Европа
ОН: Во конфликтот во Украина 3.660 мртви, без извештај за масовните гробници
Во судирите меѓу силите на прозападните власти во Киев и проруските бунтовници во југоисточните региони на Украина, од средината на април до 6-ти октомври убиени се 3.660 луѓе а 8.756 се ранети, се наведува во изјави во средата Високиот комесар на Обединетите нации за човекови права.
Во претходниот извештај од 30-ти септември, бројот на мртвите изнесуваше 3.627, во што беа вклучени и 298-те жртви од падот на малезискиот патнички авион во јули крај побунетиот град Донецк, додека бројот на ранетите изнесуваше 8.446. Овој извештај го опфаќа периодот од 18-ти август до 16-ти септември.
„Од средината на април до 6-ти октомври загинале 3.660 луѓе, а 8.756 се ранети. Од објавувањето на прекинот на огнот од 6-ти септември до 6-ти октомври забележани се 331 сметен случај“, се наведува во извештајот објавен на интернет страницата на спомената агенција на светската организација за човекови права чие седиште е во Женева. Во извештајот се додава дека некои од жртвите можеби биле убиени пред настапувањето на примирјето на 5-ти септември, но дека податоците за нив биле пријавени по тој датум.
Агенцијата Итар-Тасс веднаш забележа дека во извештајот на ОН направен на 37 страници воопшто не споменува темата за откриените масовни гробници на цивили откриени во близината на Донецк, главниот центар на побунетото рускојазично население, на места кои претходно ги контролираа силите лојални на владата во Киев.
За постоењето масовни гробници во источна Украина првпат се дозна на 23-ти септември, и формално тоа не е предмет на мониторинг на мисијата на Канцеларијата на високиот комесар на ОН за човекови права за Украина. Меѓутоа, од ОН претходно соопштија дека во шестиот извештај ќе ја опфатат и оваа тема.
Инаку извештаите од 3-ти октомври, првично најавен за објавување на 30-ти септември, не беше објавен, како и на 7-ми октомври – вторникот, но неговото објавување е најавено за среда. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.