Европа
Нема преживеани при падот на Ербас А 320 во Франција

Првиот хеликоптер пристигнал на местото на падот на авионот „Ербас А320“ на германската компанија „Germanwings“, и се потврди дека нема преживеани патници или членови на екипажот, соопшти премиерот на Франција, Мануел Валс.
Од 150 патници и членови на екипажот, најголем број се Германци, потоа Шпанци, Турци и други.
Меѓу патниците биле и 16 ученици и двајца наставници од средно училиште од Германија, кои се враќале од програма за размена на ученици со Барселона.
Некои родители сé уште пристигнувале на аеродромот во Дизелдорф да ги пречекаат своите деца незнаејќи за несреќата.
Томас Вилкенман, од „Germanwings“, рече дека во авионот имало 67 Германци и го изрази нивното длабоко сочувство до роднините на жртвите.
Според него, леталото кое е старо 24 години, пред неколку дена било на технички преглед и немало никакви дефекти.
Германската канцеларка Ангела Меркел рече дека во среда ќе замине за Франција, и истовремено изрази сочувство до семејствата на настраданите.
Надлежните повикуваат да не се шпекулира за причината за несреќата, по информациите дека е можно авионот да паднал поради терористички акт, што е исклучено како можност.
Авионот десет минути пред падот почнал нагло да ја намалува висината, а според Контролата за цивилно летање, пилотите не упатиле повик за итност или помош, иако претходно беше објавено дека последните зборови им биле: „итно, итно!“.
Во авионската несреќа што се случи во вторник во 11 часот во француските Алпи, загинаа 144 патници и шест членови на екипажот./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украина разнесе руски брод што превезувал иранско оружје

Украинските специјални сили извршија напад врз руското пристаниште Оља во регионот Астрахан погодувајќи брод што превезувал делови од беспилотните летала „Шахед“ и иранска муниција. Се сомнева дека украинските беспилотни летала истовремено нападнале рафинерија за нафта во регионот Самара, објавува „Киев пост“.
Според соопштението од Генералштабот, нападот е извршен во четвртокот во соработка со Силите за специјални операции и други единици на одбранбените сили со цел да се намали способноста на Русија да спроведува воздушни напади.
Пристаништето Оља е еден од клучните логистички центри за увоз на воена опрема од Иран. Бродот „Порт Оља 4“, кој наводно превезувал делови за беспилотни летала и муниција, бил погоден. Процената на штетите е сè уште во тек.
Рано утрово беспилотни летала од Краснодар нападнаа рафинерија во градот Сизран во регионот Самара. Мештаните пријавија до 10 експлозии од 4 часот наутро, а снимки и фотографии од пожар во објектот се појавија на „Телеграм“. Руските власти сè уште не ја потврдија штетата.
Украина официјално не коментира до моментот на објавување.
Руското Министерство за одбрана тврди дека неговата воздушна одбрана соборила 53 украински беспилотни летала преку ноќ.
фото: принтскрин
Европа
Кремљ: Договорен распоредот за разговорите Путин – Трамп, ќе има и прес-конференција

Договорен е распоредот за разговорите меѓу американскиот претседател Доналд Трамп и рускиот претседател Владимир Путин, изјави советникот на Кремљ, Јуриј Ушаков.
Тој рече дека тоа ќе биде приватна средба, со преведувачи, за време на која ќе се дискутираат чувствителни прашања.
Централна тема на состанокот ќе биде решавањето на кризата во Украина, но двајцата лидери ќе разговараат и за трговската и за економската соработка, рече Ушаков.
Средбата ќе почне во 11.30 часот по локално време, а времетраењето на разговорите ќе зависи од тоа како ќе се одвива дискусијата, рече Ушаков.
На крајот од самитот двајцата ќе одржат заедничка прес-конференција. Трамп и Путин ќе имаат и поширок состанок со делегациите и работен појадок, објави „Скај њуз“.
Европа
(Видео) Зеленски пристигна на средбата со британскиот премиер

Украинскиот претседател Володимир Зеленски пристигна на Даунинг стрит, каде што беше пречекан од британскиот премиер Кир Стармер, објави „Скај њуз“.
Даунинг стрит не даде многу детали за темите на нивните разговори, но средбата се случува само еден ден пред американскиот претседател Доналд Трамп да се сретне со рускиот претседател Владимир Путин на Алјаска за да разговараат за прекин на огнот во Украина.
BREAKING: Volodymyr Zelenskyy arrives at Downing Street and is greeted by Sir Keir Starmer.
The meeting comes just a day before Donald Trump meets Vladimir Putin in Alaska to discuss a ceasefire in Ukraine.https://t.co/rrfAtUSjPC
📺 Sky 501 and YouTube pic.twitter.com/tk9jzCellw
— Sky News (@SkyNews) August 14, 2025
Двајцата мажи се прегрнаа и се ракуваа игнорирајќи ги прашањата од новинарите пред да влезат внатре, објави „Скај њуз“.
фото: принтскрин