Рускиот претседател Владимир Путин во вторникот од парламентот побара отповикување на одлуката со којашто се дозволува употреба на вооружените сили на Руската Федерација во странство а заштита на руското население, а подоцна Советот на Федерацијата соопшти дека е подготвен да гласа за укинување на одлуката за користење на армијата во Украина за тоа да не биде користено во „шпекулативни цели“ во преговорите меѓу Киев и украинските југоисточни региони, соопштија Кремљ и претседателот на парламентарната комисија за одбрана и безбедност Виктор Озеров.
 

Рускиот претседател Владимир Путин во вторникот од парламентот побара отповикување на одлуката со којашто се дозволува употреба на вооружените сили на Руската Федерација во странство а заштита на руското население, а подоцна Советот на Федерацијата соопшти дека е подготвен да гласа за укинување на одлуката за користење на армијата во Украина за тоа да не биде користено во „шпекулативни цели“ во преговорите меѓу Киев и украинските југоисточни региони, соопштија Кремљ и претседателот на парламентарната комисија за одбрана и безбедност Виктор Озеров.

„Претседателот Владимир Путин пред членовите на горниот дом на рускиот парламент побарал поништување на споменатата одлука усвоена на 1-ви март за дејствување на руската војска на украинска територија“, изјавил советникот на претседателот Дмитриј Песков, појаснувајќи дека таквата одлука е донесена за да се нормализира ситуацијата во Украина.

Путин барањето го формулираше во писмо упатено до горниот дом на парламентот непосредно пред заминувањето во официјална посета на Австрија во вторникот.

Претставник на горниот дом, Андреј Ломов за агенцијата Интерфакс изјави дека пратениците уште во сред ќе ја отповикаат одлуката со којашто се дозволува воена интервенција во Украина.

Претседателот на Комисијата за одбрана и безбедност на Советот на федерацијата, Виктор Озеров, пак, за РИА Новости изјавил дека комисиите за надворешни работи и за уставни прашања ќе одржат заедничка седница на којашто ќе го разгледаат обраќањето на претседателот Путин во средата претпладне пред пленарната седница.

„Ситуација во Украина уште целосно не е стабилизирана, но сега треба да започне мировниот дијалог меѓу официјален Киев и југоисточниот дел на земјата. Присуството на резолуцијата на Советот на Федерацијата може да се искористи за шпекулативни цели како кочница во овие преговори“, изјави Озеров.

Истакнал и дека Русија има право да очекува дека по донесувањето на одлуката за укинување на споменатата резолуција на Советот на Федерацијата ќе „мора да биде проследено со соодветни чекори од страна на Киев – прекин на борбените дејствија не само до 27-ми јуни, туку и во иднина“. „Се надеваме дека повлекувањето на согласноста за употребата на вооружените сили ќе претставува катализатор на мировните преговори“, истакнал рускиот сенатор.

Озеров, исто така, истакнал дека претходното носење на резолуцијата за користење на руските сили во Украина „ја одиграло својата ролја во стабилизација на општествено-политичката ситуација во Украина и на Крим како фактор на одвраќање“ на употреба на сила.

Кон крајот на минатата седмица украинскиот претседател Петро Порошенко нареди прекин на огнот на сите единици коишто се вклучени во операцијата во проруските региони во источна Украина и го презентираше мировниот план во 15 чекори. Рускиот претседател Владимир Путин го поздрави предлогот на Порошенко но нагласи дека вистинскиот прекин на судирите и почетокот на директните преговори меѓу спротиставените страни е најголемиот приоритет за нормализација на ситуацијата во регионите на југоистокот од Украина.

Во понеделникот навечер по состанокот на „контактната група“, која ги вклучува поранешниот украински претседател Леонид Кучма, рускиот амбасадор во Киев и претставник на Организацијата за безбедност и соработка во Европа (ОБСЕ), бунтовнички челници во двата проруски региони во југоисточна Украина се согласија на прекин на огнот со украинските сили до петок, 27-ми јуни.

Претходно прорурските бунтовници одговорија дека се сомневаат во искреноста на понудата на Порошенко да го предадат оружјето, истакнувајќи дека и поранешниот претседател Виктор Јанукович беше отстранет насилно од власта само еден ден откако го потпиша документот за надминување на повеќемесечните протести и насилства во Киев со тогашната прозападна опозиција во присуство како гаранти на шефовите на дипломатиите на Германија, Франција и Полска.

Руската дипломатија, пак, понудата на Порошенко до припадниците на проруските милиции да го положат оружјето и слободно да ја напуштат земјата го оцени како провиден обид за етничко чистење.

Порошенко досега го одбивапе директниот дијалог со челниците на побунетото население на што го поттикнува Москва, па консултациите коишто се одржаа во понеделникот се сметаат донекаде да им задоволат руските барања./крај/мф/сн

Извор: Макфакс