Францускиот претседател Франсоа Оланд се обидува да го сочува единството на земјата на којашто ѝ се закануваат верски тензии, откако двајца џихадисти во вторникот убија свештеник во црква недалеку од Руан, собирајќи ги во средата претставниците на различните верски заедници, во моментот кога јакнат повиците да се зајакнат безбедносните мерки.

Еден напаѓач е идентификуван како Адел Кермише, од претходно познат на властите поради обидот да ѝ се приклучи на Исламската држава во Сирија. Тој, откако од Турција бил екстрадиран во 2015 година по неколку месеци минати од март годинава биле под електронски надзор во домашен притвор кој можел да го напушта од 8,30 до 12.,30 часот. Полицијата во средата уште го немаше идентификувано вториот напаѓач.

Францускиот претседател Франсоа Оланд во Елисејскиот дворец се сретна со претставниците на различните религии кои од него побараа да ги зголеми безбедносните мерки на местата каде што се вршат богослужби и го истакнаа своето единство.

Ректорот на Големата џамија во Париз, Дали Бубакер, изјави дека муслиманите се „запрепастени“ од овој напад кој го нарече „богохулно светогрдие“,

Надбискупот на Париз, Андре Арман Вињ-Троа порача дека француските верници „не смеат да дозволат да бидат вовлечени во политичката игра“ на Исламската држава која „сака да крене едни против други децата од исто семејство“

„Од нападот на свештеникот се гледа што е целта: втурнување на Французите едно против други, напад на религија за да се предизвика верска војна“, изјави во вторникот премиерот Мануел Валс.

Оланд во средата одржа и состанок на Советот за безбедност и одбрана на кој се разгледани можните нови мерки за заштитата на местата на кои се вршат верски обреди

Во Франција живеат речиси пет милиони муслимани и половина милион евреи.

„Вистински ризик претставува радикализирање на дел од католичката јавност, којашто веќе се еден дел не е незанемарлив глас за Националниот фронт (крајно десната партија –з.р). А тоа е она што го посакува Исламската држава: поделба и судир меѓу муслиманите и католиците“, смета Одон Ваје, француски историчар на религиите.

Поранешниот француски претседател и лидер на конзервативната десница Републиканци, Николас Саркози, ги повика властите на порешителен одговор и спроведување на сите предлози на десницата за тоа дополнително да бидат заострени антитерористичките закони, Оланд тој предлог го отфрли, оценувајќи дека сегашните закони се доволни и истакна дека треба да се зачуваат слободите.

Министерот за внатрешни работи Бернар Казнев го отфрли предлогот да бидат притворени сите лица за кои полицијата има сознанија дека се радикализирале, предупредувајќи дека тоа би било неуставно и неефикасно.

Франција во последните 18 месеци доживеа три големи терористички исламистички напада: 17 луѓе беа убиени во јануари 2015 година, а 130 беа убиени на 13-ти ноември лани во двата напада во Париз, а 84 луѓе беа убиени во Ница на 14-ти јули годинава./крај/мф/сн

Извор: AFP