Европа
Папата во Ереван за турскиот геноцид врз Ерменците
Поглаварот на Римокатоличката црква папата Франциск се помоли во саботата утрото пред вечниот оган во меморијалниот комплекс на ридот Цицернакаберд посветен на жртвите од турскиот геноцид над Ерменците во Отоманската империја пред крајот на Првата светска војна, и притоа истакна дека „сеќавањето на трагедијата не може да биде потиснато“.
Придружуван од ерменскиот претседател Серж Саркасјан, папата Франциск прво положи венец пред мавзолејот и се спушти во овалниот двор со 12 гигантски блокови кои ги претставуваат 12-те покраини во кои Ерменците биле жртви на масакрот во 1915/1916 година извршено од Отоманското царство во кој се тврди дека се убиени околу 1,5 милиони луѓе. Папата потоа ја посети градината каде го зали засаденото дрво во знак на мирот и обновата, а пота седна и ја отвори големата златна книга, пренесуваат агенциите.
„Се молам тука, со болка во срцето, никогаш повеќе да не се случат вакви трагедии, се молам човештвото да не заборави за да знае да го победи злото со доброто. Господ да го чува сеќавањето на ерменскиот народ! Сеќавањето не може да се потисне, ниту да се заборави! Сеќавањето е извор на мирот и на иднината!“, напиша папата во пораката.
Од меморијалниот комплекс, инаку, погледот се протега кон планината Арарат прeкриена со снег. Ова возвишување, кое сега се наоѓа во Турција, е симболот на ерменската христијанска култура и многумина, па и научници, веруваат дека на него се сопрела библиската Арка на Ное.
Претходно во петокот, на првиот ден од посетата на Ерменија, папата Франциск масовните убиства на Ерменците во Отоманското царство во текот на Првата светска војна ги нарече геноцид.
Агенциите забележуваат дека папата не се придржувал многу до подготвуваниот текста во ерменската катедрала Ечмиадзин, каде оддавајќи почест на декларацијата којашто во 2011 година ја потпишаа тогашниот папа Јован Павле Втори и поглаварот на Ерменската Апостолска Црква, Карекин Втори, го употреби терминот „геноцид“ за да ги опише споменатите масовни убиства на Ерменците., израз кој секогаш ги разгневува властите на Турција, како што тоа беше случај и пред една година кога Франциск првпат го употреби овој збор. Турција, смета дека станува збор за последици од воени дејствија и глад во кои загинале половина милиони луѓе меѓу кои и многу Турци, и оти немало систематско уништување на ерменското население, ниту такви наредби.
Обраќајќи им се на ерменскиот претседател и членовите на дипломатскиот кор, папата Франциск го употреби ерменскиот израз „Големо зло“ (Metz Yeghern), а потоа во претходно подготвениот текст го додаде зборот „геноцид“ алудирајќи на, како што рече, „првата во низата катастрофи коишто го добележаа минатиот век“.
Папата со световно име Хорхе Берхољо се сретна во Ерменија со десетина потомци на лицата кои успеале да го преживеат геноцидот, бидејќи ги примил тогашниот папа Бенедикт Петнаесетти во папскиот дворец Кастел Гандолфо во близина на Рим во времето на Првата светска војна.
Ова е 14-ти патување во странство за папата Франциск во изминатите три години од неговиот понтификат, и во прв ред има верска димензија – давање поттик на повторното раѓање на христијанството во Ерменија, која беше дел од атеистичкиот комунистички блок.
Христијанската традиција во Ерменија е древна и една најстарата на европскиот континент. Ерменија е првата земја во светот којашто го прифатила христијанството како државна религија уште во 301 година по Христос, а 90 отсто од 3,3 милиони жители во земјата се верници на Ерменската апостолска црква, која е одвоена од Рим.
Во својата намера да за приближување со источните цркви , папата Франциск ќе сослужува во Божествената литургија со Карекин Втори католикосот на сите Ерменци, односно врховниот поглавар на Ерменскаата апостолска црква. Папата, исто така, се сретна и со малата католичка заедница во Ѓумри, град кој на 7-ми декември 1988 година беше погоден од тежок земјотрес.
Тогаш во потресот од 7 степени за 30 секунди се уништени градовите Спитак, Ленинкан (сегашен Гјури, Кировакан (сега Ванадзор) и Степанаван. Во овој земјитрес настрадале вкупно 21 град и 350 села, при што 58 биле целосно уништени. Според официјалните податоци загинале 25.000 луѓе, 140.000 останале инвалиди, а 514.000 останеле без домови./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Русите се предадоа на украински вооружен робот
Додека руската инвазија на Украина влегува во својата четврта година, далечински управуваните копнени роботи стануваат вообичаена глетка на бојното поле.
Украина стана светски лидер во развојот на беспилотни копнени возила (UGV), за кои војската вели дека ќе ѝ овозможат координирање на роботско војување, а воедно и намалување на човечките жртви, според Фондацијата Џејмстаун, одбранбен тинк-тенк.
Сега, видеото стана вирално на социјалните мрежи, наводно прикажувајќи двајца руски војници како се предаваат на токму таков робот, објавува Futurism.
A ground-based robotic complex captures three Russian soldiers. Zero Ukrainian casualties.
This is how Ukraine fights in 2026.
During a combat mission, Ukraine deployed the Droid TW-7.62 ground robot and forced 3 Russians troops to surrender. — Militarnyi. pic.twitter.com/dEDMpECZoB
— Tymofiy Mylovanov (@Mylovanov) January 28, 2026
Снимки од бојното поле
На видеото се прикажани двајца руски војници како излегуваат од зграда со кренати раце и се предаваат на вооружен робот.
Според украинскиот воен портал Militarnyi, станува збор за извидувачка и ударна копнена единица наречена Droid TW, произведена од украинската одбранбена компанија DevDroid. Дроидот користи вештачка интелигенција за автономно препознавање цели и е вооружен со муниција од 7,62 мм.
Роботот првично е развиен на барање на Првиот медицински баталјон на украинската армија, кој барал начин да ги евакуира ранетите под силен оган, но судејќи според снимките, армијата пронашла друга примена за него.
Европа
Макрон: Руските напади врз цивили се неприфатливи, испраќаме помош во Украина
Францускиот претседател Емануел Макрон вчера ги осуди руските напади врз цивилите и енергетската инфраструктура и најави испраќање генератори во Украина.
„Вчерашниот напад врз патнички воз во регионот Харков е неприфатлив. Франција остро ги осудува руските напади врз цивилите и енергетската инфраструктура. Соочени со итноста, се мобилизираме. По состанокот на Г7+, на кој копретседател е Франција, во Украина ќе бидат испратени генератори за да му се помогне на населението да ја преброди зимата“, рече Макрон на платформата за социјални медиуми Икс.
Неговата изјава следеше по телефонскиот разговор со украинскиот претседател Володимир Зеленски.
J’ai échangé à l’instant avec le Président @ZelenskyyUa.
L’attaque d’hier contre un train de passagers dans la région de Kharkiv est inacceptable.
La France condamne avec la plus grande fermeté les frappes russes contre les civils et contre les infrastructures énergétiques.…
— Emmanuel Macron (@EmmanuelMacron) January 28, 2026
„Ставот на Франција е јасен: ние ќе ја поддржиме Украина колку што е потребно за да се одбрани и да ја победи агресијата предводена од Русија. Украина може да смета и на Франција во рамките на Коалицијата на волните. Ние продолжуваме да работиме на создавање услови за праведен и траен мир што ја гарантира безбедноста на Украина и Европа“, рече Макрон.
Тој додаде дека европските лидери се согласиле целосно да бидат вклучени во дискусиите што ги засегаат во контекст на тековните мировни преговори.
„Франција останува решена да го зголеми притисокот врз Русија сè додека таа избегнува мир. Работиме на нови санкции на европско ниво и ќе продолжиме со нашите напори за нарушување на флотата во сенка“, додаде Макрон.
Европа
Мерц: Влезот на Украина во ЕУ во 2027 година не доаѓа предвид, тоа не е можно
Германскиот канцелар Фридрих Мерц изјави дека пристапувањето на Украина во Европската Унија во блиска иднина не е можно.
„Пристапувањето на 1 јануари 2027 година не доаѓа предвид. Тоа не е можно“, рече Мерц по разговорите со коалициските партнери во Берлин.
Секоја земја што сака да се приклучи на ЕУ прво мора да ги исполни Копенхашките критериуми, процес што обично трае неколку години, истакна канцеларот.
Сепак, тој нагласи дека на Украина ѝ е потребна перспектива што ќе го отвори патот за пристапување на долг рок.
„Можеме постепено да ја доближиме Украина до Европската Унија за време на овој процес“.
„Тоа е секогаш можно, но толку брзо пристапување едноставно не е изводливо“, додаде Мерц.
Украинскиот претседател Володимир Зеленски го повтори барањето на неговата земја за членство во ЕУ уште во 2027 година.
„Пристапувањето на Украина во Европската Унија е една од клучните безбедносни гаранции не само за нас, туку и за цела Европа“, напиша тој на платформата Икс по телефонскиот разговор со австрискиот канцелар Кристијан Штокер.
„Колективната сила на Европа е можна, особено благодарение на безбедносниот, технолошкиот и економскиот придонес на Украина“, истакна Зеленски.
Бројот на жртви во пожарот во Швајцарија се искачи на 41, меѓу жртвите и 18-годишно момче
Почина осумнаесетгодишно момче кое беше повредено во пожарот во барот во Кран-Монтана, соопшти денеска швајцарската новинска агенција Keystone-SDA, повикувајќи се...
Од денеска во Бугарија задолжително плаќање во евра, левот излегува од употреба
Од денеска, 1 февруари, еврото станува единствена официјална валута во Бугарија, додека левот повеќе нема да биде прифатлив за плаќање...
Мицкоски најави дека ќе се чека уште 11 месеци да стигнат нови камиони на Комунална хигиена
Преку Министерството за транспорт и во соработка со Светската банка ќе се набават 40 нови возила за потребите на ЈП...
(Видео) Сведоштво на мајката и сопруга на уапсените за марихуаната поврзана со Македонија
Членови на семејството Спасојевиќ и нивни соседи се огласија по заплената на повеќе од пет тони марихуана на семеен имот...
Петте тони марихуана откриени кај Крушевац биле набавени во Македонија
Вишиот суд во Белград синоќа им одреди притвор на тројца уапсени по заплената на пет тони марихуана во селото Коњух...
Од денес Безбеден град казнува, со три забрани за возење ја губите возачката дозвола
На територија на Скопје, Куманово и Тетово и на коридорите 8 и 10 од денеска стартува имплементацијата на системот за...
(Видео) Извлечени 51 лице заглавени на жичница на планината Улудаг во Турција
Технички дефект на жичницата на планината Улудаг, во близина на северозападниот турски град Бурса, предизвика блокирање на 51 лице кои...
По реакции од граѓани, се чисти Клиничкиот центар „Мајка Тереза“ во Скопје
Градоначалникот на Скопје, Орце Ѓорѓиевски, информираше дека денеска градот е целосно мобилизиран во сеопфатна и темелна акција за чистење на...
Скопјани бараат од Цементарница Усје да работи според еколошките стандарди
Еколошките активисти од иницијативата „Стоп за Усје“ и граѓани денеска протестираа поради загадувањето на воздухот и бараа од Цементарница „Усје...
Во Кочани ќе се гради патека на бесконечност за загинатите во Пулс
Советот на Општина Кочани на вчерашната 9. седница едногласно ја поддржа иницијативата за изградба на спомен-обележјето „Патека на бесконечноста за...
Момче во Германија повлекло девојка под воз што доаѓал од спротивен правец, двајцата се мртви
Во Хамбург во четврток, две лица загинаа на метро станицата Вандсбек Маркт откако маж влечеше жена на шините пред воз...
Од утре внимавајте, Безбеден град почнува официјално да казнува со суми од 20 до 500 евра и одземање на возачката дозвола
Од утре официјално започнува примената на системот Безбеден град, со што автоматското снимање и санкционирање на сообраќајните прекршоци влегува во...
Во текот на изминатото деноноќие, Русија извршила вкупно 1.019 напади врз Украина
Украинската противвоздушна одбрана соборила 64 од 85-те дронови што Русија синоќа ги лансирала, соопштија утрово Воздухопловните сили (ВВС) на Украина....
Државна секретарка од Црна Гора сакала да се самоубие поради секс скандал
Мирјана Пајковиќ, до неодамна државна секретарка во Министерството за човекови и малцински права на Црна Гора, поднесе оставка откако нејзините...
Нови откритија за Епстин и елитата: објавени документи за контакти со Бил Гејтс, политичари, принц – тврдел и дека цимерот во затворот сакал да го убие
Американското Министерство за правда објави нови милиони документи поврзани со случајот на Џефри Епстин, со што повторно се отворија прашањата...
Заврши мониторингот за Македонија од страна на Советот на Европа, за Мицкоски тоа е историски момент и признание за нивото на демократија
Премиерот Христијан Мицкоски денеска одговарајќи на новинарско прашање во однос на тоа дека заврши мониторингот за Македонија од страна на...
ССМ следната недела ќе го блокира Собранието: Пратениците ќе мораат на работа пеш и без патни трошоци, ќе ги удриме по џебот како тие нас
Прва институција која ќе ја блокираат работниците како продолжение на протестот за 600 евра минимална плата и зголемување од 100...
Кремљ: Путин се согласи на привремен прекин на огнот
Кремљ соопшти дека рускиот претседател, Владимир Путин, се согласил да ги запре нападите врз украинските градови до 1 февруари. Портпаролот...
Левица: ДПМНЕ со 2,2 милиони денари ја почестиле фирмата на синот на антикорупционерката Ристовска
Само во 2024 година, во рамки на изборната кампања за претседателските избори, една од фирмите на синовите на Цвета Ристовска...
Утре посебен сообраќаен режим во Скопје поради протестниот марш „Стоп за Цементара“
Утре, со почеток во 12:00 часот ќе се одржи протестен марш „Стоп за Цементара“ со траса на движење од пред...
