Европа
Путин не верува во војна со Украина
Рускиот претседател Владимир Путин изјави дека не е веројатно дека ќе дојде до војна со Украина, но го предупреди Киев својот пораз во судирот со бунтовниците во источните региони да не го оправдуваат со наводно руско воено мешање и поттикнување на конфликт меѓу двете земји.
„Мислам дека такво апокалиптично сценарио е малку веројатно и се надевам дека до тоа никогаш нема да дојде“, изјави претседателот Владимир Путин на прашање од државната телевизија
Тој ги критикуваше, како што рече, обидите на украинските функционери од безбедносната сфера да го „оправдуваат својот пораз“ во источна Украина и да тврдат дека станува збор за руско-украински конфликт.
„Многу е лошо да се прави обид да се оправдува поразот и да се прават обиди вината за тоа да се фрли врз Русија. Меѓутоа, најлошото е што тоа претставува поттикнување на конфликт меѓу Украина и Русија“, предупреди Путин и притоа тој се осврна на изјави кои доаѓаат од виски политички личности на Украина, вклучително и од високи офицери на украинската армија. „
Речиси постојано од избувнувањето на конфликтот во источна Украина ланскиот април, прозападните власти во Киев, како и највисоки американски лица и функционери на НАТО ја обвинуваат Русија дека финансиски и воено, со техника и борци, па дури и со регуларни единици ги помага рускојазичните бунтовници. Москва решително ги отфрла овие обвинувања и секогаш истакнува дека за тие треба да бидат аргументирани со веродостојни докази, дека станува збори за внатрешен украински конфликт и оти таа е заинтересирана за надминување на длабоката политичка и економска криза во соседната земја.
Путин, исто така, рече дека не гледа неопходност од организирање нов состанок тон Минск 3, со челниците на Украина, Франција и Германија за решавање на судирите во источна Украина. „Доколку се почитуваат договорите од Минск за прекин на огнот во источна Украина и повлекување на тешкото вооружување од боиштето, тоа е патот кон нормализација на состојбата во регионот“, оцени рускиот претседател.
Истовремено истакна дека за исполнување на споменатите договори Европа „не е повеќе заинтересирана отколку што е Русија“. „Никому не му е потребен конфликт на периферијата на Европа, особено вооружен“, рече Путин.
Путин ги повика властите во Киев да сторат сé „за во оваа голема европска земја“ животот да се врати во нормала, како и да го решат односите со југоистокот на земјата „на цивилизиран начин“.
Според него извесна недоверба сé уште e присутна во односите со челниците на Германија и Франција, но дека тие најверојатно ќе стекната доверба во Русија попрво отколку што ќе ја загубат.
„Апсолутна доверба не може да се најде ниту во едно семејство, а на меѓународно ниво тоа е уште потешко, но ми се чини дела ние се разбираме меѓусебно и генерално имаме доверба еден во друг, иако, се разбира, одреден елемент на недоверба уште има“, рече Путин..„Но јас сè уште ја имам претставата за тоа дека нашите партнери повеќе имаат отколку што немаат доверба во нашата искреност“, истакна рускиот челник.
Но Путин забележува што европските лидери „ги игнорираат нацистичките сигнали“ кои се забележуваат во украинскиот конфликт, а истовремено го охрабрува тоа што според неговата оцена тие се „искрено заинтересирани“ за решавање на ситуацијата.
„Тие се трудат да не го забележат тоа“, рече рускиот претседател одговарајќи на прашањето дали му успеало да им го сврти вниманието на своите европски колеги на националистичката идеологија која се слави во Киев.
„Но без оглед на тоа што јас би го забележал, ми се чини дека кај нив има искрена желба да се пронајдат компромисни решенија коишто ќе доведат до конечното решение“, рече Путин.
Во врска со тоа, истакна дека со членот од договорот од Минск за неопходноста од децентрализација на власта, односно со неговата фуснота, се разјаснува што се подразбира под тоа. „Авторите на таа забелешка се нашите француски и германски колеги, и тоа јасно зборува за нивната искрена намера да се изнајдат компромисите за коишто зборував“, рече рускиот претседател.
Путин во истото интервју истакна дека ги одржува контактите со украинскиот претседател Петро Порошенко, но понекогаш е „крајно изненаден“ од изјавите на украинското раководство, особено од неодамнешните обвинувања дека администрацијата на Кремљ стои зад настаните на Мајдан од февруари минатата година.Во петокот украинскиот претседател Петро Порошенко изјави дека полициски докази наводно покажуваат дека советникот на рускиот претседател Владислав Сурков управувал со „странските снајперисти“ коишто во февруари минатата година убиваа демонстранти и полицајци на протестите во Киев со кои беше соборен претседателот Виктор Јанукович.
„Го одржува контактот (со Порошенко). Понекогаш се прашувам колку се одушевува од јавните изјави украинското раководство, на пример за тоа дека нашата администрација била вмешана во трагичните настани на Мајдан пред една година година – тоа е апсолутна глупост, многу далеку од реалноста, дури и зачудува од каде може да потекнува“, рече Путин.
„Понекогаш слушам дека таквите изјави се базирани на неточни податоци од специјалните служби, но јас би молел да се биде повнимателен во искористувањето на таквите сведоштва кои се ставени на масата на моите украински колеги“, порача Путин./крај/нф/сн
Извор: ВГТРК
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Колапсот на Украина би бил катастрофа за Унгарија
Унгарскиот премиер Виктор Орбан изјави дека колапсот на Украина би бил катастрофа за Унгарија и дека мора да се направи сè за да се спречи тоа.
Тој ја испрати пораката во неделата за време на говорот во Сегед како дел од својата предизборна турнеја, каде што се соочува со силна опозиција пред претстојните избори прв пат по 15 години на власт, пренесува „Евроњуз“.
„Немојте да се залажувате: колапсот на Украина би бил катастрофа за Унгарија. Затоа колапсот на Украина не е во интерес на Унгарија, но ние мора да направиме многу за да го спречиме“, им рече Орбан на своите поддржувачи фокусирајќи се на надворешната политика.
Тој го илустрира својот став со споредба: „Луѓето од село совршено добро разбираат дека вредноста на вашето парче земја е под влијание не само на состојбата на таа земја туку и на состојбата на соседното парче земја, како и на тоа кој живее таму“.
Клучен снабдувач со енергија
Орбан исто така истакна дека Украина зависи од Унгарија за 44 % од својата електрична енергија и 56 % од природниот гас што го троши. Тој додаде дека значителен дел од оваа енергија доаѓа од руски извори. Унгарските власти претходно ги наведоа овие бројки како одговор на критиките за блиските врски на Унгарија со Русија.
💥 “It’s not clear who attacked whom,” Hungarian PM Viktor Orbán said today at a presser on the Russia–Ukraine war, after an EU summit where he opposed any financial help for Ukraine. He’s escalating his rhetoric, for the first time openly questioning that Russia started the war. pic.twitter.com/liuQGa0Dsm
— Szabolcs Panyi (@panyiszabolcs) December 19, 2025
Еден ден претходно, унгарскиот премиер коментира за руската инвазија на Украина наведувајќи дека е „тешко да се каже кој кого нападнал“, што е спротивно на преовладувачкиот меѓународен став за војната.
Во својот говор во саботата тој исто така го повтори својот став дека обезбедувањето воена помош за Украина само го продолжува конфликтот и, според него, не им служи на интересите на Украина.
Европа
„Асошиетед прес“: Русија наводно развива ново оружје за уништување на сателитите „Старлинк“
Разузнавачките агенции на две членки на НАТО се сомневаат дека Русија развива ново антисателитско оружје дизајнирано да ја нападне констелацијата „Старлинк“ на Илон Маск со деструктивни облаци од шрапнели во орбитата, со цел да ја ограничи западната вселенска супериорност, што ѝ помогна на Украина на бојното поле, објавува „Асошиетесд прес њуз“.
Според разузнавачките информации, во кои увид имал „Асошиетед прес“, таканареченото оружје со зонски ефект би се обидело да ги преплави орбитите на „Старлинк“ со стотици илјади топчиња со висока густина, потенцијално онеспособувајќи повеќе сателити одеднаш, но исто така ризикувајќи катастрофална колатерална штета на други орбитални системи.
Аналитичарите што не ги виделе извештаите изразуваат сомнеж дека таквото оружје би можело да функционира без да предизвика неконтролиран хаос во вселената за компаниите и земјите, вклучувајќи ги Русија и нејзиниот сојузник Кина, кои се потпираат на илјадници сателити во орбитата за комуникации, одбрана и други витални потреби.
Ваквите последици, вклучувајќи ги и ризиците за сопствените вселенски системи, би можеле да ја одвратат Москва од распоредување или користење такво оружје.
Сомнежи на експертите
„Не верувам во тоа. Навистина не верувам во тоа“, рече Викторија Самсон, експерт за вселенска безбедност во фондацијата Secure World. „Искрено, би била многу изненадена ако направат нешто такво“.
Сепак, командантот на вселенската дивизија на канадската војска, бригаден генерал Кристофер Хорнер, рече дека таквата руска работа не може да се исклучи во светлината на претходните американски обвинувања дека Русија исто така развива неселективно нуклеарно оружје базирано во вселената.
„Не можам да кажам дека сум свесен за таков систем. Но, тоа не е неверојатно“, рече тој. „Ако извештаите за систем на нуклеарно оружје се точни и ако се подготвени да го развијат и да одат до тој степен, тогаш не би бил шокиран ако нешто малку помало од тоа, но еднакво штетно, е во нивниот дофат на развој“.
Портпаролот на Кремљ, Дмитриј Песков, не одговори на барањата за коментар. Русија претходно повика на напори на Обединетите нации за спречување поставување оружје во орбитата, а претседателот Владимир Путин рече дека Москва нема намера да постави нуклеарно оружје во вселената.
„Старлинк“ како клучна закана
Според разузнавачките информации, Русија го смета „Старлинк“ за особено сериозна закана. Илјадниците сателити во ниска орбита беа клучни за опстанокот на Украина против руската инвазија, која сега е во четвртата година.
Украинските сили ја користат брзата интернет-услуга на „Старлинк“ за комуникации на бојното поле, таргетирање оружје и други цели како што прават и цивилите и владините претставници, каде што руските напади ги прекинаа комуникациите. Руските претставници постојано предупредуваат дека комерцијалните сателити што ѝ служат на украинската војска би можеле да бидат легитимни цели.
Европа
Данската пошта ја прекинува доставата на писма по 400 години
По повеќе од 400 години традиција, данската поштенска служба „ПостНорд“ ќе го достави своето последно писмо на 30 декември, затворајќи важно поглавје во историјата на земјата.
Дигитализацијата ги затвора поштенските услуги
Претходно оваа година, „ПостНорд“ објави крај на доставата на писма во Данска, наведувајќи ја брзата дигитализација и драстичниот пад на обемот на поштата како главни причини. Во текот на изминатите 25 години, доставата на писма во земјата опадна за повеќе од 90 проценти. Како резултат на промените, компанијата ќе отпушти 1.500 работни места и ќе отстрани ист број од своите иконски црвени поштенски сандачиња.
Носталгичните Данци ги зграпчуваат поштенските сандачиња
Фактот дека на Данците сè уште им недостига стариот начин на испраќање пошта е потврден од неверојатниот интерес за купување расклопени поштенски сандачиња. Кога 1.000 од нив беа понудени на продажба претходно овој месец, тие се распродадоа за само три часа. Цената за поштенски сандачиња во добра состојба беше 2.000 дански круни (268 евра), додека оние со повидливи знаци на употреба беа продадени за 1.500 круни (201 евро).
Приватна компанија ја презема услугата
Иако „ПостНорд“ ја прекинува доставата на писма во Данска, ќе ја продолжи услугата во соседна Шведска и ќе понуди ограничени повратни средства за неискористени дански марки. Услугата за достава на писма во Данска ќе ја преземе приватната компанија „Дао“ од јануари.
Компанијата планира да ги прошири своите операции за да ја исполни законската обврска дека поштенската опција мора да остане достапна за сите граѓани.
Минималната плата ќе се зголеми во март за 1.500-2.000 денари, зголемување пред март ќе значи отпуштање работници, вели Дурмиши
Економско – социјалниот совет на денешната седница не се договори за зголемување на минималната плата барем на 500 евра, според...
На аеродромот во Скопје откажани се осум лета, а еден е пренасочен
Авиосообраќајот на Меѓународниот Аеродром Скопје се стабилизира, реализирани се 27 лета, откажани се осум лета, а еден е пренасочен, соопшти...
(Фото) Николоски: На автопатот Охрид – Кичево се вршат сложени инженерски зафати, кои првпат се користат во регионот
Првпат на автопатот Охрид-Кичево изведуваме сложени инженерски и градежни зафати и ова првпат се изведува во регионот, а се со...
Мисајловски: Буџетот за одбрана за 2026 е 358 милиони евра, што е 8,4 проценти повеќе од годинава
Стабилно буџетирање, дополнителен стимул во процесот на модернизација и целосното почитување и унапредување на правата и обврските кон вработените, се...
Мицкоски: Зголемувањето на минималната плата мора да биде резултат на заедничка согласност меѓу работниците и работодавците
Целта на Владата е да создаде посилна економија која отвора нови работни места и обезбедува достоинствен животен стандард за секој...
Трамп менува 30 амбасадори, меѓу кои и Агелер
Администрацијата на американскиот претседател Доналд Трамп заменува 30 дипломати од кариера од амбасадорски и од други позиции во амбасадите, меѓу...
Македонија трета во Европа по убиства на жени од партнер или член на семејство
Македонија се најде на третото место во Европа според стапката на убиства на жени извршени од партнер или член на...
(Видео) Руски генерал убиен во Москва
Руски генерал е убиен во експлозија во Москва, потврдија руските власти. Рускиот истражен комитет соопшти дека генерал-потполковник Фанил Сарваров е...
Американски државјанин истепал полицаец пред ноќен клуб во Градскиот парк: кај Американецот пронајдени поголемо количество оружје и муниција
Основното јавно обвинителство Скопје донесе Наредба за спроведување истражна постапка против американски државјанин со потекло од Нигерија, бидејќи по преземени...
(Видео) Сојузник на Трамп: Ако Путин го отфрли мировниот договор, мора да одиме до крај
Републиканскиот американски сенатор и сојузник на претседателот Доналд Трамп, Линдзи Греам, изјави дека Вашингтон треба драстично да го зголеми притисокот...
Батлер во Елисејската палата крадел садови и порцелан: сакал да ги продаде на интернет
Главниот послужувач задолжен за среброто во Елисејската палата е уапсен под сомнение за кражба на вредни садови и порцелан, а...
Трамп назначи специјален пратеник за Гренланд
Американскиот претседател Доналд Трамп вчера објави дека го назначува гувернерот на Луизијана, Џеф Ландри, за специјален пратеник за Гренланд. „Џеф...
Намалена видливост поради магла на неколку патни правци
Сообраќајот на државните патишта се одвива непречено, по претежно влажни коловози. Намалена видливост поради појава на магла до 200 метри...
Објавени имињата на сопружниците кои загинаа враќајќи се од Германија, братот на починатиот е во кома
Во тешка сообраќајна несреќа што се случи рано утрово на автопатот Белград- Ниш, во близина на клучката Умчари, две лица...
Доктор Беќаровски советува: Како да се заштитиме во денови на екстремно загадување
Во денови кога концентрациите на ПМ 2.5 и ПМ 10 честичките се енормно високи, а загадениот воздух станува сериозна закана...
МВР апелира до возачите да внимаваат поради маглата
Министерството за внатрешни работи (МВР) денеска упати апел до сите учесници во сообраќајот крајно внимателно да ги управуваат своите возила...
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
