Европа
Путин го потпиша указот за посебните економски мерки против Турција
Рускиот претседател Владимир Путин го потпиша во саботата вечерта указот за воведување посебни економски мерки за Турција, како одговор на турското уривање на рускиот борбен авион во вторникот на сириско-турската граница за што Москва очекуваше извинување од Анкара, кое и покрај помирливите тонови во саботата, сепак не дојде.
„Претседателот на Русија, Владимир Путин, го потпиша Указот ’За мерките за осигурување на националната безбедност на Руската Федерација и заштита на граѓаните од криминални и други нелегални активности и за примената на специјалните економски мерки против Турција“, се вели во соопштението што го објави Кремљ.Указот беше објавен и веднаш стапи на сила во саботата, 28-ми ноември, и се наведува дека ќе биде на сила до укинувањето на тие мерки.Целта на овие мерки на руската влада чија цел е „да се гарантира националната безбедност и безбедноста на руските граѓани“, откако претходно во петокот министерот за надворешни работи Сергеј Лавров изјави дека Русија е многу загрижена за зголемувањето на терористичките закани во Турција и оти тоа е директно поврзано со безбедноста на Руската Федерација, зашто преку Турција се одвива најголемиот проток на милитанти во сите насоки.Мерките опфаќаат забрана за чартер летовите меѓу Русија и Турција, забрана за вработување на турски работници кај руски работодавачи и забрана за увоз на некои руски стоки, се наведува во одлуката што ја објави Кремљ.Од 1-ви јануари 2016 година руските работодавачи „повеќе нема да можат да вработуваат (…) турски државјани“, се истакнува во указот со кој се ограничува и можноста за работење на „организација во турска правна надлежност“ на руска територија. Се предвидува, исто така, без да се наведе временскиот рок, „забрана или ограничување на некои видови стоик од Турција“, според пописот кој го подготвила руската влада, чија содржина не е објавена, за разлика од објавувањето на контрамерките кон Европската унија, САД и другите западни земји по воведувањето на нивните санкции.Според соопштението на Кремљ, Путин ја задолжил владата да „изработи список со стоки и услуги за коишто економските мерки (…) нема да се применуваат“.Путин, покрај тоа, „побара од руската влада (…) да донесе мерки за забрана на чартерскиот воздухопловен сообраќај меѓу Русија и Турција“, а руските туристички агенции треба „да се воздржат на руските граѓани да им нудат производи кои вклучуваат посети на Турција“. Според некои претходно процени, ваквата мерка може да претставува сериозен удар на турскиот туристички сектор, кој од неколкуте милиони руски туристи минатата година остварил приход од повеќе од 4 милијарди долари.Покрај тоа, „од безбедносни причини“, кон турските воздухопловни компании ќе се применуваат построги контролни мерки на руска територија. Со указот и официјално се потврдува воведувањето на визниот режим за Турците, како што во петокот најави Лавров, мерка којашто ќе се применува од 1-ви јануари.Досега одличните односи меѓу Москва и Анкара кои резултираа со големи договори во енергетската сфера со којашто е дефицитарна Турција, западнаа во сериозна криза откако турските ловци во вторникот соборија руски бомбардер на сириско-турската граница, од руската воздушна флота која дејствува против терористичката организација Исламската држава. Русија е гневна и ја обвинува Турција дека ја помага Исламската држава и бара извинување кое турскиот претседател Реџеп Тајип Ердоган не ја даде, но порача дека такви иднини нема да се повторат и оти се надева дека веќе во понеделник ќе има можност да се сретне со Путин за да разговараат за деескалација на тензиите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
12 отсто од вработените на Клинички ќе паркираат на пет минути пеш за да им се олесни пристапот на пациентите, најави Алиу
Триста вработени од вкупно 2.500 на Клиничкиот центар Мајка Тереза од 1 јули ќе можат да ги паркираат своите возила...
Хаос во хотел во Лазарополе: скопјанец фрлал предмети и нападнал сограѓанин
Дваесет и деветгодишен скопјанец, К.Ж. е приведен по инцидент што се случил синоќа во хотел во Лазарополе. Според информациите од...
Инжинери на Македонија: Глоба до 3.000 евра за ЕВН ако не овозможи визуелен пристап до броилото
Потрошувачите на електрична енергија имаат законско право на визуелен пристап до сопствените броила, а секое спречување на тој пристап од...
(Видео) Трамп: Целосно ги уништивме иранските комплекси, или ќе има мир, или нови напади
Американскиот претседател Доналд Трамп, во директното обраќање до нацијата, потврди дека американските сили извршиле напади врз три ирански нуклеарни постројки....
САД го нападнаа Иран
Американскиот претседател Доналд Трамп објави дека САД ги завршиле нападите врз три нуклеарни постројки во Иран, вклучувајќи ги Фордо, Натанц...
Протестираме за вашите деца оти утре ден не дај боже да се случи истото – татко кој загуби син ги повика кочанчани масовно да им се приклучат
Таткото кој го загуби синот во пожарот во дискотеката „Пулс“ во Кочани, го повика населението во градот масовно да излезе...
Скопјанец пијан ја тепал сопругата со чадор во Бутел, ползејќи и губејќи свест стигнала до дворот да повика помош
Семејно насилство во Бутел ја вознемири јавноста. Обвинителството поведе постапка против 54-годишен скопјанец кој во домот на улицата Бутелска ја...
ЗНАМ очекува до крајот на месецот да ги заврши преговорите со ВМРО-ДПМНЕ за взаемна поддршка на некои кандидати за градоначалници
ЗНАМ на локлните избори ќе настапи самостојно, како на советничките листи, така и за изборот на градоначалници, а со ВМРО-ДПМНЕ...
Вработениот во Народната банка се сомничи дека го зел синиот ранец со пиштолот со кој се убиени Вања и Панче, покрената е истрага
Обвинителството покрена истрага за помагање за З.Д., вработениот во Народната банка, член на партијата на Љупчо Палевски, Десна, кој беше...
Движењето со инвалидски колички во Скопје е можно само ако можат да летаат – активистите со провокативна акција
Група млади активисти и уметници под менторство на програмата за креативен активизам на Центарот за современи уметности реализираа впечатлива и...
Вештачката интелигенција постепено ќе навлезе во училиштата во Македонија, Јаневска подготвува документ со насоки
Во процесот на дигитална трансформација на образовниот систем, интеграцијата на вештачката интелигенција претставува следен, логичен чекор кој значително ќе го...
Ново апсење на патот Гостивар-Тетово: тетовец возел 190 километри на час, а дозволено е 80
Во текот на вчерашниот ден приведен е возач од тетовско кој управувал возило со брзина од 190 километри на час...
Израелскиот министер: Го убивме командантот на огранокот на Иранската револуционерна гарда
Министерот за одбрана на Израел, Израел Кац изјави дека израелската армија го убила командантот на меѓународниот огранок на Иранската револуционерна...
Земјотрес во Охрид
Земјотрес со јачина од 2,4 степени според Рихеровата скала бил почувствуван синоќа во Охрид и околината. Според информациите на сеизмолошкиот...
Детали за несреќата во Охрид: возачот немал дозвола, поминал преку кружниот тек и на тротoар ја прегазил жртвата
Основното јавно обвинителство Охрид отвори истрага против две лица за тешки дела против безбедноста на луѓето имотот во сообраќајот, во...
СДСМ објави 19 кандидати за градоначалници, меѓу нив и познати имиња
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
Вишиот јавен обвинител казнет, намерно и неоправдано направил крупни професионални грешки
Комисијата за утврдување на дисциплинска одговорност на јавен обвинител одлучи дека Вишиот јавен обвинител на Вишото јавно обвинителство Скопје и...
