Европа
Оланд: Европа да биде подготвена да му се спротивстави на Трамп

Францускиот претседател Франсоа Оланд во четвртокот изјавила дека на Европа и треба силна и јасна безбедносна и економска стратегија кога Доналд Трамп ќе ја превземе функцијата претседател на САД, поради загриженоста дека неговата победа уште повеќе ќе ги засили популистите кои сакаат распад на ЕУ, пренесуваат светските агенции.
Според Оланд, изборната победа на Трамп ги обврзува „Европејците да бидат јасни и способни за да се соочат со предизвиците кои им претстојат“. Оланд, кој го поддржа демократскиот кандидат Хилари Клинтон, изјавил дека европските земји треба да бидат подготвени да им се спротивстават на републиканците, доколку тоа биде потребно.
„Европа сака да биде со САД, но исто така мора да биде во позиција самостојно да одлучува“, навел Оланд по состанокот со данскиот премиер Ларс Локе Расмусен во Париз.
Водечки кандидат на претстојните претседателски избори во Франција, Марин Ле Пен, која се залага за прекинување на односите со ЕУ, ја поздравила победата на Трамп, наведувајќи дека со тоа е „сочуван стариот поредок“, јавува АР.
Данскиот премиер Расмусен, пак, по состанокот со Оланд порачал дека ЕУ треба да биде поодлучна по одлуката на Британија за излез од Унијата, како и да изгради појасна безбедносна политика и политика кон мигрантите./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците објавија снимка: „Со беспилотно летало уништивме моќен руски дрон во лет“

Украинските сили соборија руски повеќенаменски дрон Zala Kub со помош на беспилотно летало FPV, а снимката од акцијата беше споделена на социјалните мрежи од украинскиот волонтер Серхи Стерненко, пренесува „Милитарњи“.
„Таквото летало можеше да предизвика голема штета, па затоа е одлично што беше уништен во воздух“, рече Стерненко.
Zala Kub е дизајниран за прецизни удари на копнени цели – кога ќе ги открие, вертикално навлегува и исфрла експлозивен товар на горниот дел од возилото, каде што тенковите и оклопните возила се најранливи поради нивниот потенок оклопен слој.
Ова беспилотно летало е развиено од рускиот концерн „Калашников“, а првпат беше прикажано во 2019 година на меѓународната воена изложба IDEX во Обединетите Арапски Емирати.
Украина долго време користи беспилотни летала FPV како пресретнувачи за уништување руски летала. Ваквите дронови, во зависност од опремата, како дневни и термални камери, чинат меѓу 1.600 и 2.500 долари. Тие може да летаат со брзина до 160 километри на час, да имаат дострел до 35 километри и да останат во воздухот до еден час.
Европа
Судот ќе ја изрече пресудата за Депардје во мај

Кривичниот суд во Париз во четвртокот објави дека на 13 мај ќе ја изрече пресудата за актерот Жерар Депардје за сексуално вознемирување две жени за време на снимањето филм во 2021 година.
Француското Обвинителство во четвртокот побара 18-месечна условна казна и глоба од 20.000 евра за Депардје, објави весникот „Ле Паризиен“ и другите медиуми.
Седумдесет и шестгодишниот Депардје, истакната личност во француската кинематографија, е обвинет за сексуално вознемирување две жени за време на снимањето филм од 2021 година. Ова е првпат актерот, кој се соочува со многубројни обвинувања за сексуално вознемирување во текот на годините, да биде изведен пред суд.
Депардје призна дека ја фатил една од жените за бутот, но негира дека тоа е напад. Неговиот адвокат рече дека наводите против клиентот се лажни и дека истражителите биле пристрасни.
Европа
(Видео) Нереални снимки од протестот: Пикачу ги поддржа граѓаните во Турција

Надреално видео од Покемон кој наводно бега од полицијата за време на протестите во Турција стана вирална. Имено, некој облечен како Пикачу е снимен како бега од полицијата која брка демонстранти. Снимката наводно е направена во Анталија.
Виралното видео, кое нашироко се споделува на социјалните мрежи, се чини дека потекнува од турскиот фоторепортер Исмаил Коцероглу.
Исмаил во четвртокот објави видео на својот Инстаграм профил, на кое се гледа како костимиран демонстрант бега со толпа граѓани.
Дали е автентична снимката на која Пикачу бега од полицијата не е потврдено.
Сепак, Исмаил продолжи да поставува видеа од овој маскиран демонстрант. Синоќа, тој повторно објави видео од Пикачу како шета низ улиците на Анталија, наведувајќи дека Пикачу „се приклучил на осмиот ден од демонстрациите“.