирја, најважно е нивното покренување“, предупреди за AFP функционер на НАТО кој барал да остане анонимен.
Рускојазичните бунтовници и украинските воени власти во вторникот доцна попладнето објавија дека постигнале договор за прекин на судирите на територијата на меѓународниот аеродром крај Донецк, кој делумно го контролираат и двете судрени војски.
Владата и бунтовниците претходно во вторникот претпладнето склучија ист договор за примирје во Луганс, што го потврдија и ОБСЕ и челникот на рускојазичните бунтовници Игор Плотницки.
Генералите Володимир Аскаров и Александар Ленцов, кои ги преставуваа украинската односно војската на рускојзаичните одметнати региони, коишто претпладнето го договараа примирјето во Луганск, попладнето повторно се сретнаа зад затворени врати во Донецк, а на состанокот присуствуваа и претставници на ОБСЕ и на самопрогласената Народна република Донецк, пренесуваат агенциите.
Аналитичарите на двете страни сметаат дека е прерано да се извлекуваат заклучоци за тоа дали судирите конечно ќе престанат. Повеќето се скептични по ова прашање. „Немаме преголеми надежи кога станува збор за денешните договори. Мислам дека ќе минат исто како и оние коишто беа потпишани на 5-ти септември во Минск“, коментираше за Reuters Олескиј Мелник од киевскиот Центар Разумков./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците: Соборивме авион за да можеме да разнесеме подморница
Безбедносната служба на Украина (СБУ) објави дека соборила модернизиран поморски извидувачки авион Ил-38Н „Sea Dragon“ во руската воздухопловна база во Јејск, како дел од подготовките за напад врз руска подморница во градот Новоросијск.
„Ова е авион дизајниран за поморско извидување, пребарување на подморници, следење на морски површини, поставување мински полиња и извршување напади со торпеда“, соопшти СБУ.
Според украинското разузнавање, погодениот Ил-38Н активно дејствувал против украински поморски беспилотни летала. Проценетата вредност на авионот е околу 24 милиони долари. СБУ истакнува дека Русија имала само еден авион од оваа класа во Црното Море способен да го открие украинскиот подводен дрон „Sub Sea Baby“ додека се движел кон својата цел.
Онеспособувањето на леталото, тврди УСБ, овозможило успешно спроведување на главната фаза од специјалната операција, експлозијата на руската подморница од класата Варшавјанка.
„За напад врз Ил-38Н, УСБ користела современ дрон со боева глава за површинска детонација опремена со 2.000 фрагменти насочени надолу. Детонацијата се случила директно над главната опрема и радарскиот оддел, а моторот бил оштетен“, објави украинското разузнавање.
УСБ претходно објави дека на 15 декември, за прв пат во историјата, руска подморница била уништена со употреба на подводни дронови „Sub Sea Baby“. Нападот во Јејск, според украинските тврдења, бил клучен предуслов за успехот на операцијата.
Европа
(Видео) Нова експлозија во Москва во близина на местото на кое пред два дена беше убиен генерал
Експлозија што се случи синоќа во јужниот дел од Москва уби три лица, вклучувајќи двајца припадници на руската сообраќајна полиција, соопшти Рускиот истражен комитет.
Според официјалното соопштение, двајца полицајци забележале сомнително лице во близина на службено полициско возило. Кога му се приближиле за да го идентификуваат и да го приведат, била активирана експлозивна направа.
„Двајца полицајци и едно лице кое било во нивна близина починале од повредите на местото на настанот“, се вели во соопштението на Истражниот комитет. Експлозијата се случила во густо населена област на градот. Членови на Истражниот комитет, полицијата, Росгвардија и службите за итна медицинска помош остануваат на местото на настанот.
🇷🇺🇺🇦 Moscow appears hit by another terror attack
An explosion in southern Moscow killed three — two police officers and an unidentified suspect
Officers noticed a suspicious person near their patrol car overnight, but as they moved to detain them, an explosive device detonated… pic.twitter.com/K5Jpeu9OJD
— The Other Side Media (@TheOtherSideRu) December 24, 2025
Руските власти потврдија дека е отворена кривична постапка. Најавено е дека ќе бидат спроведени неколку форензички вештачења, вклучувајќи медицински и експлозивно-технички вештачења, за да се утврдат околностите на инцидентот, видот на експлозивната направа и начинот на нејзино активирање.
Државното обвинителство ја презеде истрагата. Сè уште не е објавено дали третото лице кое загинало било напаѓач или дали постои врска со организирани структури или политички мотиви.
За потсетување, пред два дена, рускиот генерал Фанил Сарваров беше убиен во експлозија на автомобил-бомба во Москва, во близина на местото каде што се случи и синоќешната експлозија, а ова беше трет случај на убиство на генерал во Москва за една година.
Европа
Папата: Русија се чини дека го одбила барањето за примирје за Божиќ
Папата Лав XIV повика на еднодневно божиќно примирје низ целиот свет вчера вечер, без да спомене никаков конкретен конфликт, но изразувајќи жалење што „Русија се чини дека го отфрли барањето за примирје“.
„Ја повторувам оваа молба до сите луѓе со добра волја да одбележат барем еден ден мир на овој празник на Рождеството на Спасителот“, рече Папата додека ја напушташе својата резиденција во Кастел Гандолфо, во близина на Рим, пред да се врати во Ватикан.
„Можеби ќе нè послушаат и ќе има 24 часа мир низ целиот свет. Она што особено ме растажува е фактот дека Русија се чини дека го отфрли барањето за примирје“, истакна тој.
Лав XIV ќе ја прослави својата прва божиќна миса по изборот за Папа пред да го одржи својот традиционален благослов „Urbi et Orbi“ напладне во четврток, во кој папата традиционално ги разгледува конфликтите низ целиот свет.
Апелација ја зголеми затворската казна за двајцата директори поради пожарот во модуларната болница во Тетово
Апелационен суд Гостивар ја преиначи пресудата за случајот со модуларната болница во Тетово и на двајцата обвинети им ја зголеми...
Бугарија понуди мазут за Македонија, од Владата уверуваат дека не е потребна надворешна помош
Бугарија ѝ понудила на Македонија итни залихи на мазут, со цел да помогне во надминување на кризата во снабдувањето со...
Мухамет Хоџа и Беким Сали се новите министри во Владата
Собранието ги избра Мухамет Хоџа за министер за животна средина и просторно планирање и Беким Сали за министер за европски...
Вработените во Народниот правобранител алармираат: Се наоѓаме во безизлезна состојба
Вработените во Народниот правобранител и двајцата преостанати заменици на народниот правобранител велат дека се наоѓаат во безизлезна состојба и дека...
Николоски: Владата ќе донира 100 нови комби-возила за „Пошта“
Работиме за Македонска пошта како државна пошта конечно да ја издигнеме со квалитет и да обезбедува најквалитетни услуги на пазарот....
Мицкоски со порака до граѓаните што заминале во странство: Каде и да одите, колку и да сте успешни, таму секогаш ќе бидете дојденци
Вашето враќање е порака дека Македонија не е заборавена, корените не се пресечени и дека љубовта кон домот не исчезнува,...
Наќе Чулев: Незаконски бев отпуштен од работа, со години трпев јавно понижување
Поранешениот директор на Агенцијата за разузнавање и министер за внатрешни работи, Наќе Чулев, објави дека судот донел пресуда во негова...
(Видео) „100 милиони евра загуба – кој профитира од увозот на струја“, прашува Димитријевиќ
„Наместо да ги покачи платите и пензиите, власта ја покачи сметките за струја, удри по стандардот на народот. Државата нема...
Вонредни екипи ќе ги читаат броилата за време на празниците и викендите
Зголемен е процентот на отчитување на броилата на 95% на тримесечно ниво (на 90% на месечно ниво), таргетирани се 10.000...
Нов дефокус, сега Бугарите се криви за покачувањето на струјата, велат од СДСМ
„Ги слушаме претставниците на ВМРО Ванчовистичка во јавните настапи како зборуваат за внесување на Бугари во Устав. Дали сега за...
Андреј Жерновски, симбол на неуспех и директен учесник во скандали и предавство на националните интереси, не е и не може да биде нов лик на СДС, велат од ВМРО-ДПМНЕ
СДС може колку сака да го претставува новоформираното партиски раководство, како кадровска реформа и „нова“ сила, тоа не поминува. Реформа...
„Една од институциите во која видни партиски лица од СДС и ДУИ си ги сместувале своите најблиски е ‘ЕСМ снабдување со топлина’, велат од ВМРО-ДПМНЕ
„За СДС и ДУИ ништо не било свето. Институциите ги гледале единствено низ призмата сместување во топлите и удобни фотелји...
Додека граѓаните плаќаат најскапа струја, власта се правда дека покачувањето е минимално, велат од партијата Левица
„Наместо покачување на платите и животниот стандард, граѓаните од јануари ќе плаќаат повисоки сметки за струја, благодарение на немањето визија...
„Две моќни одлуки со кои се нанесува директен удар врз хаосот и долгогодишната небрежност во јавното здравство“, велат од „Влен“
„Вчера, на седницата на Владата, беа донесени две моќни одлуки со кои се нанесува директен удар врз хаосот и долгогодишната...
(Видео) Украинците: Соборивме авион за да можеме да разнесеме подморница
Безбедносната служба на Украина (СБУ) објави дека соборила модернизиран поморски извидувачки авион Ил-38Н „Sea Dragon“ во руската воздухопловна база во...
(Видео) Нова експлозија во Москва во близина на местото на кое пред два дена беше убиен генерал
Експлозија што се случи синоќа во јужниот дел од Москва уби три лица, вклучувајќи двајца припадници на руската сообраќајна полиција,...
Папата: Русија се чини дека го одбила барањето за примирје за Божиќ
Папата Лав XIV повика на еднодневно божиќно примирје низ целиот свет вчера вечер, без да спомене никаков конкретен конфликт, но...
(Видео) 12 дрона соборени длабоко во Русија, остатоци од еден предизвикаа пожар во објект
Над Тулската област, која се граничи со Московската област на север од земјата, руската воздушна одбрана уништи 12 украински дронови,...
(Видео) Експлозија во дом за стари лица кај Филаделфија: најмалку двајца мртви, се стравува дека има повеќе
Две експлозии и пожар, очигледно предизвикан од истекување на гас, го зафатија домот за стари лица во близина на Филаделфија,...
Влада: Донесена е одлуката за прогласување на кризна состојба во траење од 7 дена поради неможноста за набавка на мазут
Владата на денешната редовна владина седница, на предлог на Управувачкиот комитет за координација и управување со системот за управување со...
