Пред одржувањето на историскиот референдум за независност на Шкотска, на шкотската телевизија во вторникот навечер се случи првото телевизиско соочување меѓу челниците на кампањата за независност и на кампањата за останува на земјата во рамките на Велика Британија, а резултатите од повеќето истражувања на јавното мнение покажуваат дека и покрај расот на поддршката за независноста, мнозинството Шкоти во моментов не се за независност.
 

Пред одржувањето на историскиот референдум за независност на Шкотска, на шкотската телевизија во вторникот навечер се случи првото телевизиско соочување меѓу челниците на кампањата за независност и на кампањата за останува на земјата во рамките на Велика Британија, а резултатите од повеќето истражувања на јавното мнение покажуваат дека и покрај расот на поддршката за независноста, мнозинството Шкоти во моментов не се за независност.

Шкотските избирачи на 18-ти септември ќе одлучуваат дали ќе останат дел од Обединетото Кралство или ќе излезат од сојузот со Англија, меѓутоа анкетите покажуваат дека противниците на независноста се во значителна предност над оние коишто сакаат да ја прекината заедницата со Англичаните.

Во телевизиската дебата одржана во американски стил, кампањата Глас за независност на Шкотска од Лондон која ја заговара шкотскиот премиер Алекс Салмонд, додека останувањето на Шкотска во повеќе од 300 години стариот сојуз го бранеше поранешниот британски министер за финансии Алистер Дарлинг.

Во текот на дебатата Салмонд тврдеше дека независна Шкотска може да изгради поправедно и побогато општество. За британската влада рече дека премногу троши на нуклеарно оружје, и вети дека независна Шкотска нема да учествува во таа трка. „Никој не може подобро да ја води Шкотска од луѓето коишто во неа живеат и работи“, се обрати Салмонд на избирачите и порача дека на 18-ти септември ќе имаат „животна шанса која мора да ја искористат“.

Според истражувањето на јавното мнение на агенцијата Ipsos MORI, објавен пред почетокот на телевизиската дебата, поддршката за независност се искачала на 40 отсто, што е за четири отсто повеќе во однос на сличните анкети објавени во јуни, и е најголемата забележана поддршка на кампањата за независност.

Други анкети, пак, покажуваат дека кампањата за независност ја губи поддршката уште од крајот на март. Според нив, 54 отсто од гласачите се против независноста, што е исто како и во јуни, додека 7 проценти од избирачите сé уште не се сигурни како ќе гласаат.Шкотската национална партија (SNP) на Алекс Салмонд го освои мнозинството во шкотскиот парламент на изборите во мај 2011 година, што на овој харизматичен политичар му даде шанса да ги прекине врските со Лондон. Првичните анкети покажуваа дека околу 30 отсто Шкоти ја поддржуваа независноста, додека околу 50 отсто заговараат статус кво. Условите за референдумот се договорени со британската влада во октомври минатата 2012 година.

Шкотската национална партија (SNP) смета дека приходите од нафтата од Северното Море и локалната индустрија ќе овозможат напредок за независната Шкотска, меѓутоа другите партии застапени во парламентот во Единбург како и британската влада во Лондон велат дека загуби ќе претрпат и Шкотска и остатокот од Обединетото Кралство./крај/мф/сн

Извор: Reuters