Европа
Почина легендата на германската дипломатија Ханс-Дитрих Геншер

Поранешниот германски министер за надворешни работи Ханс-Дитрих Геншер, кој имаше клучна улога во обединувањето на Германија на почетокот од деведесеттите години од минатиот век, почина на возраст од 89 година, објави во петокот неговиот кабинет.
Според соопштението, Геншер починал од последници од застој на работата на срцето во четвртокот навечер во својот дом, опкружен од семејството.
Геншер со години беше висок функционер на германските либерали и еден од најомилените политичари, а кулминација на неговата политичка кариера ја имаше како прв министер за надворешни работи на обединета Германија, откако учествуваше во преговорите за повторното обединување. Беше шеф на дипломатијата 18 години, во периодот 1974 до 1992 година, повеќе од кој и да е друг министер за надворешни работи на Германија.
Геншер, пред сé, беше еден од оние државници кои имаа влијание врз судбината на Германија, смета заменикот портпарол на германската влада Георг Штрајтер, кој веста за смртта на дипломатот ја дозна на брифинг со новинарите.
„Само што го дознавме тоа. Се чувствувам безначаен да го оценувам придонесот на овој голем државник. Тој, безусловно, беше еден од малкуте кои влијаеле врз судбината на земјата“, истакна Штрајтер нарекувајќи го Геншер „еминентен Европеец и Германец“.
Името на Геншер ќе се запамети во учебниците по историја, се вели во соопштението на актуелниот германски министер за надворешни работи, Франк-Валтер Штајнмаер, кој веста ја дознал за време на посетата на Душанбе. „… Геншер во својот долг и активен живот во буквална смисла ја пишуваше историјата, историјата на нашата земја, Германија, историјата на Европа. Неговото има обезбедено место во историските читанки“, наведува Штајнмаер.
„Надминувањето на поделбата на Германија и расколот на Европа беа за него главните задачи во текот на неговиот живот“, истакна шефот на германската дипломатија.
Со неговото име се поврзува поимот „геншеризам“, кој во времето на идеолошката блоковска Студена војна, стана синоним за спроведувањето на својата политичка доктрина. Геншер во последните интервјуа повеќепати се залагаше за продлабочувањето на дијалогот меѓу ЕУ и Русија, повикувајќи го Западот наместо конфронтација да се бараат начини за соработка, сметајќи дека Европа не може да се стабилизира без Русија.
Кон крајот ја септември во интервјуто за Welt am Sonntag изјави дека „Сакаме да ја видиме Европа во соработка а не во конфронтација. Падот на Берлинскиот ѕид го означи крајот на поделбите во Европа, барем сите во тоа време така мислевме. Сега некои сакаат да ја придвижат линијата на поделбата кон Исток. Сепак, јас велам дека Москва припаѓа во Европа“, рече Геншер. „Како да се решаваат проблемите во светот, како а не преки преговори?“, рече тој ланскиот септември./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж

Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија

Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин