Европа
Путин повика на итен прекин на непријателствата во Украина
Рускиот претседател Владимир Путин смета дека е неопходно многу брзо да запрат воените дејствија во Украина за да се обезбеди подготовка на целото население за претстојната зима. Рускиот челник ја даде изјавата во интервјуто емитувано во неделата на првата програма на државната телевизија во кое се осврна и на односите со украинскиот претседател Петро Порошенко и на кризата во односите со Европската унија и САД.
Рускиот претседател Владимир Путин смета дека е неопходно многу брзо да запрат воените дејствија во Украина за да се обезбеди подготовка на целото население за претстојната зима. Рускиот челник ја даде изјавата во интервјуто емитувано во неделата на првата програма на државната телевизија во кое се осврна и на односите со украинскиот претседател Петро Порошенко и на кризата во односите со Европската унија и САД.
„Според мене, освен Русија за тоа веќе никој не размислува. Првиот и основен услов е прекинот на непријателствата и итно започнување на обновување на инфраструктурата. Треба да започне подготвувањето на неопходните резервите, да се спроведат потребните поправки, да се регулира функционирањето и да се изврши подготовка за есенско-зимскиот период“, рече рускиот претседател Владимир Путин.
Покрај тоа, Путин ги повика украинските власти да започнат преговори за политичката организација на тамошното општество во југоисточните региони, каде што инаку е мнозинско рускојазичното население. „Неопходно е да бидеме посветени на спроведување на планот за којшто се договоривме“, рече рускиот челник.
„Веднаш треба да се започне со суштински преговори, а не за технички прашања, туку за прашањата за политичкото организирање на заедницата и државата во југоисточниот дел од Украина за безусловно да се обезбедат законските интереси на населението кое таму живее“, истакна Путин.
Според него, украинската криза станала лекција за сите, вклучително и за западот, во иднина сличните прашања што се појавуваат да бидат решавани на мирен начин.
Во врска со разговорите во белоруската престолнина Минск претходно седмицава на самитот на Царинската унија, Украина и Европската унија и неговиот повеќе од двочасовен разговор со украинскиот колега Петро Порошенко зад затворени врати, Путин вели дека било договорено ситуацијата во Украина да биде решена мирно, по пат на преговори, а грешките како што се насилните заземања на власта никогаш да не се повторат.
„Сметам дела ова е многу добар урок за сите нас, за тоа дека оваа трагедија мора да се заврши што е можно поскоро, по мирен и по пат на преговори, и за тоа патем се согласивме со (украинскиот претседател Петро Алексеевич (Порошенко) , како и за тоа никој никогаш да не повтори такви грешки, како што беа направени во Украина, за време на вооруженото преземање на власта (во февруари кога беше соборен претседателот Виктор Јанукович – з.р). Тоа е првичната причина на она што сега се случува“, вели Путин.
„Она што сега се случува во Украина, според мене, е апсолутно природна реакција на луѓето коишто живеат таму и се борат за своите права. Тие први не посегнаа по оружјето“, потсети рускиот челник и додаде дека „Тоа е резултат на драматичниот развој на внатрешно политичката ситуација, и неопходно е да се почитуваат нивните легитимни права“.
Според Путин, „кога против луѓето ќе се користат лансери на проектили, тешко дека може да се очекува дека тие ќе седат со скрстени раце и ќе чекаат да бидат испоубиени“.
„Треба да се има предвид дека Русија не може да остане рамнодушна на тоа дека луѓето се гаѓаат насекаде“, рече Путин појаснувајќи дека има предвид „не раководството на земјата, туку рускиот народ“.
„Соодветната реакција, во крајна линија, е неизбежна, бидејќи таму живеат роднини и пријатели (…) и сите кои се инволвирани во планирањето на тоа на Западот или во други земји, мора да бидат барем еден чекор понапред и да ги пресметаат последиците од тоа што го прават“, порача Путин.
Рускиот претседател, исто така, рече дека е задоволен од средбата со украинскиот колега. „Средбата беше многу добра, така ми изгледа, тој е сосема искрен. Петро Алескеевич, според мене, е партнер со кој може да се води дијалог“, оцени. „Но, се разбира, ние би сакале сé, за што се договоривме, да биде заживеано“, рече Путин.
Сепак, рускиот претседател не очекува брзо завршување на украинската криза, бидејќи во соседната земја наскоро ќе започне предизборната кампања. „Проблемот е во тоа што земјата влегува во предизборен циклус и сите учесници во парламентарната трка веќе сакаат да ја демонстрираат својата крутост“, појасни Путин.
„Сите сакаат да покажат дека тие се силни девојки и момци, и во таквите околности, во услови на разгорување на политичката борба, тешко е да се смета дека ќе се најдат луѓе кои јасно и доследно ќе ја искажат својата позиција во потрагата по мирно а не воено решение на проблемот“, рече рускиот челник и додаде дека Москва „сепак, се надева на најдоброто“.
Притоа Путин одби да дава предвидувања за тоа како ќе се надмине кризата во Украина. „Тоа во голема мера зависи од политичката волја на сегашното украинско раководство“, рече.
Во однос на заострените односи со Западот, претседателот на Русија рече дека западните земји коишто ја поддржуваат воена операција во југоисточните рускојазични региони на земјата, треба да се потсетат на европските демократски вредности.
„Во што се состојат ткн европски вредности“, запраша Путин, истакнувајќи дека украинските вооружени сили директно ги гаѓаат градовите во југоистокот.
„Поддржувањето на државниот преврат, вооруженото преземање на власта и потиснување на несогласувањата со помош на вооружените сили, тоа ли се современите европски вредности?“, повтори Путин, одговарајќи на прашањето за реакциите на американскиот претседател Барак Обама и германската канцеларка Ангела Меркел.
„Мислам дека нашите колеги мора да ги потсетиме на сопствените идеали“, рече Путин. Порача дека оние коишто сметаат дека бунтовниците кои се подложени на гаѓања нема да дејствуваат „им робуваат на некакви илузии“./крај/мф/сн
Извор: Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Фото) Лидерите на девет земји од ЕУ пристигнаа во Киев
Лидерите на девет европски земји пристигнаа во Киев утрово, на четвртата годишнина од почетокот на целосната инвазија на Русија врз Украина. Лидерите на Данска, Естонија, Финска, Исланд, Латвија, Литванија, Норвешка, Шведска и Хрватска пристигнаа во украинската престолнина.
I was glad to welcome our Croatian friends to Kyiv, Prime Minister @AndrejPlenkovic and my colleague @grlicradman. We are grateful to friendly Croatia for its support and solidarity. Thank you for being with us on this symbolic date. pic.twitter.com/yeaZXPSRCn
— Andrii Sybiha 🇺🇦 (@andrii_sybiha) February 24, 2026
Украинскиот министер за надворешни работи Андриј Сибиха објави порака за добредојде до сојузниците на социјалната мрежа Икс.
„Добредојдовте во Киев, драги сојузници, и ви благодарам што денес стоите со Украина, како што правевте за време на четири години брутална руска тотална војна. 24 февруари 2022 година засекогаш ја подели историјата на Европа на ‘пред’ и ‘после’. Симболично е што раководството на ЕУ е со нас денес“, рече Сибиха.
Welcome to Kyiv, dear allies, and thank you for standing with Ukraine today and throughout four years of Russia’s brutal full-scale war.
I was glad to welcome @EU_Commission President @vonderleyen and @eucopresident Antonio Costa at the Kyiv Central.
February 24th, 2022, has… pic.twitter.com/p9v1YJMxOc
— Andrii Sybiha 🇺🇦 (@andrii_sybiha) February 24, 2026
Сибиха ги пречека сојузниците на централната железничка станица во Киев.
„Задоволство ми е што ги пречекувам лидерите на нордиско-балтичките Г8, нашите вистински и блиски сојузници во одбраната на слободата, правдата и вистината. Ви благодарам за вашата силна и непоколеблива поддршка за Украина и нашите заеднички европски вредности и принципи“, напиша тој.
Претходно беше објавено дека претседателката на Европската комисија, Урсула фон дер Лајен, и претседателот на Европскиот совет, Антонио Коста, исто така пристигнаа во Киев. Советот на Европа, исто така, ќе ја одбележи четвртата годишнина од почетокот на руската инвазија со низа настани во знак на солидарност со украинскиот народ.
Европа
(Видео) Зеленски го покажа својот бункер од почетокот на војната и им испрати порака на Украинците
Украинскиот претседател Володимир Зеленски објави видео порака по повод четвртата годишнина од почетокот на целосната инвазија на Русија врз Украина, потсетувајќи се на првите денови од војната, жртвите на руската агресија и силата на украинските војници и целиот народ.
Во видеото, тој ја покажа и внатрешноста на бункерот на улицата Банкова во Киев, од каде што им се јавил на светските лидери и побарал оружје во раните денови од војната.
„Денес се навршуваат точно четири години откако Путин го започна својот тридневен поход врз Киев. Самото ова многу кажува за нашиот отпор, за тоа како Украина се бореше цело време. Зад овие зборови стојат милиони наши луѓе. Зад овие зборови стои огромна храброст, неверојатно напорна работа, издржливост и долгиот пат по кој се движи Украина од 24 февруари“, рече Зеленски.
Во видеото, Зеленски ги покажа долгите ходници и канцеларии на бункерот каде што тој и стотици соработници одржуваа дневни воени брифинзи, телефонски повици и бараа решенија.
„Нашите луѓе не го кренаа белото знаме, туку го бранеа сино-жолтото. А окупаторите, кои мислеа дека тука ќе бидат пречекани од масите со цвеќиња, наместо тоа видоа редици пред регрутните центри. Нашиот народ избра отпор“, рече Зеленски.
„Нашите воини останаа непоколебливи, а цивилите ги бранеа градовите и селата, улиците и дворовите. Обичните луѓе буквално формираа човечки ѕидови, запираа колони од воени возила и заедно го покажаа единствениот правилен пат кон залутаната Русија“, се присети тој на првите денови од војната.
Тој, исто така, се потсети на првите жртви на руската агресија во Буча, Ирпин, Бородјанка, Мариупол и други градови, масовните гробници и нападите врз станбени згради и породилишта.
„Мажите не се борат вака. Луѓето не се однесуваат вака. Украинците нема да го заборават ова. Нека овие видеа ги видат сите што немаат грижа на совест, сите што сè уште му подаваат рака на руското зло и сè уште купуваат нафта од Путин“, рече претседателот.
Зеленски нагласи дека Украина поминала долг пат, од потпирање на донирани панцири до напредни системи како што се борбени авиони „Патриот“, „Ирис-Т“, „НАСАМС“ и „Ф-16“, како и сопствено оружје со долг дострел.
Украина денес произведува повеќе од 3 милиони беспилотни летала годишно, соборува стотици беспилотни летала „Шахед“ за една ноќ и е способна да спроведува големи операции.
Претседателот, исто така, им оддаде почит на паднатите украински бранители.
„Драги луѓе, силата што нè одржуваше сите овие години сте вие. Нашиот народ. Нашиот отпор сте вие. Украински мажи. Украински жени. Сите што не се откажуваат. Нашите очи можеби се уморни, но грбот не ни е скршен. Сакам да им се заблагодарам на сите што ја носат независноста на своите рамена. На секој воин за вашата сила. На вашите родители, вашите деца, вашите сопруги и сопрузи за нивната издржливост“, рече тој.
„Им се заблагодарувам на сите чија работа ја прави Украина посилна. На оние што враќаат светлина и топлина во нашите домови. На оние што лекуваат. На оние што волонтираат. На оние што предаваат. На оние што учат, на универзитети или во училишта, и кои го учат најважното нешто: да се биде човек, да бидат Украинци. Горд сум на вас. Верувам во секој од вас. Во сите вас на кои, без никакво претерување, имам чест да им кажам: Големи луѓе на голема Украина“, рече тој.
Тој додаде дека Украина се соочува со „најсуровата зима во историјата“, но дека „пролетта е за помалку од една недела“. „Путин не ги постигна своите цели. Тој не ги уништи Украинците. Тој не ја доби оваа војна. Ние ја зачувавме Украина и ќе направиме сè за да обезбедиме мир и правда“, заклучи Зеленски.
Европа
Фон дер Лајен и Коста пристигнуваат во Киев на годишнината од инвазијата
Претседателката на Европската комисија, Урсула фон дер Лајен, и претседателот на Советот, Антонио Коста, денес треба да пристигнат во Киев, каде што Украина ја одбележува четвртата годишнина од руската инвазија. Се очекува двајцата лидери на ЕУ да присуствуваат на комеморација со неколку европски лидери и да изразат солидарност со Украина.
Тие, исто така, планираат да посетат места оштетени од руските воздушни напади врз украинската енергетска инфраструктура. Сепак, посетата е во сенка на Унгарија и Словачка, кои ги блокираат новите санкции против Русија.
Унгарија, исто така, вчера стави вето на пакетот помош на ЕУ од 90 милијарди евра за Украина, од кои 60 милијарди евра се наменети специјално за нејзина одбрана од руска агресија. Се смета дека двете земји имаат најблиски односи со Москва меѓу земјите-членки на ЕУ.
На меѓународно ниво, францускиот претседател Емануел Макрон и британскиот премиер Кир Стармер организираат видеоконференција на таканаречената Коалиција на волните, во која е вклучена и Германија, за да ја одбележат годишнината. Високи политичари од ЕУ собрани во Киев, исто така, ќе учествуваат на конференцијата.
ДУИ обвинува за притисок врз судството: Изјавите на Филков за куќниот притвор се директно мешање во постапката
Демократската унија за интеграција (ДУИ) изрази длабоко незадоволство поради, како што наведуваат, заканите упатени кон судии и обвинители од страна...
Одземени лиценците за канабис на шест фирми: не им работеле камерите, немале обезбедување, едно имале на хартија друго во магацин
На шест од досега провери 13 компании им се одземени лицентие за одгледување канабис за медицински цели. Министерот за здравство,...
Битолчанец пријавен за обид за убиство на своите деца и напад врз полицајци
СВР Битола поднесе кривична пријава против В.Ф. (42) од Битола поради постоење основи на сомнение за сторени кривични дела „убиство“...
Ми се гади од лицемерието, Артан Груби во куќен притвор, јас 28 месеци во притвор: Јане Ченто за правосудните аршини
По одлуката на надлежните институции, поранешниот прв вицепремиер Артан Груби да биде ставен во куќен притвор со 24-часовен надзор, по...
Беким Сали во работна посета на Украина: „Изразена солидарноста и поддршката кон украинскиот народ“
Првиот вицепремиер и министер за европски прашања, Беким Сали, денес престојува во официјална работна посета на Киев, Украина, каде ќе...
Обвинителството за куќниот притвор на Груби: Се водиме исклучиво од законските основи
Јавното обвинителство како единствен и самостоен орган, при одлучувањето и предлагањето на мерките за обезбедување во сите случаи се води...
(Видео) Зеленски го покажа својот бункер од почетокот на војната и им испрати порака на Украинците
Украинскиот претседател Володимир Зеленски објави видео порака по повод четвртата годишнина од почетокот на целосната инвазија на Русија врз Украина,...
Артан Груби ќе одговара за милионскиот криминал, следува одговорност, велат од ВМРО-ДПМНЕ
По повеќе од година дена поминати во бегство на граничниот премин Блаце е приведен поранешниот вицепремиер во коалицијата на СДС...
„Али Ахмети чека политичка егзекуција од поранешниот најблизок соработник, Артан Груби знае премногу“, велат од ВЛЕН
„Стариот лисец Али Ахмети од вчера, од мајстор на политичкиот занает, стана ранет играч кој чека политичка егзекуција од поранешниот...
Штедачите на Еуростандард банка: Пет и пол години од пропаѓањето на банката, случајот сè уште нема судска разрешница
Поминаа повеќе од пет и пол години од пропаѓањето на Еуростандард банка, а случајот сè уште нема судска разрешница. Голем...
Зеленски: Вашингтон треба да биде со демократска земја која се бори против еден човек
Соединетите Американски Држави „треба да застанат покрај демократска земја која се бори против еден човек“, рече украинскиот претседател Володимир Зеленски,...
Ник Рајнер негираше вина по обвинението за убиството на мајка си и татко си
Ник Рајнер (32), син на познатиот холивудски режисер Роб Рајнер и фотографката Мишел Сингер Рајнер, се изјасни за невин во...
(Видео) Бомбашки напад во Москва: Убиен полицаец, двајца повредени
Еден полицаец беше убиен, а двајца други беа ранети во експлозија рано утрово во центарот на Москва, откако вооружен човек...
Германија: Нема да го молиме Путин
Германскиот министер за надворешни работи Јохан Вадефул изјави дека е начелно отворен за разговори со Москва за одржлив мир во...
Манделсон е ослободен со кауција: Полицијата продолжува со истрагата
Поранешниот британски амбасадор во Соединетите Американски Држави, Питер Манделсон, е ослободен со кауција неколку часа откако беше уапсен во понеделник...
Обвинителството бара замена од затворски во куќен притвор за Артан Груби
Основното јавно обвинителство Скопје побара мерката притвор за поранешниот вицепремиер Артан Груби да биде заменета со куќен притвор. Ваквата одлука,...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
МНР со апел: македонските државјани кои се наоѓаат на територијата на Мексико да го напуштат во првата безбедна прилика
Поради влошената безбедносна состојба во Мексико, Министерството за надворешни работи и надворешна трговија апелира до македонските државјани кои се наоѓаат...
(Видео) Кузеска за Груби: ДУИ го спасува Мицкоски
Секој што го прекршил законот мора да одговара. ДУИ го спасува Мицкоски. Му фрлија гума за спасување. После денешниот театар...
СДСМ e нервозeн поради апсењето на Груби, стравува од откривање афери, велат од ВМРО-ДПМНЕ
ВМРО-ДПМНЕ верува дека во СДСМ владее нервоза и фрустрација поради апсењето на поранешниот вицепремиер, Артан Груби и дека постои страв...
