Контакт

Европа

Полицијата уапси нов осомничен за нападот во Берлин

Објавено пред

Германската полиција уапси осомничен за учество во терористичкиот напад со камион врз толпа луѓе на божикен базар во понеделникот вечерта во Берлин, објави во средата телевизијата RBB повикувајќи се на извори во безбедносните служби кои истовремено истакнале дека не станува збор за непосредниот извршител.

dobivaj vesti na viber

Магазинот Bild, исто така, во средата пишува дека по сослушувањето првиот осомничен, 23-годишниот бегалец од Пакистан, уапсен во понеделникот вечерта на стотина метри од местото на нападот, веќе е пуштен на слобода. Истрагата, имено, покажала дека тој воопшто не бил замешан во нападот.

Според полициски извори на весникот, осомничениот терорист кој со 25-тонскиот шлепер влета во масата луѓе убивајќи 12 и повредувајќи уште 48 лица, е ранет и полицијата по него трага во медицинските институции во германската престолнина.

Во Bild исто така е објавена фотографијата на наводно осомничениот за нападот кој се идентификува како Анис А, по потекло од Тунис, кој има меѓу 21 и 23 години и поседувал наводно неколку пасоши. Тој од порано и бил познат на полицијата, и бил обвинуван за нанесување телесни повреди но не успеале да го уапсат. Официјално од полицијата не е потврдена оваа информација,

Инаку во вторникот екстремната исламистичка групација Исламска држава преку своите интернет страници ја презема одговорноста за нападот во Берлин.

Органите на прогонот во Германија сметаат дека за кусо време ќе го фатат вистинскиот извршител на нападот. Како што наведуваат од полицијата во Берлин, криминолозите проучуваат во моментов повеќе од 500 различни индиции и сведоштва и продолжуваат со испрашувањето на очевидците.

 
Полицијата во цајтнот

По улиците и плоштадите на германската престолнина забележливи се зајакнати полициски патроли, пренесуваат агенциите. Како што е најавено во средата навечер повторно ќе бидат отворени многубројните божикни базари, кои во вторникот во знак на солидарност со жртвите од берлинскиот напад беа затворени ширум Германија. Плоштадот Брејтшајдплац, во центарот на западниот дел на Берлин, и натаму останува блокиран од полицијата. Таму уште работат криминолозите од берлинската полиција, кои собираат докази, со цел да се дојде до трага за вистинскиот извршител на нападот.

Операциите на германската полиција сега се фокусираат на нови траги, откако од државното обвинителство на Германија објавија дека 23-годишниот бегалец од Пакистан, кој првично беше осомничен за нападот и убиство на возачот на грабнатиот камион, не е вмешан во нападот.

Германските медиуми, повикувајќи се на полициски извори, пишуваат дека истрагата во моментов ги анализира податоците од тахографот и навигацискиот систем на камионот, се обидуваат да го пронајдат мобилниот телефон на напаѓачот за да ги утврдат неговите контакти и правци на движење на денот на нападот.

Од германското здружение на детективи и криминолози се убедени дека напорите на истрагата во блиска иднина ќе доведе до апсење на вистинскиот напаѓач.„Сигурен сум дека утре или во најкус рок ќе биде приведен нов осомничен“, изјави челникот на здружението Андре Шулц.

 

Полскиот херој

Возачот на полскиот камион се борел со терористот што го нападнал кога пристигнал во Берлин, и во моментот на нападот уште бил жив, покажуваат најновите сознанија на берлинската полиција. Иследниците веруваат дека Полјакот, кој се наоѓал на совозачкото место до последниот момент се обидувал да го спречи терористот и да го сврти воланот и да го изведе камионот од просторот на кој се одржува базарот. Експертите истакнуваат дека во позла на оваа верзија зборува податокот дека камионот минувајќи 80 метри преку базарот, пред да застане нагло го променил правецот на движењето.

Според криминолозите, како што пренесуваат германските медиуми, меѓу наводниот терористи и неговиот заложник во кабината на возилото се водела борба, во која напаѓачот прво употребил нож а потоа ги застрелал Полјакот. Овие тврдења за полската телевизија ги потврдил и сопственикот на шпедитерската компанија Ариел Журавски кој својот вработен морал да го идентификува по фотографија./крај/мф/сн

Европа

(Видео) Почна преместувањето на телото на папата

Објавено пред

Првата снимка доаѓа од капелата во Домот Света Марта, каде кардиналите се собрани во молитва.

dobivaj vesti na viber

„Го придружуваме Франциско на ова последно патување“, се вели во преносот, „со сите добри дела што ги направи за доброто на Црквата“.

По префрлањето на телото на починатиот папа од неговата резиденција во базиликата Свети Петар во Ватикан, телото буквално ќе им биде изложено на верниците.

Поворката започнува од капелата на Домот. Во него учествуваат кардинали и патријарси, а потоа кардиналот одаран и господарот на литургиските празнувања.

Носителите ќе го пренесат телото на починатиот папа Франциско, а ќе ги следат неговите секретари, членовите на семејството и персоналот.

Поворката ќе помине низ Via della Sacrestia, потоа преку плоштадот на римските првомаченици и сводот на камбаните за да влезе на плоштадот Свети Петар. Откако ќе поминат низ секторот Свети Петар, ќе се упатат кон централниот дел на плоштадот, ќе се искачат на централната зграда и потоа преку централниот портал ќе влезат во базиликата Свети Петар, каде што минувајќи низ главниот кораб ќе стигнат до гробот на Свети Петар.

Верниците ќе имаат можност да му оддадат почит на Папата во деновите пред погребот во сабота.

Базиликата ќе биде отворена во следните периоди:
Среда, 23 април – од 11:00 до 12:00 часот по локално време

Четврток, 24 април – 07:00 до 24:00 часот

Петок, 25 април – од 07:00 до 19:00 часот

Прикажи повеќе...

Европа

Масовен руски напад врз украинскиот регион, девет загинати, 30 повредени

Објавено пред

Руско беспилотно летало удрило во автобус со работници во украинскиот град Марханец рано утринава, при што загинале најмалку девет лица во бранот напади чија цел била цивилната инфраструктура во источна, јужна и централна Украина, соопштија официјални лица.

dobivaj vesti na viber

Целосниот обем на нападот, кој ги држеше будни Киев и источната половина на Украина неколку часа во текот на ноќта, не беше веднаш познат.

„Русите нападнаа автобус со вработени во компанијата кои одеа на работа во Марханец“, изјави на Телеграм Микола Лукашук, претседател на регионалниот совет на Днепропетровск.

Серхи Лисак, гувернер на регионот Днепропетровск, кој го опфаќа Марханец, во централна и јужна Украина, рече дека девет лица загинале, а најмалку 30 се повредени во нападот.

Украинската служба за итни случаи соопшти дека имало и напад на квартот Синелникевски во областа Дњепропетровск, во кој две лица се повредени, а избувнал пожар во земјоделско претпријатие.

Русија, исто така, изврши „масовен“ напад со беспилотни летала врз централниот украински регион Полтава, при што беа повредени најмалку шест лица, соопшти службите за итни случаи во објава на апликацијата за пораки Телеграм.

„Само цивилната инфраструктура на градот беше под непријателски напад“, објавија службите за итни случаи на Телеграм.

Избувнале неколку пожари кои оштетиле станбени згради, деловни објекти, магацини и гаражи, информираат од службите за итна помош, објавувајќи фотографии од пожарникарите кои ноќе се борат со пламените јазици.

Две лица се повредени во напад со беспилотно летало врз цивилна инфраструктура на периферијата на пристанишниот град Одеса на Црното Море, кој исто така предизвика неколку пожари, изјави на Телеграм Олех Кипер, гувернер на јужната украинска област Одеса.

Големи пожари избувнаа и како резултат на напад на руски дрон врз вториот по големина град во Украина, Харков, изјави градоначалникот Ихор Терехов на Телеграм.

Единиците за противвоздушна одбрана исто така беа ангажирани во одбивањето напади врз регионот на Киев, но нема извештаи за потенцијална штета.

Засега нема коментар од Русија за нападите.

Руското Министерство за одбрана соопшти дека нејзините единици за противвоздушна одбрана во текот на ноќта уништиле 11 украински беспилотни летала над неколку руски региони и над Кримскиот Полуостров. Регионалните гувернери изјавија дека нема извештаи за непосредна штета.

Прикажи повеќе...

Европа

Телото на папата Франциско денеска ќе биде преместено во базиликата

Објавено пред

Телото на папата Франциско утрово ќе биде пренесено во базиликата Свети Петар. Церемонијата започнува во 9 часот, соопшти Ватикан.

dobivaj vesti na viber

Телото на папата моментално е положено во ковчег во капелата на Домот Света Марта, каде што живеел за време на неговото папство.

Ватикан вчера соопшти дека погребот на папата Франциско ќе се изврши во сабота во 10 часот на плоштадот Свети Петар. Тој ќе биде погребан во базиликата Света Марија Велика во Рим.

На последното збогување ќе присуствуваат стотици илјади верници, како и странски лидери како американскиот претседател Доналд Трамп, францускиот претседател Емануел Макрон и украинскиот претседател Володимир Зеленски.

Прикажи повеќе...

Најново

Македонија7 часа

Пресудата е политички мотивирана, рече Јакимовски кој е осуден на три и пол години затвор

Градоначалникот на Општина Карпош, Стевчо Јакимовски е изненаден од пресудата со која е осуден на затворска казна од три и...

Македонија9 часа

Работниците што не добиле покачување на платата за март од 4.000 денари може да тужат, ССМ обезбедува и бесплатна правна помош

Тужби до работодавците може да поднесат сите работници кои со мартовската плата не добиле покачување од 12,6 % колку што...

Македонија10 часа

Не е време за пиво и скара, туку за протест за 500 евра минимална плата и 100 евра зголемување на другите плати, повика ССМ

Овој Први мај, место марш, Сојузот на синдикатите на Македонија (ССМ) најави протест оти платите се мизерни, најниски во регионот,...

Македонија11 часа

Пет пациенти денеска се враќаат од Србија, во странство хоспитализирани уште 38

Министерството за здравство информира дека денеска пет пациенти од повредените во трагедијата во Кочани ќе се вратат од лекување од...

Македонија12 часа

Таравари не може и да соработува со ДУИ и да биде дел од Владата, вели Меџити

Министерот за животна средина и вицепремиер Изет Меџити очекува министерот за здравство Арбен Таравари и лидер на Алијансата за Албанците,...

Македонија12 часа

Мицкоски: Реформите во правосудниот сектор се најитни

Реформите во правосудниот сектор се најитни. Без нив, сите други реформи се безвредни, изјави премиерот Христијан Мицкоски. Според него, нема...

Македонија12 часа

Голема полициска акција на повеќе локации: сомнение за кривични дела на штета на Фондот за здравство

Под раководство на јавен обвинител од ОЈО ГОКК, МВР спроведува координирана акција на повеќе локации во државата. Како што извести...

Македонија13 часа

Скопјанец обвинет за демнење: ја следел својата поранешна сопруга, психички ја вознемирувал и ја застрашувал

Основното јавно обвинителство Скопје поднесе Обвинителен предлог против 44-годишен скопјанец кој се товари дека сторил кривично дело – Демнење од...

Топ13 часа

Кривична против директорот на Центарот за култура „Григор Прличев“ во Охрид: ја оштетил установата за 150 илјади денари

СВР Охрид поднесе кривична пријава против 48-годишниот Г.С. од Охрид поради постоење основи на сомнение за сторено кривично дело „несовесно...

Македонија14 часа

(Фото) Спречени обиди за шверцување парфеми, тутун, облека со потпис на познати модни брендови

На Меѓународен Аеродром Скопје државјанин на Обединети Арапски Емирати родум од Индија се обидел да криумчари во државата 76 парфеми....

Македонија14 часа

Колку милиони евра однесоа Заев и Филипче во Дубаи, прашува ВМРО-ДПМНЕ

„И по неколку дена сè уште молк од СДС дали Филипче исто како и Заев поседува златна виза во Дубаи...

Македонија15 часа

„Љутков ги гази колективниот договорот и правата на културните работници“, велат од СДСМ

„Вчерашното интервју на министерот Љутков, во кое без срам го нарече колективниот договор за култура „незаконски“, е директен напад врз...

Европа15 часа

Масовен руски напад врз украинскиот регион, девет загинати, 30 повредени

Руско беспилотно летало удрило во автобус со работници во украинскиот град Марханец рано утринава, при што загинале најмалку девет лица...

Македонија16 часа

ДУИ: Се урива еден од столбовите на Законот за јазиците – секој молк денес е соучесништво утре

„Демократската унија за интеграција остро реагира на последните скандалозни информации поврзани со Инспекторатот за примена на Законот за употреба на...

Европа17 часа

Путин призна дека Русија напаѓа цивилни цели во Украина, го обвини киевскиот режим дека користи жив штит, објави „Медуза“

Владимир Путин во понеделникот призна дека Русија повеќепати напаѓала цивилни цели во Украина тврдејќи дека цел на овие напади биле...

Свет17 часа

(Видео) Трамп: Значително ќе ги намалиме царините за Кина, но тие нема да одат на нула

Американскиот претседател Доналд Трамп вчера сигнализираше можност за олеснување на трговската војна со Кина, велејќи дека високите царини за кинеските...

Свет18 часа

Израелската војска: Од Јемен е лансирана ракета кон Израел

Израелската војска во средата објави дека „најверојатно успешно пресретнала“ ракета истрелана од Јемен кон Израел. Поради лансирањето на ракетата, прогласена...

Македонија1 ден

Судот ја одби гаранцијата од милион евра на Асмир Јахоски

Судот ја одби гаранцијата од еден милион евра на бизнисменот Асмир Јахоски, осомничен за перење пари, во замена да биде пуштен...

Македонија1 ден

Културните работници на протест: Се надеваме дека платата за март ќе ја добиеме барем пред првомајските празници, стигнаа нови насоки

Голем број вработени во институциите од културата денес точно напладне излегоа на протест пред Министерството за култура, кое ги принуди,...

Македонија1 ден

(Видео) Филипче: Ако се обединиме на патот кон ЕУ, нема пречка што нема да ја совладаме

Патот кон Европската унија трае предолго, но не смее да се откажеме, мораме да се обединиме бидејќи кога сме заедно...