Европа
Протести во Ирска за ускратување абортус на жртва на силување
Стотици луѓе протестираа во средата во Даблин барајќи повторно промена на ирските закони за абортусот откако жртва на силување изјавила дека ѝ било одбиено барањето за абортус и наместо тоа се породила со царски рез.
Случајот на млада имигрантка повторно ја разгоре расправата за ирските закони за абортусот кои се меѓу најстрогите во Европа кои предизвикаа серија протести пред парламентот првпат минатата 2013 година да го изгласа ограниченото дозволување на прекинот на бременоста. „Тука сум бидејќи сум ужасната. Оваа кутра девојка пати бидејќи не го разбрала комплицираниот глуп систем тука во Ирска“, изјави за Reuters 38-годишна наставничка држејќи го натписот 2Насилната бременост е тортура“.Младата жена од странство, чиешто име не се наведува поради правни причини, изјави за дневниот весник The Irish Times дека забременила во текот на силување кое се одиграло пред да пристигне во Ирска. Побарала помош за да ја прекине бременоста откако открила дека е трудна, но медицинските власти ја одбиле. Додека Ирките коишто сакаат да абортираат најчесто патуваат во Велика Британија, којашто има помалку строги закони, девојката вели дека тоа не можела да го стори бидејќи немала доволно пари.Според ирскиот Закон за заштита на животот во текот на бременоста, кој беше усвоен пред една година веднаш по смртта на Индијка на којашто ѝ бил одбиен абортус, бременоста може да се прекина доколку е загрозен животот на мајката, вклучително и преку самоубиство. Девојката изјави дека се обидела да се самоубие, но не успеала, а додека е вршена психијатриска процена, бременоста веќе била поодмината, така што не можела да ја прекине. Комисијата за човекови права при Обединетите нации во јули годинава соопшти дека Ирска би требала да ги измени законите за абортусот за да воведе уште исклучоци во случај на силувања, инцест, сериозни ризици за здравјето на мајката или фатални абнормалности кај фетусот.Невладината организација За живот во соопштение по споменатиот случај изјави дека барањата за поголемо право на абортус се срамни додека прерано роденото дете се бори за живот и претставува депримирачки и вознемирувачки потсетник на нечовечната стварност од легализираниот абортус./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.