Европа
Ренци потврди најмалку 120 мртви во потресот

Во силниот земјотрес кој во средата рано утрото ја погоди централна Италија загинале најмалку 120 луѓе и голем број се водат како исчезнати, изјави вечерта италијанскиот премиер Матео Ренци на прес-конференција.
„Најмалку 120 животи се уништени, но тоа не е конечниот број“, изјави Ренци во Рието, недалеку од настраданото подрачје, каде што накусо се појави пред прес-конференцијата. Италијанскиот премиер додаде дека уште 368 луѓе се повредени.
Ренци додаде дека 86 жртви се во регионот Лацио,а 34 во Марке, но предупреди дека е можно бројката да се зголеми. Само во Марке има 1.500 луѓе
Претходно информативната телевизија RAI News објави дека според сознанијата добиени од локалните власти бројот на жртвите моментално изнесува 129, како и дека околу сто луѓе се сметаат за исчезнати.
Италијанските медиуми пренесуваат дека во Арквата дел Тронто е спасено 18-месечно бебе, од една викендичка, чијашто мајка прежувувајќи го земјотресот од април 2009 година во Аквила со 300 жртви поради страшното искуство одлучила да се пресели во Асколи.
Во потресот со магнитуда од 6,0 според Рихтер кој разори најмалку три села во планинскиот предел североисточно од Рим, уништени се десетици објекти под чиишто урнатини има затрупано голем број луѓе, извести цивилната заштита, без прецизирање на бројката. Потрагата по исчезнатите трае и натаму и покрај темницата.
Земјотресот кој се случи во средата во 3,36 часот е најголемиот во Италија по 20-ти мај 2012 година, кога земјотресот со магнитуда од 6,0 меѓу Модена и Ферара однесе 25 животи.
Еден час по главниот удар следел уште еден со магнитуда од 5,4, како и педесетина кои можеле да се почувствуваат./крај/мф/сн
Извор: Ansa
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Стармер разговараше со Зеленски: „Ќе бидеме покрај Украина онолку долго колку што е потребно“

Британскиот премиер Кир Стармер разговараше со украинскиот претседател Володимир Зеленски откако Соединетите Држави и Русија се договорија да работат на ограничено примирје за енергетската инфраструктура во источноевропската земја разурната од војна.
Премиерот телефонски разговараше со украинскиот претседател во вторникот, по разговорите меѓу американскиот претседател Доналд Трамп и неговиот руски колега Владимир Путин за ставање крај на тригодишната војна.
Американските и руските лидери се согласија да работат на план кој ќе ги запре нападите врз украинската енергетска инфраструктура и може да го отвори патот за прекин на огнот во Црното Море, а потоа и целосен и одржлив крај на конфликтот.
Портпаролката на Даунинг стрит рече дека „премиерот разговарал со претседателот Зеленски оваа вечер“.
„Тие разговараа за напредокот што го постигна претседателот Трамп кон прекин на огнот во преговорите со Русија. „Претседателот Зеленски извести за ситуацијата на бојното поле, а премиерот ја повтори непоколебливата поддршка на Обединетото Кралство (за Украина).
Стармер претходно го поздрави „напредокот што го постигна претседателот Трамп кон прекин на огнот“. Портпаролката додаде дека „овој процес мора да доведе до праведен и траен мир во Украина“.
„Ќе стоиме покрај Украина онолку долго колку што е потребно за да се осигураме дека Русија никогаш повеќе нема да започне нелегална инвазија“.
Зеленски рече дека ќе ги поддржи напорите на САД да ги запрат нападите врз енергетската мрежа на неговата земја, според извештаите на медиумите. Но, украинскиот лидер исто така рече дека се надева дека ќе може да разговара со Трамп за да разбере што разговарал со рускиот лидер.
Нападите врз енергетската мрежа на Украина се дел од инвазијата на Москва, а руските сили постојано напаѓаа електрани и друга инфраструктура. Западните земји, вклучително и ОК, ја осудија Русија за напади врз електрани кои произведуваат електрична енергија за украинското население, иако Кремљ негира дека имало такви напади.
Европа
Градоначалникот на Истанбул под истрага за корупција

Турските власти наредија притвор на градоначалникот на Истанбул Екрем Имамоглу и на околу стотина други лица, меѓу кои и новинари и бизнисмени, како дел од истрагата за корупција, објави порталот Сабах.
Советникот за медиуми на градоначалникот Мурат Онгун во раните утрински часови денеска на социјалната платформа Икс напиша дека Имамоглу е приведен, за што не се наведува причина.
Имамоглу на Икс рече дека стотици полицајци се надвор од неговата куќа, додавајќи дека тој нема да се откаже, туку ќе се исправи пред притисокот. Според снимките во живо од Си-Ен-Ен Турк, десетици припадници на интервентната полиција биле пред куќата на Имамоглу. Полицијата го претресува неговиот дом како дел од истрагата, објави телевизијата.
Истанбулскиот универзитет вчера објави дека поради нерегуларности му ја поништил дипломата на Имамоглу, главниот политички ривал на турскиот претседател Реџеп Таип Ердоган, нанесувајќи и удар на опозицијата, која во наредните денови требаше да го избере за претседателски кандидат.
Без универзитетска диплома, градоначалникот на Истанбул од главната опозициска Републиканска народна партија (ЦХП) не може да се кандидира за претседател. „Ќе ја однесеме оваа незаконска одлука на суд и ќе се бориме против неа“, рече тој, додавајќи дека одлуката на Универзитетот е незаконска.
Владата на Ердоган негира дека врши политички притисок врз судовите и тврди дека судството е независно. Одлуката е донесена во контекст на зголемената правна репресија против опозициските политичари, особено Имамоглу, против кого се покренати неколку обвиненија.
Европа
(Видео) Путин во рекорден рок го прекрши договорот со Трамп за ограничено примирје, објавија Украинците

Русија и Украина рано утринава се обвинија меѓусебно за воздушни напади кои предизвикаа пожари и оштетена инфраструктура само неколку часа откако претседателот Владимир Путин се согласи на ограничен прекин на огнот во руската војна против Украина.
Путин и американскиот претседател Доналд Трамп вчера се договорија за ограничен 30-дневен прекин на огнот против цели на украинската енергетска инфраструктура, додека преговорите за поширок мировен план ќе започнат „веднаш“, соопшти Белата куќа.
Путин и наредил на руската војска да престане да ги напаѓа енергетските капацитети, објави Кремљ по долгиот телефонски разговор меѓу двајцата лидери. Но, Путин не го прифати поширокиот предлог на САД за 30-дневен прекин на огнот што Трамп го сметаше за прв чекор кон постојан мировен договор.
❗️Russians just hit the energy sector in Sloviansk, Donetsk region, part of the city without electricity, local channels.
"Immediate ceasefire across all energy sectors" is working🤦♂️ pic.twitter.com/e0eBkUExwl
— 🪖MilitaryNewsUA🇺🇦 (@front_ukrainian) March 18, 2025
Украинскиот претседател Зеленски, кој се согласи на целосен 30-дневен прекин на огнот, по телефонскиот разговор меѓу Путин и Трамп рече дека ќе поддржи ограничен прекин на огнот, но го повика светот да ги блокира сите обиди на Москва да ја продолжи војната.
Неколку часа подоцна, двете страни пријавија напади на нивна територија. „Русија напаѓа цивилна инфраструктура и луѓе во овој момент“, изјави Андриј Јермак, шеф на кабинетот на украинскиот претседател, во текот на ноќта на комуникациската платформа „Телеграм“.
Неколку украински извори објавија дека набргу по разговорите Трамп-Путин, Русија ја нападнала енергетската инфраструктура во градот Славјанск, која останала без струја.
Регионалните власти во регионот Суми во североисточна Украина соопштија дека руските напади со беспилотни летала оштетиле две болници, без да предизвикаат повреди, но принудувајќи ги пациентите и болничкиот персонал да бидат евакуирани.
While the Russian drones attacked civilian residences and energy infrastructure in Hostomel and Sloviansk, inknown drones targeted an oil depot in the village of Kavkazskaya near Kropotkin in Krasnodar Region.
Located nearby is Kropotkinskaya oil refinery of the Caspian… pic.twitter.com/dNgIimkiDb
— Olga Klymenko (@OlgaK2013) March 19, 2025
Еден 60-годишен маж е повреден, а неколку куќи се оштетени во напад на руско беспилотно летало во областа околу украинскиот главен град Киев, изјави рано во средата регионалниот гувернер Микола Калашник.
Зеленски рече дека Русија лансирала повеќе од 40 дронови врз Украина неколку часа по разговорот меѓу Трамп и Путин.
Властите во областа Краснодар во јужна Русија рано утринава соопштија дека украинско беспилотно летало предизвикало мал пожар во складиште за нафта во близина на селото Кавказскаја. Во пожарот кој се прошири на 20 метри квадратни нема повредени, но 30 вработени се евакуирани, објавија регионалните власти на Телеграм.
„Работата во фабриката е прекината“, додадоа властите. Рускиот канал SHOT на Телеграм објави видео од пожар во текот на ноќта во нешто што изгледаше како индустриска област.
Kuban, the oil transshipment point "Kavkazskaya" was lit up. It is intended for transshipment of Russian oil by rail into the pipeline system of JSC "Caspian Pipeline Consortium" in the amount of 6 million tons per year. pic.twitter.com/JJELKYKySN
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) March 19, 2025
Каналот рече дека станува збор за важен објект наменет за транспорт на руска нафта. Ројтерс не може независно да го потврди извештајот на каналот.
Руската агенција за цивилно воздухопловство Росавијација соопшти дека ги суспендира летовите од аеродромите во Казан, Нижни Новгород и Нижнекамск, кои се на стотици километри источно од Москва, за „да се обезбеди сигурност на воздушниот сообраќај“.
Агенцијата не ја наведе причината за суспензијата, но вообичаено ги суспендира летовите кога има извештаи за напади со беспилотни летала.