Европа
Почина ирскиот свештеник кој стана симбол на Крвавата недела

Ирскиот свештеник кој мавташе со своето бело со крв замачкано шамиче кон британските војници кои пукаа врз цивилите на ткн „Крвава недела“ во 1972 година, почина во понеделникот на 82 години, соопшти Католичката црква.
Британските војници на 13-ти март 1972 година во северноирското гратче Дери отворија оган врз мирните католички демонстранти убивајќи 14 невооружени цивили.
Настанот во историјата остана забележан како Крвавата недела, проследен со многу неразјаснети теории, а фотографијата на свештеникот Едвард Дејли, кој со белото шамиче мавташе кон британските војници и истовремено им помагаше на ранетите, е еден од највпечатливите симболи на насилствата во Северна Ирска.
Едвард Дејли, кој подоцна ќе стане бискуп на Дери и неуморен мировен активист, починал рано утрото во понеделникот, објави Ирската бискупска конференција.
Неговото сведочење за настаните на Крвавата недела помогна јавноста да застане на страната на демонстрантите. Во тоа време британската војска го отфрли неговото сведочење како пристрасно, но во истрагата спроведена во 2010 година се покажа како точно. Заклучокот од истрагата дека цивилите се убиени без никаква причина го натера тогашниот британски премиер Дејвид Камерон да се извини.
Но Крвавата недела го измени текот на безредијата во Северна Ирска, коешто избувна кон крајот на шеесеттите години од XX, и му даде потстрек на насилството од страна на Ирската републиканска армија (IRA). Насилството во Северна Ирска беше запрено дури со мировниот договор на Велики петок во 1998 година, но дотогаш животите ги загубија 3.600 луѓе.
Бискупот Дејли се бореше за правда за невините жртви на настаните во Северна Ирска, вклучително и ткн Бирмингемска шестка, чии членови беа погрешно осудени за поставување бомби во два англиски паба. Минаа невини 16 години во затвор, пред да бидат ослободени. Случајот до денес е познат како една од најголемите злоупотреби на британскиот правосуден систем.
„Бискупот Едвард ќе остане запаметен како бестрашен градител на мирот“, изјави ирскиот надбискуп Ијмон Мартин.
Сверноирскиот вицепремиер Мартин МекГинис, кој беше активен член на IRA во периодот на Крвавата недела, изјави дека „Дејли 40 години беше во право“, бидејќи не ја штедеше ниту IRA, втората страна во судирот со Британците.
Британскиот министер за Северна Ирска, Џејмс Брокеншир, изјави дека Дејли бил „икона на граѓанското општество која ќе остане трајно запаметена поради неуморното заговарање на мир за сите./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж

Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија

Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин