Европа
Осомничениот напаѓач од Париз, Шериф Каши, бил следен за тероризам
Французинот, 32-годишниот Шериф Каши, помладиот од двајцата браќа осомничени за масакрот од средата во редакцијата на сатиричниот неделник Charlie Hebdo во центарот на главниот град Париз во кој беа убиени 12 луѓе, од претходно им бил познат на безбедносните служби за сузбивање на тероризмот како џихадист и веќе бил осудуван поради учество во мрежа за испраќање борци во Ирак, а неговиот брат, 34-годишниот Саид, по кого исто така е распишана потерница, нема полициско досие.
Браќата Шериф и Саид Каши, заедно со уште двајца браќа и сестрата, шест години, од 1994 до 2000 година, биле сместени во воспитна установа во Коресе, во Треињак, пишува агенцијата AFP за која е потврдена информацијата којашто претходно во четвртокот ја објави локалниот весник La Montagne.
„Децата во 1994 годна ни ги доверија социјалните служби во Париз, бидејќи живееле во проблематично семејство“, изјави за La Montagne, Патрик Фурние, раководител на воспитувачите во споменатата воспитаната установа. Тој ги опишал како „целосно интегрирани“ и како личности кои „никогаш немале проблеми со однесувањето“, во текот на нивното шестгодишно престојување во домот. „Саид кај нас заврши хотелиерско училиште, а Шериф заврши електротехничко училиште“, додал Фурние.
Шериф Каши, роден 1982 година во Париз и француски државјанин, бил познат под прекарот Абу Исен и бил припадник на ткн мрежа Буте-Шомон, наречена по еден париски кварт. Под водство на „емирот“ Фарид Бенјету, таа мрежа била создадена со задача да испраќа џихадисти во Ирак.
Токму пред да замине во Ирак преку Сирија, Шериф бил уапсен во 2008 година и осуден на три години затвор, од кои 18 месеци условно. Во затворот Флери-Мероги, каде од ноември 2005-та до октомври 2006 година бил во притвор, се запознал со Џамал Бегал, претставник на францускиот радикален ислам, осуден на десетгодишна затворска казна, поради подготовка на атентати. Помладиот Каши од тогаш, како што дознава AFP од добро информирани кругови, бил бод влијание на Бегал и се истакнувал со „многу строго придржување на исламските прописи“.
Францускиот социолог Жан-Пјер Филиу, добар познавач на радикалното исламистичко движење, смета дека Шериф Каши е поврзан со џихадистичката сунитска организација Исламска држава.
Шериф, кој на фотографиите што ги објави полицијата има избричена глава и ретка брадичка, бил одушевен од рап музиката пред да му се приклони на радикалниот ислам, според една емисија којашто уште во 2005 година ја емитувала телевизијата France 3.
Интересно е што американските и британските разузнавачки служби како најверојатен извршителот на обезглавувањето на американскиот новинар Џејмс Фоли во Сирија во август 2014 година го осомничија 23-годишното момче по име Абдул-Маџид Абдел Бари. Тој порано работел како музичар, рап изведувач, чија музика често била емитувана на британското Radio 1. Бари го напуштил својот дом во западен Лондон во вредност од милион фунти, изјавувајќи дека „остава сѐ поради Алах“.
Изведувач на рап музика и во 2012 година беше доведен во поврзаност со радикалните исламистички движења, кога германските безбедносни служби предупредија дека земјата може да биде цел на терористички напад, откако на интернет се појави видеото што го објави поранешниот германски рапер Денис Мамаду Касперт сега со име Абу Малик роден во Берлин, и кое содржело знаци дека се планираат напади во Германија.
Другиот брат, Саид Каши, роден 1980 година, исто така во 10-от арондисман на Париз, до нападот врз редакцијата на Charlie Hebdo не го привлекувал вниманието на француската полиција. Неговата лична карта е пронајдена во автомобилот кој осомничените го оставиле во средата во Париз.
На првата потерница објавена во средата беше и името на третиот осомничен, 18-годишниот Мурад Хамид, шура на еден од браќата Каши. Тој е осомничен дека им помагал на напаѓачите. Еден очевидец изјавил во истрагата дека во автомобилот во момент на бегството имало и трето лице.
Мурад Хамид во средата навечер и’ се предаде на полицијата во Шарлевил-Мезоер, „откако видел дека неговото име кружи на социјалните мрежи“, изјавил соговорникот на AFP. Корисници на интернет кои се претставиле како негови училишни другари, малку пред тоа напишаа на Twitter дека за време на нападот тој бил заедно со нив на училиште.
Откако претходно се пожалија дека медиумските извештаи и постовите на социјалните мрежи ја попречуваат потрагата по осомничените, француските безбедносни служби значително ги редуцира во четвртокот информациите за текот на операцијата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Фото) Телото на директор на Путин пронајдено обезглавено под мост: нова мистериозна смрт на руски бизнисмен
Алексеј Синицин, извршниот директор на производителот на калиумова сол „К-Поташ сервис“, беше пронајден мртов во близина на Калининград. Тој е 19-тиот руски бизнисмен што почина под мистериозни околности од почетокот на руската инвазија на Украина, објави „Москва тајмс“.
Најмалку 19 високи раководители и бизнисмени, многумина поврзани со руските нафтени и гасни гиганти, вклучувајќи ги „Лукоил“, „Газпром“ и „Транснефт“, починаа под сомнителни околности во Русија и во странство од 2022 година.
Tragic mystery in Kaliningrad: CEO of “K-Potash Service,” Alexey Sinitsyn, found decapitated under a bridge with a towing cable nearby. Authorities are investigating. What really happened? #Mystery #Kaliningrad #CrimeNews pic.twitter.com/M5I348U2Ou
— ceanmedia (@ceanmedia) September 8, 2025
Телото на Синицин било пронајдено обезглавено под мост, со сајла за влечење прицврстена на неговото тело, објави рускиот државен медиум „РИА новости“ повикувајќи се на полициски извор. Сепак, „Киев Индепендент“ не можеше да ги потврди наводите.
The CEO of one of Russia’s largest potash producers, Alexey Sinitsyn, was found dead near Kaliningrad Monday https://t.co/ivvsDqC7F3
— The New York Sun (@NewYorkSun) September 9, 2025
Мистериозни смртни случаи на руски бизнисмени
Минатиот месец починаа Дмитриј Осипов, претседател на одборот на директори на „Уралкали“, еден од најголемите руски производители на калиумови соли, и Михаил Кенин, основач и мнозински сопственик на водечката градежна компанија „Самолет“. Причините за смртта не беа објавени.
Од почетокот на целосната инвазија на Русија врз Украина регистрирани се низа смртни случаи под нејасни или необични околности не само во деловните кругови туку и меѓу полицијата и владините претставници.
фото: принтскрин
Европа
(Видео) Француската полиција извлече пијан патник од авион: „Тој почна општа тепачка“
Во четвртокот имаше вистински хаос на летот на „Рајанер“ од Борнмут, Англија, до Жирона, Шпанија. Летот мораше да биде пренасочен кон Тулуз откога пијан патник се обиде да ја отвори вратата на авионот предизвикувајќи општа тепачка.
Според сведоците, инцидентот почнал кога пијан маж почнал да вика „сакам да си одам“ и се упатил кон излезот за итни случаи. Другите патници веднаш реагирале и се обиделе физички да го совладаат, но тој одговорил со плукање и удирање. Целата ситуација ескалирала во општа тепачка.
„Целиот инцидент бил многу трауматичен. Човекот отишол во тоалет, потоа се обидел да отвори една од вратите за итни случаи. Потоа се обидел и со другите. Потоа почнала голема тепачка со мажите што се обидувале да го оддалечат од вратата“, рекол еден патник.
@thesun Shocking moment drunk man is dragged off plane after trying to open door mid-air and brawling with other passengers. #news #plane #brawl ♬ original sound – The Sun
Некои од патниците рекле дека доживеале напади на паника.
„Почнаа да се тепаат на средина од авионот. Траеше 30-ина минути. Беше ужасно, имаше крв насекаде. Луѓето врескаа и плачеа“, додал друг сведок. Насилниот патник на крајот бил совладан и соборен на подот, а глуждовите му биле врзани со дел од безбедносниот појас.
„Сакаше да оди во тоалет додека полетувавме. Кога го замолија да седне, извика ‘морам да одам, другар’, но потоа седна. На средина од летот почна да се затетерува и се обиде да ја отвори вратата од авионот. Беше целосно пијан и сакаше да излезе“, опиша трет сведок.
Sécurité aérienne : un vol Ryanair, qui effectuait la liaison entre l’Angleterre et l’Espagne, a été dérouté en urgence vers l’aéroport de Toulouse à cause d’un passager britannique, ivre, qui a tenté d’ouvrir une porte de secours en plein vol, provoquant la panique parmi les… pic.twitter.com/eoxbBmpbtu
— Infos Françaises (@InfosFrancaises) September 6, 2025
„Двајца мажи се обидоа да го смират и да го совладаат, а тој почна да ги удира и да плука по сите. Еден крупен човек го предупреди дека ќе го собори ако продолжи и го турна на земјата“. По слетувањето во Тулуз, човекот беше пречекан на пистата од 13 француски полицајци и беше симнат од авионот. Летот потоа продолжи за Жирона, а авионот слета со речиси два часа задоцнување.
фото: принтскрин
Европа
Левицата победи во Норвешка: историски резултат за десничарските популисти
Левицата, предводена од премиерот Јонас Гар Сторе од Лабуристичката партија, ќе остане на власт во Норвешка откако победи на парламентарните избори обележани со подемот на популистичката десница, која го постигна својот најдобар резултат во својата историја.
По изборите фокусирани на локални прашања, но под влијание и на геополитичките турбуленции, со речиси сите преброени гласови, се очекува левичарскиот блок да освои тесно мнозинство од 87 од 169 места во Парламентот.
„Знаевме дека ќе биде тесно и беше. Знаевме дека мора да дадеме се од себе и дадовме се од себе. И го направивме тоа“, им рече Сторе на поддржувачите.
На власт од 2021 година, 65-годишниот премиер освои нов четиригодишен мандат, најверојатно на чело на малцинска влада.
Со речиси 28 проценти од гласовите, неговата Лабуристичка партија ќе мора да ги здружи силите со сите други левичарски партии со кои има бројни несогласувања.
фото: принтскрин
„Ќе ве дигнам на клоци“, „Ќе ве фрлам од 6. кат“: виш јавен обвинител од Скопје психички малтретирал пет колешки, едната од нив добила анксиозно растројство
Виш јавен обвинител на Вишото јавно обвинителство Скопје им се заканувал и вршел континуирано психичко насилство врз пет вработени жени,...
МВР со детали за опожарениот автомобил на Галетановски: зафатени биле уште две возила
Денеска, во СВР Скопје е пријавено дека на улицата Иван Козаров во Скопје опожарено било патничко возило „бмв“, со скопски...
СДСМ ги осудува криминалниот чин и палењето на возилото на Галетановски: МВР веднаш да го расчисти случајот
СДСМ најостро го осудува криминалниот чин и палењето на возилото на претседателот на Градската организација, Ѓорѓи Галетановски. „Со доаѓањето на...
Го запалил глисерот на својот брат, пожарот се проширил на зграда и на возило: уапсен охриѓанец
Ноќеска во 03:00 часот, полициски службеници од СВР Охрид, од слобода го лишија 52-годишниот З.С. од Охрид. Тој се сомничи...
„Дали Обвинителството штити од кривична одговорност функционери на СДС и ДУИ и во фиока го чува предметот ‘Рекет 2’“, прашува ВМРО-ДПМНЕ
„Во јавноста излезе нов скандал за криминалното владеење на СДС и ДУИ, а судско обвинителскиот систем го крие и заташкува....
Два активни пожара во државата, два под контрола, 29 изгаснати
Во текот на изминатото деноноќие, на територијата на Република Северна Македонија се регистрирани вкупно 33 пожари на отворен простор, од...
„И СДС и Димовски признаваат дека во период на изборни циклуси бил следен и прислушуван Мицкоски“, велат од ВМРО-ДПМНЕ
„Скандалот со прислушкувањето на АНБ и АР на претседателот на ВМРО-ДПМНЕ, новинари, бизнисмени добива се поголеми размери. И СДС и...
(Видео) Силен земјотрес ја погоди Грција
Земјотрес со јачина од 5,3 степени го погоди грчкиот остров Евија во текот на ноќта и беше силно почувствуван во...
Посетата на САД ќе стане поскапа за странските патници од 30 септември
Патниците кои планираат да ги посетат Соединетите Американски Држави наскоро ќе се соочат со повисоки трошоци бидејќи повисоките такси за...
Голема победа за Трамп: Врховниот суд пресуди дека може да продолжи со рациите во Лос Анџелес
Врховниот суд на САД пресуди дека федералните рации за имиграција во Лос Анџелес можат да продолжат, укинувајќи ја претходната забрана...
Медведев обвини земја членка на ЕУ дека подготвува напад врз Русија
Заменик-претседателот на Рускиот совет за безбедност, Дмитриј Медведев, тврди дека денешна Финска, со поддршка на НАТО, води „конфронтациска политика на...
(Видео) Расте бројот на жртви во судирот на воз и автобус во Мексико: десетици повредени
Најмалку десет лица загинаа, а 61 се повредени откако товарен воз удри во двокатен автобус северозападно од Мексико Сити, соопштија...
Израел: Моќен ураган ќе ја погоди Газа, а покривите на терористичките облакодери ќе се тресат
Израел им порача на жителите на Газа веднаш да го напуштат градот откако предупреди дека ќе ги интензивира воздушните напади...
(Видео) Падна француската влада
Францускиот премиер Франсоа Бајру го изгуби гласањето за доверба што самиот го побара за својата влада. Француското национално собрание гласаше...
(Видео) Полицискиот хеликоптер денеска фрли повеќе од 30 тони вода врз дел од пожарите
Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во...
Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата
Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што...
Се судрија четири возила и четири мотоцикли, петмина повредени: прекинат сообраќајот на патот Мавровска крстосница-Гостивар
Денеска во ОВР Гостивар во 15:56 часот пријавена е сообраќајна несреќа на магистралниот пат од Мавровска крстосница кон Гостивар, во...
Едно и полгодишно дете од Радовиш пренесено во Клиничката болница Штип, според таткото испило таблета
Вчера во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено...
Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот
Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста...
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...
