Украинскиот претседател Петро Порошенко најави во неделата доцна вечерта, по затворањето на избирачките места, дека уште во понеделник ќе ги започне преговорите за формирање на владејачка коалиција.

Излезните анкети по затворањето на избирачките места укажуваа на победа на предвремените парламентарни избори во Украина на групацијата „Блок Петро Порошенко“ и другите парти кои се прозападно ориентирани, бидејќи поинакви и не учествуваа на овие избори.На прес-конференцијата ви Киев по завршувањето на гласањето, претседателот Петро Порошенко изјави дека конечните резултати се очекуваат за десет дена, што според него е доволно долг период за завршување на преговорите за формирање владејачка коалиција. Најави дека ќе го именува за претседател на владата оној кого ќе го предложи коалиционата влада.Според Порошенко, Украинците на неделните избори покажале дека го поддржуваат неговиот план за ставање крај на судирите со рускојазичните бунтовници во југоисточните региони на земјата, како и демократските реформи и неговата прозападна ориентација. Во изјавата објавена на интернет страницата на неговата администрација, Порошенко и се заблагодари на избирачите на поддршката од „демократското, реформско, проукраинско и проевропско мнозинство“.„Мнозинството избирачи беа за политичките сили кои го поддржуваат претседателскиот мировен план и бараат политичко решение за состојбата во Донбас“, се наведува о пораката на Порошенко. Донбас инаку е заедничкиот назив за доминантно рускојазичните региони во источна Украина.Според излезната анкета на националниот exit poll, во водство е „Блокот Порошенко“ со 23 отсто гласови (или според излезната анкета на неколку странски агенции – 21,8 отсто), а следат Народен фронт на досегашниот премиер Арсениј Јаценјук кој ја напушти Баткивштина со 21,3 (21,8 отсто) а на трето место е Самопомош си 13,2 (14,2 отсто), Според оваа анкета во Врховната Рада влегуваат и Опозицискиот блок со 7,6 отсто ‘,8 отсто), која е основана од членови на поранешната владејачка Партија на регионите на соборениот претседател Виктор Јанукович, Радикалната партија на Олег Лјашко со 6,4 отсто, националистичката партија Свобода со 6,3 *5,8 отсто) и паријата на поранешната премиерка Јулија Тимошенко – Баткивштина (Татковина) со 5,6 отсто. Според излезните анкети на агенцијата Research and Branding Group спроведена за телевизијата Украина, резултатите за партиите на Порошенко и Јаценјук се совпаѓаат со другите анкети, додека третото место не го освоила Самопомош која добила 10,86 отсто од гласовите, туку проруската партија Опозициски блок со 11,12 отсто. Според телевизијата и Батливштина со 6,06 отсто е пред Свободата која освоила 5,51 отсто од гласовите. Ултранационалистичкото движење Десен сектор кое излезе само на овие избори, Комунистичката партија на Украина и партијата Силна Украина на поранешниот член Партијата на регионите Сергехј Тигипко нема да влезат во парламентот зашто освоиле 3 отсто од гласовите, а изборниот праг изнесува 5 проценти.Според украинската државна изборна комисија, првите прелиминарни резултати ќе бидат објавени во текот на ноќта до утрото во понеделник. Во меѓувреме објави дека одѕивот на избирачите изнесувал 52,9 отсто од 36 милиони гласачи. Гласањето меѓутоа не се одржа в областите кои се под контрола на проруските бунтовници. Тие порачаа дека Украина сега за нив е соседна држава и најавија сопствени избори за 2-ри ноември. Сепак Киев објави дека излезноста на избирачките места во регионите на Донецк и Луганск била 31 односно 27 отсто. Не гласаа ниту избирачите на црноморскиот полуостров Крим каде што мнозинското руско население откако во Киев беше соборен Јанукович преку референдум ја врати автономијата и се присоедини на Русија. Украинското министерство за внатрешни работи соопшти дека изборите ги обезбедувале околу 84 илјади припадници на милицијата (каков што е официјалниот назив на украинските сили за ред), како и дека примиле 597 приговори за разни нарушувања на изборниот процес. /крај/мф/сн