Европа
Оланд: Сегашните преговори се последната шанса да се избегне војна
Францускиот претседател Франсоа Оланд изјави во саботата дека преговорите што ги иницираа Франција и Германија со Русија за да се постигне мировен договор за Украина „се една од последните шанси да се избегне војна“.
„Мислам дека ова е една од последните шанси… Доколку не успееме да пронајдеме траен мир совршени го знаеме сценариото, тоа има име, се вика војна“, изјави претседателот Франсоа Оланд по враќањето во Франција по петчасовните разговори коишто заедно со германската канцеларка Ангела Меркел доцна ноќта кон саботата ги имаа во Москва со рускиот претседател Владимир Путин.
Меркел непосредно по разговорите изјави дека е неизвесно дали ќе има успех француско-германската иницијатива за мировен договор во источна Украина за којашто во петокот беше разговарано во Кремљ.
„По вчерашните разговори во Москва кј ги имавме францускиот претседател и јас, неизвесно е дали тие ќе успеат. Меѓутоа, и јас и францускиот претседател веруваме дека тоа заслужува труд. Тоа им го должиме на луѓето во Украина, во најмала рака“, изјави Меркел во саботата на Минхенската конференција за безбедност, на која учествува и украинскиот претседател Петро Порошенко и рускиот министер за надворешни работи Сергеј Лавров.
Меркел, исто така во саботата, рече дека испраќањето на смртоносно оружје, што го разгледуваат САД, за да ѝ се помогне на владата во Киев во борбата против рускојазичните бунтовници, не би помогнало во решавањето на кризата.
„Ја разбирам расправата, но верувам дека повеќе оружје не би довело во напредокот кој ѝ е потребен на Украина. Искрено се сомневам во тоа. Ако е вистина дека судирот не може да се реши воено, тогаш мислам дека би требало да ги фокусираме нашите напори на други работи“, рече Меркел на минхенската безбедносна конференција.
И германската министерка за одбрана Урсула фон дер Лејен предупреди во петокот дека вооружувањето на украинската армија против проруските бунтовници би можеле да ги засилат судирите, а изгледите за успех се слаби против бунтовниците коишто според неа имаат од Русија „потенцијални неограничен прилив на оружје“./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.