Европа
Премиерот на Украина, Јаценјук поднесе оставка

Украинскиот Арсениј Јанценјук на заседание на Врховната Влада (парламентот) во четвртокот ја објави својата оставка, откако беше објавено дека престанува да постои владејачката парламентарна коалиција Европски избор, чии членки соопштија дека со тоа му овозможуваат на претседателот Петро Прошенко да го распушти сегашниот состав на парламентот и да ја покрене процедурата за распишување предвремени парламентарни избори.
„Во тој случај, доколку нема нова коалиција, и актуелната коалиција во парламентарно-претседателската република се распадна, владата и премиерот ја објавуваат својата оставка. Јас ја објавувам својата оставка во врска со распадот на коалицијата и блокирањето на владините иницијативи“, изјави премиерот Арсениј Јаценјук, кој дојде на должноста по февруарскиот преврат кога по безредијата започнати ланскиот ноември откако поранешниот претседател Виктор Јанукович реши да го суспендира потпишувањето на Спогодбата за придружување и слободна трговија со Европската унија, на власт без избори дојде прозападната поранешна опозиција.Според Јаценјук неприфатливо дека парламентот не го поддржале предлог законот чија цел беше создавање услови за социјална поддршка за припадниците на украинската армија, милиција, на образовниот кадар, како и одбивањето да биде поддржан предлог законот со кој на владата и’ се овозможуваше да продаде 49 отсто од државниот оператор ГТС Украина на инвеститори од САД и од ЕУ.„Резултат од распадот на коалицијата е недонесувањето на законите со кои ќе се пополнеше приходната страна на Буџетот. И тоа е јасно: кој сака да оди на избори и истовремено да гласа за непопуларните закони“, додаде Јаценук. Според него, сегашниот состав на владата на Украина, можеби, по неколку години ќе биде сметана за пример. „Дали сум задоволен од она што го сработив? Се разбира дека не. Сакав да направам повеќе и подобро, побрзо. Но одговарајќи на прашањето дали сме сториле сé што можевме, во рамките на нашите сили, давам потврден одговор – да, направивме“, истакна Јаценјук, на седницата во украинскиот парламент пренесувана на украинските електронски медиуми.Според него, она што во четвртокот претходно се случи во парламентот, ќе има многу сложени, ако не и драматични последици за земјата. Според уставот на Украина, оставката на премиерот повлекува оставка на целата влада. Кабинетот чија оставка ја прима парламентот, продолжува да ги исполнува своите овластувања и должности до формирање на новата влада.Претходно во четвртокот, двете парламентарни групи, УДАР на Виталиј Кличко кој стана градоначалник на престолнината Киев со поддршка на претседателот Петро Порошенко во чија полза претходно ја повлече својата претседателска кандидатура, и националистичката партија Слобода, за која се врзува ултранационалистичкото движење Десен сектор, како и фракционери од пратеничката група на најбројната партија Баткившчина (Татковина) на поранешната премиерка Јулија Тимошенк го објавија растурањето на мнозинската парламентарна коалиција што ќе овозможи распуштање на актуелниот состав на Врховната Рада. „Сметаме дека во сегашната ситуација парламентот кој ги штити државните криминалци и руските агенти, кој одбива да им го укине имунитетот на оние коишто работат за Кремљ, не треба ни да опстане“, изјави челникот на Свобода, Олег Тјагнибок.Украинскиот претседател Петро Порошеко го поздрави излегувањето на двете партии од владејачката парламентарна коалиција, истакнувајќи дека „Украинците сакаат целосно нов почеток“. Претходно во четвртокот, претседателот на украинскиот парламент, Олександр Турчинов, го најави распуштањето и забраната за дејствување на пратеничката група на Комунистичката партија на Украина (КПУ) која е обвинета дека јавно го поддржува „прорускиот сепаратизам“ на истокот на земјата.„Ова е историски момент. Се надевам дека никогаш повеќе нема да има комунистички групи во украинскиот парламент“, истакна Турчинов, кој го искористил неодамна усвоениот закон кој му овозможува распуштање на некои пратенички групи кои имаат мал број пратеници. Во украинскиот парламент кој го сочинуваат 450 пратеници, 23 од нив беа комунисти. Шефот на пратеничката група од Комунистичката партија, Петро Симоненко, одлуката на Турчинов ја оценил како „нелегална“.Украинската влада на 8-ми јули соопшти дека е покрената судска постапка со која ќе го забрани дејствувањето на Комунистичката партија, бидејќи според сознанијата на украинската служба за безбедност, локалните одбори на комунистите ги поддржувале проруските бунтовници на истокот од Украина кои се борат против владините сили за безбедност./крај/мф/сн
Извор: УНН, AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Топлотен бран во Европа, Шпанија забележа рекордни 46 Целзиусови степени

Топлотниот бран продолжува да зафаќа големи делови од Европа, а властите во многу земји издаваат здравствени предупредувања поради неподносливата топлина. Јужна Шпанија е најтешко погодена со температури над 40 Целзиусови степени регистрирани во Севилја и околните области.
Според Шпанската национална метеоролошка служба, нов јунски температурен рекорд од 46 °C е поставен во градот Ел Гранада во саботата. Истиот извор извести дека овој месец е на пат да стане најжешкиот јуни досега.
⚠️ Récord nacional de temperatura para junio.
→ El día 28 se han alcanzado 46 °C en El Granado (Huelva). El dato, pendiente de validación, supondría la temperatura más alta medida en España en junio desde que hay registros.
→ Supera los 45.2 °C de Sevilla (junio de 1965) pic.twitter.com/0Qb1KJir3W
— AEMET (@AEMET_Esp) June 28, 2025
Црвени предупредувања за екстремна топлина се во сила во делови од Португалија, Италија и Хрватска, а многубројни портокалови предупредувања опфаќаат области од Шпанија, Франција, Австрија, Белгија, Босна и Херцеговина, Унгарија, Србија, Словенија и Швајцарија, пишува Би-би-си.
Во Барселона жена почина откога ја заврши својата смена како чистач на улици во саботата кога температурите беа многу високи. Локалната самоуправа ги истражува околностите на нејзината смрт.
Во Италија одделенијата за итни случаи во болниците во целата земја забележаа пораст на случаи на топлотен удар, главно кај „стари лица, онколошки пациенти или бездомници“, изјави Марио Гуарино, потпретседател на Италијанското друштво за итна медицина, за АФП.
Болниците, како што е „Оспедале деи Коли“ во Неапол, воспоставија посебни протоколи за лекување топлотен удар за да им овозможат на пациентите пристап до клучни терапии, како што е потопување во ладна вода што е можно побргу.
Градот Болоња отвори седум климатизирани засолништа со вода за пиење, а Рим им им дозволи на луѓето над 70 години бесплатно да влегуваат во градските базени. Лекар во Лисабон, главниот град на Португалија, изјави за „Ројтерс“ дека веќе има случаи на топлотен удар и изгореници и покрај предупредувањата да се остане во затворен простор во најжешкиот дел од денот.
Топлотниот бран го погоди и Западен Балкан со температури над 40 Целзиусови степени. Србија ја забележа највисоката температура на 26 јуни откога почнаа евиденциите во 19 век. Словенија ја забележа највисоката јунска температура во саботата. И Македонија беше погодена од екстремна топлина, со температури што достигнаа 42 Целзиусови степена во петокот.
HISTORIC HEAT IN SLOVENIA
Yesterday new national record of June highest tempeture with 38.4C.
Nearly all stations in the country (similarly to Croatia,Serbia and Bosnia) broke their monthly records.
Tables by Arso Vreme pic.twitter.com/hzZ0R88jyZ— Extreme Temperatures Around The World (@extremetemps) June 27, 2025
Лондон денес ќе достигне 35°C
Температурите ќе продолжат да растат во некои области до средината на неделата, а во следните неколку дена се очекува нов топлотен бран во Франција, Германија, Италија и во Велика Британија. Овој викенд беа во сила жолти и портокалови временски предупредувања за делови од Англија, а се очекуваше температурите во Лондон денес да достигнат 35°C.
Жештината се зголемува под голема област со висок притисок, со сув воздух што се спушта и се затоплува. Бидејќи овој процес продолжува неколку дена, температурите постепено се зголемуваат. Областа со висок притисок ќе се движи кон исток во следните неколку дена носејќи високи температури на север и на исток.
Иако е тешко директно да се припишат одделни екстремни временски настани на климатските промени, топлотните бранови стануваат сè почести и поинтензивни токму поради оваа промена.
Научниците од организацијата World Weather Attribution, која го анализира влијанието на климатските промени врз екстремното време, велат дека јунските топлотни бранови со три последователни дена над 28°C сега се речиси десет пати поверојатни отколку во прединдустриското време.
Европа
Германскиот министер за надворешни работи пристигна во Киев: ќе им оддаде почит на жртвите на нацистите

Германскиот министер за надворешни работи Јохан Вадефул денес пристигна во Киев со ветување дека ќе продолжи со воената помош за Украина додека таа продолжува да се бори против руската инвазија.
„Слободата и иднината на Украина се најважните задачи на нашата надворешна и безбедносна политика“, рече Вадефул за време на својата прва посета на украинскиот главен град по преземањето на функцијата минатиот месец.
Тој додаде дека Германија „цврсто ќе застане покрај Украина за да може таа да продолжи успешно да се брани – со модерна воздушна одбрана и друго оружје, хуманитарна и економска помош“.
Патувањето беше чувано во тајност од безбедносни причини до неговото пристигнување во понеделникот наутро, а Вадефул пристигна во Киев со воз со претставници на германската индустрија за оружје. Германија е клучен снабдувач на воена опрема, оружје и финансиска помош за Украина.
Се очекува Вадефул да разговара со украинскиот министер за надворешни работи Андриј Сибихa и да им оддаде почит на жртвите од масакрот во Бабин Јар во 1941 година, каде што нацистичките окупаторски сили убија повеќе од 33.000 Евреи.
„Украина ќе одлучи дали Европа ќе остане место на кое преовладуваат слободата и човечкото достоинство или ќе стане континент во кој насилството ги преобликува границите“, рече Вадефул. Тој нагласи дека рускиот претседател Владимир Путин не бара мир, туку освојување по секоја цена.
„Затоа ние остануваме целосно посветени на поддршката на Украина“, рече тој. Вадефул исто така го критикува Путин за отфрлање на вистинската дипломатија наведувајќи дека иако Украина постојано покажува подготвеност да се вклучи во сериозни преговори за завршување на војната, Путин останува непоколеблив во своите ригидни барања.
Европа
Британски министер: Би ѝ рекол на израелската амбасада првин да се погледнат себеси

Британската полиција вчера соопшти дека размислува да отвори истрага откако изведувачите на музичкиот фестивал Гластонбери испратија антиизраелски пораки за време на нивните настапи.
„Свесни сме за пораките испратени попладнево на настапите на сцената Вест Холтс на фестивалот Гластонбери“, соопшти полицијата во Ејвон и Сомерсет во западна Англија доцна во саботата на Икс.
Ирската хип-хоп група „Никап“ и панк дуото Боб Вилан извикуваа антиизраелски слогани за време на одделни настапи на сцената во Вест Холтс во саботата. Еден од членовите на Боб Вилан извикуваше „Смрт, смрт за ИДФ“ – израелските одбранбени сили.
„Полициските службеници ќе ги испитаат видео доказите за да утврдат дали се извршени какви било прекршоци што би барале кривична истрага“, се вели во полициското соопштение. Израелската амбасада во Велика Британија изјави дека е „длабоко вознемирена од навредливиот говор на омраза“ што се слушна на фестивалската сцена.
Премиерот Кир Стармер претходно овој месец изјави дека „не е соодветно“ „Никап“ да настапува на Гластонбери. Фронтменот на бендот беше обвинет за тероризам минатиот месец, за наводно прикажување на знамето на Хезболах, милитантна група поддржана од Иран, на концерт во ноември. Тој ги негираше обвиненијата.
Британскиот министер за здравство, Вес Стритинг, рече дека антиизраелските скандирања на Гластонбери се „ужасни“ и дека организаторите на фестивалот, како и Би-би-си, која го емитува, треба да бидат одговорни. Но, тој додаде дека е и згрозен од насилството што го вршат израелските доселеници на окупираниот Западен Брег.
„Исто така, би ја повикал израелската амбасада прво да се погледне себеси, кога станува збор за однесувањето на нивните жители и доселеници на Западниот Брег“, изјави Стритинг за „Скај њуз“. „Би сакал посериозно да разгледаат колку се насилни нивните граѓани кон Палестинците“, рече тој.