Седумте земји членки на Европската унија се согласија во вторникот навечер дека треба со побрза реализација на постојните енергетски проекти, вклучително и терминалите за течен природен гас (LNG), да се бара алтернативата за гасоводот Јужен тек од чиешто градење Русија неодамна се откажа обвинувајќи го Брисел за опструкција на проектот кој до источна и централна Европа требаше да го транспортира рускиот гас заобиколувајќи ја Украина.
 

Седумте земји членки на Европската унија се согласија во вторникот навечер дека треба со побрза реализација на постојните енергетски проекти, вклучително и терминалите за течен природен гас (LNG), да се бара алтернативата за гасоводот Јужен тек од чиешто градење Русија неодамна се откажа обвинувајќи го Брисел за опструкција на проектот кој до источна и централна Европа требаше да го транспортира рускиот гас заобиколувајќи ја Украина.

Претставниците на Австрија, Бугарија, Грција, Италија, Романија, Словенија и Хрватска, се состанаа во вторникот на работен ручек по потпретседателот на Европската комисија за енергетската унија, од кого побараа да стапи во контакт со Русија и да ја разјасни ситуацијата со натамошната судбина на гасоводот Јужен тек.

Рускиот претседател Владимир Путин на 1-ви декември, при посетата на турската престолнина Анкара по средбата со својот домаќин турскиот претседател Реџеп Тајип Ердоган, објави дека Москва се откажува од проектот Јужен тек. Веднаш потоа беа потпишани договори со Турција за изградба на гасовод по дното на Јужно Море, кој ќе излегува на турско копно, наместо претходно планираното во Бугарија.

Веќе истиот ден „Газпром“ и турската компанија „Ботас“ потпишаа меморандум за разбирање за изградба на гасовод преку Црното Море со капацитет од 63 милијарди кубни гас годишно, исто како и Јужен тек. Од ова количество, 14 милијарди кубни метри гас ќе бидат наменети за Турција, којашто најверојатно добива и повластена цена, а другите 49 милијарди кубни метри руски гас ќе бидат пренасочени кон гасниот центар на границата меѓу Турција и Грција.

Путин оваа одлука ја објави, како што рече, поради опструкциите и „неконструктивната позиција“ за негово градење од страна на Европската унија. Овој гасовод требаше, исто така, по дното на Црното Море да ја заобиколи Украина, и да излезе на копното во Бугарија, да минува низ Србија, Унгарија и Словенија до Австрија и Италија. Меѓутоа, Ниедна од овие заинтересирани земји досега не е официјално известена за престанок на проектот.

Споменатите земји во заедничката изјава се заземаа за подобра интеграција на европските гасни пазари и за поголема диверзификација на правците за снабдување, снабдувачите и изворите.

За да се постигне тоа, овие членки на ЕУ бараат силно спроведување на најважните регионални проекти, LNG терминали. Се планира, исто така, си спојување на Јужниот коридор и на Јадранско-јонскиот гасовод.

Договорено е во вторникот во Брисел да биде формирана работна група на високо ниво, во која ќе бидат претставници на споменатите земји и којашто ќе ги координира напорите на развивање и спроведување на прекуграничните проекти, кои овозможуваат енергетска диверзификација во таа област. Таа работна група ќе направи акциски план за интегрирање на гасните пазари и интерконекција во средна и југоисточна Европа.

Акцискиот план би требало да биде прифатен во февруари или март 2015 година, на следниот министерски состанок.

На состанокот во Брисел присуствуваше и претставникот на Унгарија, кој меѓутоа не ја потпишал заедничката изјава со образложение дека за тоа нема мандат.

Истовремено, унгарскиот премиер Виктор Орбан изјави во вторникот во словачката престолнина Братислава дека недостигот од гасовод југ-север, кој би го поврзал планираниот LNG на хрватскиот остров Крк со оној во Балтичкото Море, е стратешка грешка на Европската унија и дека тој проект би требало да биде дел од инвестицискиот лан на претседателот на Европската комисија Жан-Клод Јункер, со кој има намера да привлече 3.15 милијарди евра приватни вложувања во разни инфраструктурни и другипроекти кои можат да го поттикнат економскиот раст во ЕУ./крај/мф/сн

Извор: Макфакс