Европа
Протести во Лондон против британските напади во Сирија
Околу пет илјади луѓе, според процените на полицијата, се собраа во саботата во Лондон на протестите против планираните британски напади врз екстремна сунитска група Исламска држава во Сирија, за што се очекува парламентот да се изјасни следните денови.
По протестите британскиот премиер Дејвид Камерон убедуваше дека не станува збор за копнена операција во Сирија. „Што се однесува до нашата воена помош, станува збор за помош од воздух на нашите сојузници и другите земји, не за копнена операција со учество на британски војници“, порача Камерон од прес-конференцијата на самитот на шефовите на држава и влади на земјите од Комонвелтот, кој се одржува на Малта, според соопштението на неговиот кабинет.Протестот во Лондон беше одржан на повик на организацијата „Stop the War“ пред седиштето на премиерот, на Даунинг стрит 10. Во 2003 година повеќе од милиони лица протестираа против интервенцијата во Ирак, за која одлуката ја донесе тогашниот премиер Тони Блер, потсетуваат медиумите.„Бомбите не можат да бидат добар одговор на страшната трагедија во Париз. Им се обраќаме на пратениците, особено на лабуристите, да не ја повторат истата грешка како во текот на интервенцијата во Ирак“, изјави Линдзи Џерман, претставничка на „Stop the War“.Протестите се одвиваа ден по повикот кој францускиот претседател Франсоа Оланд им ја упати на британските пратеници да ги одобрат воздушните удари во Сирија две седмици по масакрот во Париз за кои одговорноста ја презема терористичката организација Исламска држава.Премиерот Камерон, кој е наклонет кон проширувањето на нападите во Сирија, додека Велика Британија веќе цела година учествува во бомбардирањата на позициите на Исламската држава во Ирак, се очекува да ги повика пратениците да гласаат следната седмица.„Мислиме дека тоа не е добра поддршка за нашите француски пријатели. Мораме да извлечеме поуки од минатото“, изјави актерот Марк Риленс, со кого режисерот Кен Лоач и музичарот Брајан Ино му напишаа отворено писмо на премиерот Камерон против интервенцијата во Сирија.Протестот во саботата претставува тест за опозициската лабуристичка партија која е остро поделена во врска со интервенцијата во Сирија, за коишто се залага конзервативецот Камерон. Новиот челник на Лабуристичката партија, Џереми Корби, поранешен копретседател на здружението „Stop the War“ жестоко се противи на тие напади, но неколку лабуристички пратеници веќе се изјаснија дека ќе гласаат за напади во Сирија./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области, соопштија локалните власти.
Регионалниот гувернер Олех Синиехубов напиша во Телеграм дека руските сили користеле наведувани бомби за да ги нападнат областите Немишљански и Слободски на југоисток и областа Шевченковски на север од градот.
Градоначалникот Ихор Терехов, во интервју за локална телевизија, рече дека три бомби оштетиле болница и погодиле далноводи. Речиси 30.000 корисници биле погодени од прекинот на електричната енергија.
🤬 Kharkiv under attack by KABs. Severe fires in the city and partial power outage pic.twitter.com/Vkp3Cjb37m
— The Ukrainian Review (@UkrReview) October 13, 2025
Тој рече дека четири лица се повредени, повеќето од расфрлани стакла, а некои пациенти се префрлени на други одделенија. „За жал, болницата беше доста оштетена и внатре имаше пациенти. Четири лица беа повредени во различен степен, а околу 200 прозорци беа скршени“, рече Терехов.
„Нападите се главно врз енергетски цели – производство, пренос, електрична мрежа. Целта е електричната мрежа да престане да работи.“
Во последните недели, руските сили ги концентрираа своите напади врз цели поврзани со електричната мрежа и гасната индустрија на Украина, како што се приближува зимата во повеќе од 3 и полгодишната војна.
Масовниот напад врз Киев и другите центри минатата недела остави повеќе од еден милион домаќинства и бизниси привремено без електрична енергија низ целата земја. Снабдувањето со вода беше исто така прекинато.
Европа
Неколку возови во Украина запрени поради закани за бомба
Анонимни закани со бомби повторно го нарушија железничкиот сообраќај низ Украина, соопштија вчера властите.
Полицијата соопшти дека патнички воз што се движел кон Запорожје бил принуден да застане во селото Бурштин, каде што патниците биле евакуирани на безбедно растојание додека експерти и кучиња трагачи ги пребарувале вагоните за експлозиви. Откако добиле дозвола за патување, возот го продолжил своето патување.
Според новинската агенција УНИАН, неколку други возови во различни региони исто така биле запрени и проверени по слични закани. Меѓу нив била и линијата Днепар-Будимпешта што ја поврзува Украина со Унгарија.
Слични инциденти се пријавени во последните денови, иако не се пронајдени експлозивни направи во ниту еден од засегнатите возови, вклучително и на меѓународните линии. Сепак, превентивните проверки предизвикаа доцнења. Властите досега не дале информации за можните мотиви или потекло на заканите.
фото: принтскрин
Европа
(Видео) Големо невреме во Шпанија: црвен аларм, поплавите носат сè пред себе
Големи поплави предизвикани од обилни дождови го погодија североисточниот шпански регион Каталонија заробувајќи десетици луѓе во нивните возила, соопштија локалните власти, пренесе Би-би-си.
Destructive flooding right now in Godall, Tarragona Province, Catalonia, Spain.
pic.twitter.com/iLik2HbjXj— #كابتن_غازي_عبداللطيف (@CaptainGhazi) October 12, 2025
Драматични снимки кружат на социјалните мрежи на кои се гледаат порои од каллива вода што се движат низ градовите Ла Рапита и Санта Барбара во покраината Тарагона, носејќи сè на својот пат.
#NSTTV Severe flooding has hit Spain’s Catalonia region after torrential rain triggered red alerts, trapping residents, halting trains and prompting mass safety warnings.
Read more at: https://t.co/TeLSOE5D6q pic.twitter.com/fnatpjaHZH
— New Straits Times (@NST_Online) October 13, 2025
Лошото време ја натера националната метеоролошка агенција на Шпанија АЕМЕТ да издаде црвена тревога, највисоко ниво, за крајбрежниот регион. Досега нема извештаи за жртви или повредени.
Devastating flooding is currently occurring in La Ràpita, Montsià, Catalonia, Spain.
📷 Jamila Moussaoui Jannati pic.twitter.com/1nVKHo7VXC
— Renalee (@rena_lynnx) October 13, 2025
Каталонската агенција за цивилна заштита апелираше до жителите на делтата на реката Ебро во Тарагона да не ги напуштаат своите домови. AEMET предупреди дека во областа може да наврнат до 180 милиметри дожд за само 12 часа.
фото: принтскрин
Почина Панчо од ДНК
Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што доби сериозни...
Извештаи за примени донации доставиле 35 отсто од учесниците во изборната кампања
Во согласност со Изборниот законик, учесниците во изборната кампања за локалните избори 2025 година имаат обврска да поднесат извештаи за...
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
„ЈО и Коцевски да одговорат дали дискотеката „Пулс“ платила 40.000 евра, дали Спасовски ја спасил од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или...
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс икс“ на Маск ја лансира единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области,...
Трамп го потпиша мировниот договор за Газа: „Поминаа 3.000 години за да се стигне до ова“
Американскиот претседател Доналд Трамп го потпиша првиот мировен план за Газа, изјавувајќи при потпишувањето: „Поминаа 3.000 години за да се...
ЕУ отвора центри за вештачка интелигенција во Македонија и Србија
Претседателката на Европската комисија, Урсула фон дер Лајен, денеска најави дека Европската унија ќе отвори две „ВИ фабрики“ (центри за...
Поранешен дечко со оружје дошол пред домот на девојка во Гевгелија, полицијата го спречила
Полицијата во Гевгелија денеска спречи обид за убиство на девојка од нејзиниот поранешен партнер. Според информациите на Министерството за внатрешни...
Алиу лично е за токсиколошка проверка да биде законска за сите лекари, но не знае дали правно може да се дефинира
Министерот за здравство Азир Алиу лично смета дека треба да се додаде законска обврска за токсиколошки анализи на сите лекари...
Јован Божиновски назначен за нов директор на Клиникaта за неврологија, соопшти Алиу
Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен...
Ѓорѓиевски дискотеките ќе ги извади на периферијата, младите брачни двојки ќе бидат 100 % ослободени од комуналии ако градат куќа
Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо...
Новата грејна сезона официјално почнува на 15 октомври: испораката на топлинска енергија ќе зависи од атмосферските услови
Од 15 октомври, официјално почнува грејната сезона 2025/2026 година за сите потрошувачи приклучени на системот за централно греење во градот...
Инспектор од Тетово уништувал докази во постапка против неговиот син кој бил уапсен за трговија со дрога
Полицијата поднесе кривична пријава против двајца инспектори од Отсекот за недозволена трговија со дрога и оружје при СВР Тетово за...
Граѓаните да се пријавуваат на vakcinacija.mk за вакцинирање против сезонскиот грип
Во тек е дистрибуција на вакцините против сезонски грип низ јавните здравствени установи, граѓаните може да се пријавуваат на апликацијата...
На полноќ завршува објавувањето резултати од анкетите за локалните избори
Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, резултатите од испитувањата на јавното мислење...
