Европа
Пратениците кои го блокираат полскиот Сејм ќе останат таму до 11-ти јануари
Опозициските пратеници кои ја блокираат салата на полскиот Сејм (парламентот), ќе останат во објектот до 11-ти јануари, изјави ноќта во неделата челникот на најголемата опозициска партија Граѓанска платформа (РО), Гжегож Шетина.
Пратеникот на Граѓанска платформа, Цезар Томчик, кој се наоѓа во Сејмот, изјавил дека обезбедувањето ги информирало опозициските пратеници за незаконското престојување во зградата на парламентот на Полска. Според документот кој го претставило обезбедувањето, надвор од термините во кои се одржуваат заседанијата во пленарната сала на парламентот може да се најдат само службениците во парламентот, а не и пратениците.
„Ние нема да излеземе од салата за седници во парламентот, пратениците на Граѓанска платформа ќе бидат таму до 11-ти јануари, а можеби и подолго. Не постои можност пратениците да бидат отстранети од зградата на парламентот“, изјави челникот на опозицијата Гжегож Шетина, кого го цитира интернет изданието на весникот Rzeczpospolita.
Полската опозиција од петокот попладнето ја блокира работата на Сејмот. Причина за тоа е намерата на парламентарното мнозинство од 2017 година да ја ограничи работата на новинарите во долниот дом на парламентот, како и одлука на спикерот Марек Кухчински да отстрани еден од пратениците од седницата. И покрај тоа, парламентот продолжи да работи, и седницата ја одржа во друга сала, донесувајќи редица закони, меѓу другите и за буџетот за следната 2017 година, а опозицијата го смета за нелегитимно тоа гласање.
Претходно беше објавено дека опозициските пратеници имаат намера да останат во зградата на парламентот до 20-ти декември, кога треба да се одржи заседанието на Сенатот, горниот дом на парламентот и, како што смета опозицијата, повторената седница и гласањето во Сејмот.
Од своја страна Сејмот инсистира на законитоста на гласањето на мнозинството, а владејачката партија Правда и справедливост (PiS) не гледа причини за повторување на седмицата. На нејзиното одржување во текот на средата со полскиот претседател Анджеј Дуда во неделата, пак, инсистираа лидерите на сите опозициски партии во парламентот. Според информацијата објавена на интернет страницата на долниот дом на полскиот парламент, следното заседание е планирано за 11-ти јануари 2017 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците нападнаа руска рафинерија на 2.000 километри од границата, се шират снимки
Украински дронови предизвикаа пожар во рафинерија за нафта во северозападна Русија, на околу 2.000 километри од украинската граница.
Ројтерс објави дека утрово избувнал пожар во рафинерија за нафта во сопственост на руската компанија Лукоил во близина на градот Ухта во руската република Коми, изјави шефот на регионот, Ростислав Голдштејн. Никој не е повреден, а службите за итни случаи работат на местото на настанот, изјави Голдштејн на апликацијата Телеграм.
Russian Telegram channels report a drone attack and subsequent fire at Ukhta oil refinery plant in Ukhta, Komi region of Russia.
It's located over 2,000 km from the Ukrainian border. pic.twitter.com/ATCEcdkMCH— Anton Gerashchenko (@Gerashchenko_en) February 12, 2026
Пожарот избувнал откако украинските дронови погодиле инфраструктура која се смета за стратешки важна за снабдувањето со гориво во Русија, како дел од засилениот напад врз енергетската инфраструктура по краткото затишје за време на мировните преговори минатиот месец. Украинските власти, вклучувајќи го и претседателот Зеленски, постојано повторуваат дека нападите врз руските рафинерии за нафта се „најдобрите санкции“.
Meanwhile in Russia’s Ukhta.
The local refinery keeps getting hit by drones as we speak.
1,800 km away from the Ukrainan border. pic.twitter.com/TZMDIrIIg6
— Illia Ponomarenko 🇺🇦 (@IAPonomarenko) February 12, 2026
Снимки од густи облаци од црн чад над областа на рафинеријата Ухта веднаш по нападот циркулираат на социјалните медиуми, илустрирајќи го обемот на инцидентот и влијанието на нападот далеку на руска територија.
Европа
(Видео) Поранешен шеф на МИ6: Руските загуби се застрашувачки
Русија можеби изгубила околу двојно повеќе војници во Украина во декември 2025 година отколку што Советскиот Сојуз изгубил за време на советско-авганистанската војна, изјави поранешен шеф на британската разузнавачка служба во неодамнешно интервју.
Ричард Мур, поранешниот шеф на МИ6, даде интервју за Скај њуз, во кое рече дека околу 30.000 руски војници загинале во Украина во декември, опишувајќи ја бројката како „застрашувачки“.
Мур го спореди месечниот број на жртви на руски војници со загубите во советско-авганистанската војна, која траеше десет години, од 1979 до 1989 година, и во која загинаа околу 15.000 советски војници.
„Загубите се ужасни и дури и Русите ќе имаат тешкотии да ги надоместат тие загуби. Затоа поминуваат катастрофално лошо на бојното поле“, рече Мур.
Европа
Русија се обиде да го блокира WhatsApp: промовира апликација во државна сопственост
Американската технолошка компанија Мета соопшти дека руските власти се обиделе да ја блокираат нејзината апликација за пораки WhatsApp во обид да ги принудат корисниците да се префрлат на конкурентска услуга контролирана од владата.
„Руската влада се обиде целосно да го блокира WhatsApp со цел да ги насочи граѓаните кон апликација контролирана од државата“, рече Мета.
„Правиме сè што можеме за да ги одржиме нашите корисници поврзани“, се додава во соопштението.
Фајненшл тајмс претходно објави дека руските власти го отстраниле WhatsApp, кој има околу 100 милиони корисници во Русија, од онлајн регистарот на апликации што ги води Роскомнадзор, државниот регулатор за комуникации.
Овој потег се смета за дел од пошироката стратегија за ограничување на пристапот до платформи што не се директно контролирани од руските безбедносни служби. Рускиот регулатор веќе воведе ограничувања за Telegram претходно оваа недела, објави Франс Прес.
Руските власти вршат притисок за префрлување на MAX, за кој критичарите велат дека овозможува надзор на корисниците, објави Ројтерс.

