Европа
Потврдени историскиот успех на француската крајна десница
Партијата од крајната десница Национален фронт (FN) убедливо победи на регионалните избори во Франција, први кои се одржаа по терористичките напади од 13-ти ноември во главниот град Париз, според последните податоци на министерството за внатрешни работи.
Националниот фронт на Марин Лепен освоила 28 отсто од гласовите на национално ниво, и води во шест од 13-те региони во континентална Франција. Втора политичка сила е конзервативната партија од десниот центар Републиканци (поранешната UMP), на поранешниот француски претседател Николас Саркози и има предност во четири региони, додека владејачката Социјалистичка партија на актуелниот претседател Франсоа Оланд води во два региона со 23,5 отсто од гласовите. На Корзика во водство се левите сили.
Вториот круг е предвиден за 13-ти декември, а овие регионални избори претставуваат последното одмерување на политичките рејтинзи пред претседателските и парламентарните избори кои ќе се одржат во 2017 година, пред коишто Марин Лепен, исто така е во водство во анкетите за имањето намера да се гласа во првиот круг од претседателските избори.
Националниот фронт има водство во три клучни региони, на северот во Нор-Па-де-Кале-Пакарди, каде што се кандидираше неговата челничка европратеничката Марин Лепен, на југоистокот во регионот Прованса-Алпа-Азурен брег, каде кандидатската листа ја води нејзината внука Марион Марешал-Лепен, пратеничка во Националното собрание, и на истокот во регионот Алзас-Шампањ-Ардени-Лорен, каде води стратегот на компанијата Флориан Филипот. Притоа, Лепен и Марешал-Лепен се со голема предност со осовиени околу 41 отсто од гласовите.
Крајната десница води и во централниот регион Сентр-Вал-де-Лоар, во источниот Бургундија-Франш-Комт и во јужниот Ланжедок-Русијон-Средни Пиринеи.
Марин Лепен ги поздрави „фантастичниот резултат“ на северот и изрази „подготвеност да оствари националност единство коешто ѝ е потребно на земјата“. На југот Марион Марешал-Лепне изразија задоволство од „апсолутно историскиот резултат“ кој означува „крај на стариот систем“.
Медиумите како особен куриозитет го посочуваат тоа што во понеделникот париските дневни весници Le Figaro (конзервативен) и L’Humanite (комунистички) излегоа со насловни страници на кои доминираше насловот „Шок“.
Напредокот крајната десница во Франција е во континуитет по пробивот на Националниот фронт остварен на локалните и европските избори во мај 2014 година, со уште тогаш неверојатниот за нив резултат 25,2 отсто во март 2015 година на окружните избори.
Оваа партија, којашто Социјалистичката партија и Републиканците ја нарекуваат „нерепубликанска“, има приврзаници во сите слоеви на општеството, коешто започна да го врти грбот на етаблираната политичка елита во земјата во којашто невработеноста погаѓа околу 3,6 милиони луѓе. Победата на крајната десница на 13-декември, па макар и во една или повеќе покраина, ќе претставува историски пресврт во француската политика, сметаа коментаторите.
Социјалистите најавија дека ќе направат ткн „републиканска опструкција“ односно, ќе ги повлечат кандидатските листи во двата региона каде во големо водство се претставничките на династијата Лепен. Станува збор за вообичаена практика на десниот и левиот центар со којашто во минатото беа оневозможувани да победат кандидатите на крајната десница.
„Жртвата е голем. Во следните пет години социјалистите нем ада ги има во советите на тие региони“, призна генералниот секретар на Социјалистичката партија, Жан-Кристоф Камбаделис. Неговата партија досега беше водечка во сите региони, а сега може да остане само во две.
Меѓутоа, републиканскиот челник Саркози уште пред гласањето најави дека неговата партија овојпат нема да ги повлече кандидатските листи, без разлика на резултатите, што беше жестоко критикувано од владејачките социјалисти.
Во прогнозите пред терористичките напади во Париз, Републиканците на Саркози го загуби теренот во полза на Националниот фронт. Саркози во неделата вечерта повтори дека нема да има „спојување“ со левицата, „ниту повлекување“ пред крајната десница во вториот круг./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британија ја гради својата прва мала нуклеарна електрана: ќе биде во северен Велс
Велика Британија денес објави дека го избрала северен Велс како локација за својата прва нуклеарна електрана со мал модуларен реактор (SMR), додека продолжува со плановите за проширување на нуклеарната инфраструктура на земјата.
Владата во јуни објави дека ќе потроши 2,5 милијарди фунти (2,8 милијарди евра) за SMR, кои се поевтини и побрзи за изградба од големите нуклеарни централи, во обид да ја зголеми енергетската безбедност и да помогне во исполнувањето на климатските цели.
Одлуката на Велика Британија да го избере Вилфа на Англеси, остров во северен Велс, како локација за својата прва SMR централа беше критикувана од американскиот амбасадор во невообичаено силна изјава пред објавувањето.
Соединетите Американски Држави се залагаа за голем проект во Вилфа, дом на стара нуклеарна централа која беше затворена во 2015 година.
Британската влада изјави дека проширувањето на нуклеарната програма би можело да вклучува изградба на нова голема електрана, додавајќи дека ѝ задала задача на државната компанија GB Energy-Nuclear да пронајде соодветна локација за голема електрана до есента 2026 година.
Во јуни, владата го избра дизајнот на Rolls-Royce за малите реактори. Новите мини-реактори таму ќе снабдуваат еквивалент на три милиони домови и ќе поддржат до 3.000 работни места во локалната заедница за време на изградбата, со планови за поврзување со мрежата во 2030-тите.
Во моментов во изградба се две големи нуклеарни централи во Велика Британија, една во Хинкли Поинт во западна Англија и една во Сајзвел во источна Англија.
фото: принтскрин
Европа
Пристигнаа нови карти: „Руското освојување на Покровск може да почека, загубите се огромни“
Руските сили продолжуваат полека, но стабилно да напредуваат кон Покровск во регионот Донецк, според најновиот извештај на Американскиот институт за проучување на војната.
Институтот: Руското заземање на Покровск може да потрае. Загубите се огромни
И покрај месеците обиди за пробивање на украинските одбранбени линии, темпото на рускиот напредок останува ограничено, делумно поради исцрпувачките офанзиви со големи загуби што Москва ги спроведува истовремено на неколку делови од бојното поле.
Според проценката на Институтот, руската команда „веројатно ќе успее да го заземе Покровск и блискиот Мирноград“, но овој процес може да потрае многу подолго и да донесе поголеми загуби отколку што би било потребно доколку силите и ресурсите беа концентрирани исклучиво во таа насока.
Покровск, заедно со Авдиевка и Часив Јар, е еден од клучните урбани центри на западниот регион Донецк, чие заземање би отворило пат за Русија да навлезе во подлабоките делови од украинската одбрана и да ги загрози линиите за снабдување до Днепар.
Напади со висока цена
Институтот, исто така, истакнува дека руските трупи ги користат магливите временски услови во последните недели за да ги интензивираат нападите, особено во правец на Хуљајпол и други области во источна Украина.
Маглата го отежнува работењето на украинските извидувачки и борбени беспилотни летала, што Москва го користи за да ги премести пешадиските и оклопните единици кон линиите на фронтот.
❗️У мережі з’явилося відео наступу російських військ на Покровськ.
На кадрах видно, що окупанти використовують туманну погоду для просування.
Офіційних даних від українських сил щодо ситуації на місці наразі ще немає pic.twitter.com/GDrdkxQmq9
— NV (@tweetsNV) November 11, 2025
Според Институтот, повеќемесечната кампања на Русија за воздушно пресретнување на бојното поле – операции насочени кон онеспособување на украинските логистички и комуникациски центри – веројатно придонела за неодамнешните руски напредувања во областите Великомикајливка и Хуљајпоље.
Сепак, аналитичарите истакнуваат дека овие успеси доаѓаат со висока цена, бидејќи украинските сили продолжуваат со прецизни удари да напаѓаат во руската позадина и снабдувачки патишта.
Исцрпување на противникот
Украинската армија, од друга страна, ја продолжува кампањата на напади од далечина врз руската нафтена инфраструктура, што беше потврдено повторно во ноќта помеѓу 10 и 11 ноември со серија напади врз рафинерии и складишта за гориво на руска територија. Ваквите напади имаат за цел да ја намалат способноста на Русија да ги наполни своите единици со гориво и да го одржи логистичкото темпо на бојното поле.
На терен, според Институтот, украинските сили напредувале во близина на Сиверск, додека руските трупи оствариле ограничен напредок во близина на Покровск и Хуљајпоље. Аналитичарите истакнуваат дека руската стратегија сè повеќе се потпира на исцрпување на противникот и користење бројни пешадиски сили во напади со помал интензитет, што ги продолжува борбите и го зголемува бројот на жртви од двете страни.
„Руската команда продолжува да води војна на исцрпување, забавувајќи го темпото на офанзивата и зголемувајќи ги сопствените загуби, и покрај локалните тактички успеси“, заклучува Институтот во својот извештај.
фото: принтскрин
Европа
Градоначалникот на Киев: Имаме огромен проблем со војниците
Украина се соочува со критичен недостиг на војници, бидејќи рекорден број мажи ја напуштаат земјата и одат за Европа, предупреди градоначалникот на Киев, Виталиј Кличко, во интервју, пишува Политико.
„Имаме огромни проблеми со војниците – со човечките ресурси“, изјави Кличко за Axel Springer Global Reporters Network, признавајќи го данокот што речиси четиригодишната војна го нанесе врз способноста на Украина да ги пополни своите редови.
Руските сили, рече тој, неуморно напредуваат, опишувајќи ги нивните напади како „како компјутерска игра – тие само продолжуваат да доаѓаат, не им е гајле за паднатите војници“.
Кличко има предлог
Според сегашните правила, Украинците можат да бидат мобилизирани од 25 години, но Кличко верува дека ова треба да се промени. „Во минатото, 18-годишниците служеа во војска – но тие се деца“, рече тој. „Моментално во Украина можете да мобилизирате само од 25 години. Тоа би можело да се намали за една или две години – на 23 или 22 години.“
Овие изјави одразуваат растечка загриженост за масовното иселување на млади мажи од земјата. Владин декрет издаден во август со кој им се дозволува на мажите на возраст од 18 до 22 години да ја напуштат земјата се совпадна со нагло зголемување на бројот на Украинци кои бараат заштита во Европската Унија.
Најновите бројки покажуваат дека земјите од ЕУ одобриле повеќе од 79.000 барања за привремена заштита во септември, што е највисока месечна бројка за две години, со најголеми зголемувања регистрирани во Германија и Полска.
фото: принтскрин
Боинг мора да им исплати 28 милиони долари на семејството на жртва од авионската несреќа
Поротата на федералниот суд во Чикаго во средата наложи Боинг да исплати повеќе од 28 милиони долари на семејството на...
(Видео) Трамп потпиша договор: се стави крај на најдолгата блокада на владата на САД во историјата
Американскиот претседател Доналд Трамп потпиша закон со кој се става крај на најдолгото затворање на владата во историјата на САД,...
Песков: Москва гледа дека Европа се подготвува за војна со Русија
Портпаролот на рускиот претседател, Дмитриј Песков, денес изјави дека Москва гледа дека Европа се подготвува за војна со Русија. „Москва...
Стареењето на населението и иселувањето на младите – предизвици со кои се соочува Фондот на ПИОМ
Реформата на пензискиот систем сама по себе придонесе во подобрувањето на состојбите, но предизвици има сѐ уште, изјави директорот на...
„На државата ѝ недостигаат добри хотели“ – Николоски бара поедноставување на процедурите за градба
На државата ѝ недостигаат добри хотели и време е да ја поедноставиме процедурата за нивна изградба, изјави вицепремиерот и министер...
Новите цени на струјата од РКЕ ќе се знаат на почетокот на декември: МЕПСО бара поскапување од 0,67 отсто
До крајот на месецот или на почетокот на декември Регулаторната комисија за енергетика (РКЕ) ќе ги знае цените за струјата...
Ѓорѓиевски бара да одговараат и лицата што примале плата, а не оделе на работа, но и оние што им потпишувале плата
Градоначалникот на Град Скопје, Орце Ѓорѓиевски разговарал со претставниците на финансиската полиција во врска со обвинувањата кои ги изнесе за...
Фондацијата „Роми за Европа“ бара правда и системска акција по случајот со насилство врз 8-годишно дете во Македонија
Фондацијата „Роми за Европа“ со седиште во Брисел изрази длабока загриженост по објавено видео од Македонија на кое се гледаат...
Почина поетесата д-р Славица Свидерска
Друштвото на писателите на Македонија со длабока тага информира дека денеска, на 12.11.2025 година, почина поетесата Славица Свидерска (1984, Битола)....
Со емотивно видео семејствата на загинатите во „Пулс“ најавија нов протест в сабота во Скопје, следната недела почнува судењето
Здружението на граѓани „16-ти Март“ – кое го создадоа семејствата на жртвите во трагедијата која се случи во дискотеката „Пулс“...
Украина го разреши министерот за правда поради корупциски скандал
Украинската влада привремено го разреши од функцијата министерот за правда Герман Галушченко, објави УНИАН. Премиерката на Украина, Јулија Свириденко, ја...
(Видео) Николоски: Засилено работиме на реконструкција на обиколницата кај Крива Паланка
Вицепремиерот и министер за транспорт Александар Николоски на својот фејсбук профил објави видео од реконструкцијата на обиколницата во Крива Паланка....
(Видео) Трамп: Никој не знае што се магнети
Американскиот претседател Доналд Трамп повторно се најде во центарот на вниманието, овој пат со бизарна изјава за магнетите за време...
Израел сруши повеќе од 1.500 згради во Газа од почетокот на примирјето
Израел сруши повеќе од 1.500 згради во областите на Газа што ги контролира од почетокот на прекинот на огнот со...
Кинескиот претседател и шпанскиот крал Фелипе ги зајакнуваат врските, Мадрид сака кинески инвестиции
Кинескиот претседател Кси Џинпинг му соопшти на шпанскиот крал Фелипе VI дека втората по големина економија во светот сака да...
Британец намамувал девојчиња преку „Снапчат“ и ги силувал: осуден на 28 години затвор
Висок раководител на британскиот здравствен систем, опишан од судија како „лукав, интригантен и манипулативен“, е осуден на 28 години затвор...
(Видео) Тајфунот Фунг-вонг донесе поплави во Тајван, илјадници евакуирани
Тајван евакуираше повеќе од 8.300 луѓе пред доаѓањето на многу ослабениот тајфун Фунг-вонг, кој донесе обилни дождови на планинскиот источен...
Лавров до Трамп: Наместо во Венецуела, треба да се реагира во Белгија, таму е поопасно
Рускиот министер за надворешни работи Сергеј Лавров изјави дека Москва не спровела нуклеарни тестови, отфрлајќи ги тврдењата на американскиот претседател...
Нормализиран сообраќајот на магистралниот пат Струмица – Дабиле
Од 04:20 часот сообраќајот на магистралниот пат Струмица – село Дабиле е нормализиран, извести АМСМ. Сообраќајот на државните патишта се...
Следната недела почнува судењето за пожарот во „Пулс“, обвинителството со тим од 15 обвинители
Судскиот процес за трагичниот пожар во дискотеката „Пулс“ во Кочани, во кој животот го загубија 63 лица, а над 200...
