Европската унија планира силен одговор на глобалните царини на Трамп од 25 отсто за челик и алуминиум, пишува Политико, повикувајќи се на три дипломатски извори запознаени со плановите на Брисел. Царините на американскиот претседател, за потсетување, стапија на сила утрово.

ЕУ веќе има подготвен пакет контрамерки, кој датира од првиот мандат на Трамп, а вклучува царини за познатите американски производи како мотоциклите Харли-Дејвидсон, бурбонот и фармерките. Овие мерки треба автоматски да стапат во сила на крајот на месецот. Сепак, како што наведуваат изворите на Политико, ЕУ најверојатно ќе оди чекор понатаму.

Како заеднички пазар од 450 милиони луѓе, ЕУ сака да испрати јасна порака дека е подготвена да ги брани своите економски интереси доколку Трамп ја засили трговската војна, наведува Политико.

Трансатлантската трговија, вредна 1,7 трилиони долари, беше клучна за просперитетот на Западот по Втората светска војна. Но, како што пишува Политико, Трамп, незадоволен од трговскиот дефицит на САД, гледа на тарифите како начин да ја принуди индустријата и работните места да се вратат во Америка.

Иако царините најмногу ќе ги погодат Канада и Мексико, ЕУ е трет по големина снабдувач на челик во САД и нема да биде поштедена. Брисел е загрижен и за можните „одмазднички“ царини кои би можеле да ги погодат европските автомобили, фармацевтската индустрија и прехранбениот сектор.

Царините стапија на сила на полноќ според Вашингтон. Дипломатите ќе разговараат за можниот одговор на утринската средба.

ЕУ со недели гласно сигнализира дека е подготвена да одговори на „неоправданите царини“. Европскиот комесар за трговија Марош Шефчовиќ завчера изјави дека Унијата е подготвена „да ги заштити своите компании, работници и потрошувачи“.

„Не можеме повеќе да се потпираме на САД – тоа е новата реалност. Затоа мораме силно да возвратиме, тоа е единствениот лек“, изјави еден европски дипломат за Политико.

Шефчовиќ минатиот месец го посети Вашингтон во обид да отвори дијалог и да избегне трговски конфликт, но заклучи дека администрацијата на Трамп не е заинтересирана. „На крајот на краиштата, едната рака не може да плеска“, рече тој.

Како што пренесува Политико, овој пат ЕУ подготвува посилен одговор отколку на царините на Трамп од 2018 година.

„Одмаздничките мерки на ЕУ се очекува да бидат посилни од претходните“, изјави друг дипломат за Политико, но додаде дека Европската комисија внимателно ги чува деталите за царините и временската рамка за нивно спроведување.

Одмаздата на ЕУ нема да биде веднаш. Пакетот од 2018 година автоматски ќе стапи на сила на 31 март, освен ако Брисел не одлучи да го продолжи неговото замрзнување. Новите или проширените царини ќе мора да бидат подложени на дополнително одобрување од национални експерти пред да стапат на сила.

Руските сили ја нападнаа Украина со балистички ракети и 126 беспилотни летала, запалија складиште за гориво и повредија две лица во делови на земјата, соопштија украинските власти.

Украинските воздухопловни сили објавија дека собориле балистичка ракета „Искандер-М“ и 79 беспилотни летала, а уште 35 беспилотни летала не успеале да стигнат до веројатните цели поради контрамерки за електронско војување.

Во јужниот дел на Одеса во напад беше запалено складиште за гориво, а во напад во североисточниот регион Харков беше повредено едно лице и беа оштетени земјоделски магацини, им соопшти гувернерот Олех Синијехубов и локалните обвинители.

Во Суми, друг североисточен регион, каде што украинските власти во понеделникот соопштија дека Русија се обидува да создаде зона на активни борби, во напад беше повредено едно лице и оштетени четири двокатни згради, напишаа локалните власти на „Телеграм“.

Воздухопловните сили не кажаа што се случило со 12-те беспилотни летала што не биле соборени.

Рускиот напад следува по најголемиот украински напад врз Москва
Нападот се случи откога руските власти соопштија дека Украина го извршила најголемиот напад со беспилотни летала врз Москва и московскиот регион, при што стотици беспилотни летала беа соборени во Русија.

Во украинскиот напад во раните утрински часови загинаа најмалку две лица, беа предизвикани пожари и беше прекинат воздушниот и железничкиот сообраќај во регионот.

Украинските напади доаѓаат додека Соединетите Американските Држави се залагаат за ставање крај на тригодишната војна што Русија ја почна со инвазијата на Украина во февруари 2022 година.

Денеска, американските и украинските тимови треба да се сретнат на мировни преговори во Саудиска Арабија.

Повеќе од дваесет возила изгореа во пожар што избувна на паркинг во Домодедово, Московскиот регион, објави регионалниот гувернер Андреј Воробјов на својот канал на „Телеграм“.

„По падот на остатоците од дронот, избувна пожар на паркингот. Изгореа повеќе од дваесет возила. Пожарникарите и сите служби за итна помош се на местото на настанот, пожарот е речиси изгаснат“, рече Воробјов.

💥🔥💥 While we were sleeping, a record number of drones were launched at Moscow

Their debris fell en masse across the Moscow region—there are wounded and one fatality. Other regions were also extremely tense — Russia’s Ministry of Defense reported that over 300 UAVs were shot… pic.twitter.com/kDfpYQFoMp

— NEXTA (@nexta_tv) March 11, 2025

На паркингот загина 38-годишен чувар. Две лица се повредени и хоспитализирани.

Градоначалникот на Москва: Спречен најголемиот напад со дронови врз Москва

Домодедово се наоѓа на 37 километри јужно од Москва. Во градот се наоѓа и аеродромот „Домодедово“, еден од трите главни аеродроми заедно со „Шереметјево“ и „Внуково“.

Moscow tonight. Russia says it shot down 337 drones over ten regions—the biggest attack of 2025. You reap what you sow. pic.twitter.com/4GjqxnJQG3

— Maria Avdeeva (@maria_avdv) March 11, 2025

Градоначалникот на Москва, Сергеј Собјанин, утринава соопшти дека противвоздушната одбрана го спречила најголемиот напад на непријателски беспилотни летала врз Москва. Руското Министерство за одбрана претходно објави дека 337 украински беспилотни летала биле уништени во текот на ноќта во руските региони, вклучително и 91 во регионот на Москва.